TITUS
Lancelot und Ginover I: Prosalancelot
Part No. 172
Previous part

Page: (352) 
Sentence: 2495    Er hieß ein bette machen in die schönsten kamern die da was; da was manig schöne und herliche.
Sentence: 2496    
Der konig was furwert in den walt geritten und sprach viel von dem gewunten ritter, er und syn geselschafft, und sprachen etschlich das nye kevn man als effenlich ding gesucht als derselb ritter.
Sentence: 2497    
Min herre Gawan sprach, ob gott wil, es engefure nymer man unberaten des kónigs hoff.
Sentence: 2498    
»Ich enweiß«, sprach der konig, »ich wen wol das wir keynen gesellen haben ders understen gethör das er súchet; wann eyn ritter enmocht es nymmer vol enden noch zwene noch sehß noch zwenczig noch dryßig.
Sentence: 2499    
Und möchtens wol dryßig zu ende bringen, nochdann enweiß unser dheyner warumb er uns so groß ein ding heisch, wedder unser frumme oder unser schade daran sy, oder was er damit meynAlsus sprach der konig und syn gesellen viel von dem ritter und fúren in ghenen walt schießen biß zu vesperzitt.
Sentence: 2500    
Der konig kert umb und reyt heynwert mit syner gesellschafft einen pfat, der zu dem großen weg ging.
Sentence: 2501    
Sie sahen zu der rechten hant wo die frauw von dem Lack kam mit ir gesellschafft.
Sentence: 2502    
Er sah zu allerförderst wo zwen garczune kamen und triben zwen wißer seumere.
Sentence: 2503    
Off dem ein seumer lag ein pavilune liecht und schön und so herlich das nye kein man dheyn beßers gesehen hett.
Sentence: 2504    
Off dem andern waren ritterscleyder und alles das zu der ritterschafft hörte, beyde ritterscleyder und hovecleyder, die waren in eim schryn, daroff lag ein halßberg und zwo yseren hosen.
Sentence: 2505    
Nach den zwein schrinen off den seumern kamen zwen knappen uff zweyn wißen pferden; der ein furt ein wißen schilt und der ander ein übersilberten helm gar wiß.
Sentence: 2506    
Darnach kamen aber zwen, der ein furt ein wiß glene als ein schne; darnach knappen gnuge, darnach dry jungfrauwen und dry ritter by yn.
Sentence: 2507    
Sie saßen all off wißen pferden und ritten ye zwen und zwen.
Sentence: 2508    
Die frauwe und Lancelot kamen zu letst by einander geritten.
Sentence: 2509    
Sie lerte yn alles wie er thun solt in des konig Artus hoff und anderswo wo er hien ritte.
Sentence: 2510    
Sie bevalh im, als lieb im syn ere were zu behalten, er wurde des nehsten sonnetags ritter; ließ ers, es solt im úmmer schaden.

Next part



This text is part of the TITUS edition of Lancelot und Ginover I: Prosalancelot.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.