TITUS
Lancelot und Ginover I: Prosalancelot
Part No. 173
Previous part

Page: (354) 
Sentence: 2511    »Was ir mich heißt«, sprach er, »frauw, des wil ich nicht laßen.« Mit dem kamen sie by des koniges gesellschafft rytende.
Sentence: 2512    Der konig und syn ritter wunderten sich sere were das syn möcht, des gesind also mit wißen cleydern gecleidet were und allesanipt wiße pfert ritten.
Sentence: 2513    Der konig wißt sie mym herren Gawan und mym herren Ywan und sprach das er nye lút so herlich und so hochferticlich riten gesehe.
Sentence: 2514    Die frauw vernam das er der konig were und syn geselschafft.
Sentence: 2515    Sie reit was das pfert gezelten mocht fur ir gesellschafft und der knapp mit ir.
Sentence: 2516    Da sie der konig so bald ritende sah komen, er gedacht das sie yn besprechen wolt.
Sentence: 2517    Sie was herlich gezieret.
Sentence: 2518    Sie was gecleyt mit eim wißen samit, rock und mantel, und darunder ein hermine federn.
Sentence: 2519    Sie saß uff eim wißen pferd, das was schon und so wol gemacht das es nit schoner wesen mocht; daran was ein zaum gancz wiß von silber.
Sentence: 2520    Der sattel und das fúrbúg und die stegereiff waren von wißem helffenbeyn sere behendeclichen geschnitten und gegraben mit cleynen bildlin mit jungfrauwen und mit rittern.
Sentence: 2521    Ir cleyder waren wiß samit.
Sentence: 2522    Alsus herlich kam die frauw fur den konig und Lancelot mit ir und hett einen halßberg ane der wiß und gut was.
Sentence: 2523    Der knap was wunderlich schone und wol gemacht.
Sentence: 2524    Er saß uff eim roß das groß und starck was und licht von großen sprungen.
Sentence: 2525    Die frauw der ir heubtcleyt von irm munde und grußt den konig.
Sentence: 2526    Ee sie yn gegrußt, hett er sie gegrußet, der konig.
Sentence: 2527    »Herre«, sprach sie, »got múß uch mynnen als den besten konig der off ertrich lebet!

Next part


This text is part of the TITUS edition of Lancelot und Ginover I: Prosalancelot.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.