TITUS
Lancelot und Ginover I: Prosalancelot
Part No. 166
Previous part

Page: (340) 
Sentence: 2400    Des tages das er den orden enphehet von der ritterschafft gelobet er gott mit syner trúwe alles das zu thun und also zu syn als im der vorspricht der yn ritter macht.
Sentence: 2401    Er weiß viel baß was er sprechen sol«, sprach die frauw, »dann ich es weiß.
Sentence: 2402    Wirt er dann meyneydig und behelt es nicht, so hatt er gottes huld verlorn.
Sentence: 2403    Sither das er gottes huld verlorn hatt der aller der welt herre ist, so hatt er wol zu recht syn ere verlorn zu der werlt, so das er zu recht mit guten lúten wedder gan noch stan ensol, wann er syns herren geluget hat der yn geschuff und yn macht.
Sentence: 2404    Der ritter wesen wil der muß ein reyn hercz haben, das keyn dingk darinn sy, es sy reyn und gut, [...] und alweg fechten umb den glauben zu stercken und die ee wiedder die philistin und wiedder die ungleubigen lút, und thun als die daten in der alten ee, die stritten mit yrn nachgeburen die ungleubig waren.
Sentence: 2405    Das der johan Ycarmens und judas Machabeus, der ein geziert ritter was.
Sentence: 2406    Er wolt sich gern laßen döten ee er unsers herren gottes geleuckent hett und verzigen.
Sentence: 2407    Man kund nye gefreischen das er ye zu eim male den rucken den fynden gekert zu fliehen da er mit den ungleubigen streyt.
Sentence: 2408    Dasselb der syn bruder Symon und der konig David und manig ander, der ich genennen nit enkan zu dißen stunden, die alle waren vor unsers herren gottes geburt.
Sentence: 2409    Und nochdann, sitherre das unser herre gott gemartert wart, hat man manigen man funden der gut man was beyde, herczen und libes.
Sentence: 2410    Der was Joseph eyner von Aramathia, der gut ritter, der unsern herren von dem crucz hub mit synen henden und legt yn in das grab.
Sentence: 2411    Von des geslecht was der konig Galaad, der edel konig von Hosselice, das sither was Galle geheißen durch des konigs Galaads willen.
Sentence: 2412    Also waren alle die konig die sittherre von im kamen, die ich alle genennen nit enkan.
Sentence: 2413    Von dem geschlecht was geborn der konig Pelles von Listenors und syn bruder Alains der Groß.

Next part


This text is part of the TITUS edition of Lancelot und Ginover I: Prosalancelot.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.