TITUS
Lancelot und Ginover I: Prosalancelot
Part No. 165
Previous part

Page: (338) 
Sentence: 2384    Das ich spriche von der heiligen kirchen, da mit meyn ich alle pfaffheyt, die unserm herren gott gliches dienent, und witwen und weisen und kint und almusen die zun kirchen gegeben sint.
Sentence: 2385    Als glich als im das folck ist schuldig zu geben alles des er zu dem libe bedarff, als glich ist im die heilig kirch zu geben schuldig alles das im not ist zu dem ewigen leben das nymer ende enwurt, das ist mit irme gebet und mit yren guten wercken und mit irm almusen, das got von hymmel yn genedig múß wesen und múß sie behuten wo das sie hien keren, als gewerlich als sie das arme volck behuten und beschirmen vor ubel.
Sentence: 2386    Alsus ist des ritters ampt geistlich und fleischlich zu gottes dienst gemacht.
Sentence: 2387    Der ritter muß zwey hercz han, ein senffts und ein hertes als ein adamas.
Sentence: 2388    Das senfft hercz muß weich wesen als ein wahs, das hert hercz das hert ist als ein adamas.
Sentence: 2389    Der adamas muß also verliben als man yn findet, er mag dheyn hauwen dulden noch keyn graben.
Sentence: 2390    Also muß des ritters hercz syn starck und veste wiedder ungetruw lút und wiedder schelcke, die recht zu unrecht wollent machen und alwegen böse und schalckech wollen syn.
Sentence: 2391    Also als man das warm wahs biegen mag war man wil, also muß des ritters hercz senfft wesen und süß wiedder gut lút und wiedder demutig.
Sentence: 2392    Er sol im zu allen guten dingen laßen raten und sol alweg wol wiedder sie thun.
Sentence: 2393    Er muß sich huten, als lieb im syn ere ist, das er nymer weich noch sengt enwerd wiedder dieb noch wiedder verreter noch wiedder mörder.
Sentence: 2394    Die schrifft spricht das der ritter sichselber verdampt und verurteilt wann das er den ledig leßt der den dot verdient hat.
Sentence: 2395    Darwiedder spricht die geschrillt, welch man schalckeit mynnet und untrúwe der haßet sinselbs sele; darumb muß der ritter senfft wesen und weich als ein warm wahs wiedder gut lút und getruw, die alleweg recht wollen und wol.
Sentence: 2396    Alles das ich uch gesagt han«, sprach die frauw, »muß haben der der ritter syn wil, und will er des auch nit behalten und er auch nit darnach wircken will, so sol er auch zu recht nit ritter syn.
Sentence: 2397    Welch ritter herwiedder dut das ich uch hie gesaget han.
Sentence: 2398    er ist zu redet geyn der welt geuneret und darnach geyn gott.
Sentence: 2399    Diß wil ich das ir redet verstant.

Next part


This text is part of the TITUS edition of Lancelot und Ginover I: Prosalancelot.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.