TITUS
Lancelot und Ginover I: Prosalancelot
Part No. 159
Previous part

Page: (326) 
Sentence: 2293    Er spien synen bogen und saczt einen stral darinn und schoß yn dort, umb das wunder zu beschauwen das der hircz so groß was.
Sentence: 2294    
Er was also reißt als er gewesen were zu mitten augst, so das alle syn gesellen den hircz zu wunder besehen.
Sentence: 2295    
Er sant den hircz mit zweyn knappen syner frauwen.
Sentence: 2296    
Sie besah den hircz zu großem wunder, umb das er die zyt jars so veißt was und so freischlich groß was vor allen den hirczen die sie ye gesehen hett.
Sentence: 2297    
Sie was syn sere fro und macht groß fest mit.
Sentence: 2298    
Lancelot was in dem wald bliben und saß lang under eyner eych uff eim grase, wann das wertet heiß was.
Sentence: 2299    
Da die groß hicz verging, er saß uff syn pfert und reyt heynwert und kam schier zu dem lack, und wol eim jeger glich.
Sentence: 2300    
Er hett einen grunen jegerrock ane, und was der wol geschnitten nach sym libe; er hett einen crancz off sym heubt von grünem laub durch der hicz willen und synen köcher an synem gúrtel; wann wo das er hien fúre, den furte er allweg mit im an synem gurtel, und synen bogen furte im ein knappe da er vor die porten kam.
Sentence: 2301    
Da besah yn syn frauw, und begunde sie so sere zu jamern das sie under iren danck must weynen.
Sentence: 2302    
Er kam in den hoff geritten, und sie ging in eine kamern.
Sentence: 2303    
Lancelot sah das, und wundert yn zumal sere warumb sie das deth, wann sie nicht gewon was zu fliehen als er kam von jagen.
Sentence: 2304    
Er stund von sym pferd und ging so er allerbaldest niocht und fand die frauwen off yrme bette ligende, und hett ir antlicz underwert gekeret.
Sentence: 2305    
Er ging zu ir und fand sie weynend und sere suffczende.
Sentence: 2306    
Er grußt sie, und sie antwurt im ein wort nit und ensah zu im wert nicht.
Sentence: 2307    
Yri wundert sere was ir were, wann er des ungewon was an ir.
Sentence: 2308    
Sie was gewon, als er von jagenne kam, das sie dann gegen im ging und h-alßt yn und kußt yn.
Sentence: 2309    
»Ay liebe frau«, sprach er, »nu sagent mir durch gott, was ist uch?
Sentence: 2310    
Hat uch ymant icht gethan, sagent mirs!
Sentence: 2311    
Ich wond wol das uch ymant solt erzörnen aldiewil das ich lebteDa sie yn horte, da begund sie von ernst zu weynen und zu suffczen, das sie ein wort nicht mocht gesprochen.
Sentence: 2312    
Uber ein lange wil darnach begund sie zu im zu sprechen:

Next part



This text is part of the TITUS edition of Lancelot und Ginover I: Prosalancelot.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.