TITUS
Lancelot und Ginover I: Prosalancelot
Part No. 157
Previous part

Page: (322) 
Sentence: 2254    »Das ist war«, sprach myn herre Gawan, »gedecht er umb ein hohe sach.
Sentence: 2255    
Es sy aber hoch oder rlyder, ich wil yn daruß bringen«, sprach myn herre Gawan.
Sentence: 2256    
»Es füget nicht wol under allen dißen fremden rittern«, sprach herre Key.
Sentence: 2257    
»Ich bring yn daruß, und solt er mich ummer darumb haßen«, sprach myn herre Gawan.
Sentence: 2258    
Er ging darwert, und Key ergreig yn mit dem arm.
Sentence: 2259    
»Beydent, herresprach er, »ich wil uch sagen wie wirn daruß bringen.
Sentence: 2260    
Nu belibent alhie stansprach er.
Sentence: 2261    
Key lieff hinweg und ergreyff ein horn an eim hirczhorn da es hing, und bließ so sere das ebener sal aller bibente, und erschrack alles das darinn was.
Sentence: 2262    
Der konig erschrack sere und wúst nicht wie im gescheen was, und fragt myn hern Gawan was das were.
Sentence: 2263    
»Was was das, gut herre«, sprach myn herre Gawan, »darnach ir also lang gedacht hant?
Sentence: 2264    
Es ist daling kein man in dem hofe ders uch zu hübscheit prüfe.
Sentence: 2265    
Ir solt zu recht allen uwern rittern freud machen und spiel die zu uwerm hofe komen sint.
Sentence: 2266    
Ir siczt hie und gedenckent so lang, das ir uwer tafeln naß macht mit weynen.
Sentence: 2267    
Dete es ein kint, es were ubel gethan; ich wil uwer geschwigen, des höhsten und des besten koniges der nu lebet»Hey lieber nefe Gawan, ich han recht und unrecht da mit gethon.
Sentence: 2268    
Durch myner gest willen, das sie mirs zu arg prüfent, han ich unrecht da mit gethan.
Sentence: 2269    
Ich han auch recht darmit gethan, ich sage dir wie:
Sentence: 2270    
ich gedacht das mir die meist schand ist geschehen die mir ye geschah sitherre das ich zu erst krone trug.
Sentence: 2271    
Das ist von dem konig Ban von Bonewig, der ein der byderbste man was den ich lebende wust.
Sentence: 2272    
Er starb off dem weg zu mir wert komende, das hatt man mir geclaget.
Sentence: 2273    
Ich wart aber nye so frumm das ich es besserte; des schäm ich mich so sere, und duncket mich das mir nie großer schande geschehe»Herre«, sprach myn herre Gawan, »es ist wol redet das ir darumb gedenckent als ir zytt hant und statt.
Sentence: 2274    
So mag uwer gedarick furwert gan, und stet mit allem uwerm fliß darnach das uwer gedanck vollenbracht werdeDer konig verstunt wol das im syn nefe wol saget, und wüschet syn augen und sin anczlicz und gebart sete frölich.

Next part



This text is part of the TITUS edition of Lancelot und Ginover I: Prosalancelot.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.