TITUS
Lancelot und Ginover I: Prosalancelot
Part No. 155
Previous part

Page: (318) 
Sentence: 2221    Darnach begund man zuhant eyner tafelrunden von fremden batzciliern ußer ferren landen.
Sentence: 2222    
Darnach gebrach nie kein ritter kein sper von des kónig Artus hoff.
Sentence: 2223    
Des nechsten tages geschach das des konig Artus ritter dick stachen mit speren und mit schilten on allerhand wapen, und underwilen on schilt und gewapent.
Sentence: 2224    
Die fremden ritter justierten des pascetages, und gewann ein ritter den priß vor den andern, da von wir hie vor gesprochen hant.
Sentence: 2225    
Er was genant Banin; er was des konig Banes pfetter von Bonewig.
Sentence: 2226    
Er was ein kurcz ritter dick, er was wunderlichen starck und behende.
Sentence: 2227    
Er hett menigen tag wiedder Claudas geurlaget und hett im manigen schaden getan, und hett so viel an im gewunnen das er rich was und herlich fur mit schönem harnasch, war er fúre.
Sentence: 2228    
Er kam zu des konig Artus hoff mit vier gesellen, die alle jung batzelierer waren.
Sentence: 2229    
Were in des koniges hoff kam der must sich beßern, oder er bleib gancz geuneret, er wer rich oder arm.
Sentence: 2230    
Zu den zytten was nymant so g-ut rettet, was er in des konig Artus hoff nit gewesen ein wil, das man icht off yn achtet.
Sentence: 2231    
Solt man yn auch prisen, er must bekennen alle die zu der tafelrunden horten und ir schiltwapen, dann was er allererst gepriset ritter und höfisch.
Sentence: 2232    
Da Banin die tafelrunde uberwunden hett von beider sytt mit jostieren, da besah yn manger man; und was ein sitte, wo der konig Artus kron trug und hoff hielt:
Sentence: 2233    
welch fremd ritter des tags allermeist gethan hett und den prise hett von dem jostieren, der trug des abendes, als die hoch tafelrund gesessen was, das erst geriecht fur; da by wart er bekant in dem hofe under den gesellen, das sie yn erten und furwert hulffen.
Sentence: 2234    
Als schier als er syn erst geriecht hett fur getragen, so ging er siezen zu des koniges tafelrunde vor dem konig uber; nicht by den konig, wann vor dem konig uber, umb das man den ritter deste baß solt bekennen.
Sentence: 2235    
Anderhalb saß keyn ritter zu des kóniges tafel dann an ein syten, anderhalb saß alweg der der den priß beidenthalben behalten hett von justieren.

Next part



This text is part of the TITUS edition of Lancelot und Ginover I: Prosalancelot.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.