TITUS
Lancelot und Ginover I: Prosalancelot
Part No. 164
Previous part

Page: (336) 
Sentence: 2366    Der helm den der ritter off sym heubt furt, und blibet ob allen synen wapen die er hatt und schinet darob:
Sentence: 2367    also muß der ritter schinen vor aller der werlt, alle die welt zu verstoßen die der heiligen cristenheit arg wollen thun.
Sentence: 2368    Er muß wesen als der wechter, der siecht uber alle die húser, wann er hoh siczet, das er allenthalben mog gesehen die mörder und die diebe.
Sentence: 2369    Die glene die der ritter haben muß die ist langk und sticht, ee man zu dem man kum.
Sentence: 2370    Also als das holcz lang ist und starck und das ysen sere schnidende, also das gewapent lut das forchten und fliehent, umb das sie den dot förchtent ob es sie treffe, also muß der ritter wesen stolcz und kúne und behende, das yn alle die bösen wicht forchten und die dieb, die von im hören sprechen, beyde ferre und nahe, das sie nymer geturren kirchen stoßen noch ubel darzu gethun.
Sentence: 2371    Das schwert das der ritter furt, das zu beiden syten schnydet, und ist me geeret dann dheynerhande wapen und ist vil werdet.
Sentence: 2372    Man mag da mit dryerhand ubel thun:
Sentence: 2373    stechen, slagen zur rechten hant und zur lincken hant, mit beiden.
Sentence: 2374    Das das schwert beydenthalb schnidet, das bezeichent die ritter die unsers herren gottes knecht múßen sin und syns volckes.
Sentence: 2375    Mit der eynen syten muß er slagen gottes fynde und die an yne nicht glauben wollen, mit der anderri syten sol er got rechen von den die von böser gesellschagt sint, das sint die da nement und stelent.
Sentence: 2376    Das ist der zweyer syten krafft.
Sentence: 2377    Das ort fornan bezeichent gehorsamkeit.
Sentence: 2378    Wer redet gehorsam ist der wirt dick gestochen, so sere das yn duncket das es im durch syn hercz gee.
Sentence: 2379    Dheynerhand verlust thut einen man wiedder synes herczen willen gehorsam zu syn.
Sentence: 2380    Das roß da der ritter off siczt das muß yn tragen wo er hien wille.
Sentence: 2381    Das bezeichent das volck.
Sentence: 2382    Als glich als er das roß fúret war er will, also glich múßen sie yn tragen und muß er sie leyten war er wil zu allen nöten, umb das er sie beschirmen muß, und sie múßen im gewinnen alles das er bedarff.
Sentence: 2383    Alsus mögent ir wißen das der ritter herre muß wesen uher das volck und darzu gottes knecht, wann er die heiligen kirchen befrieden múß und behuten vor allem übel.

Next part


This text is part of the TITUS edition of Lancelot und Ginover I: Prosalancelot.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.