TITUS
Lancelot und Ginover I: Prosalancelot
Part No. 174
Previous part

Page: (356) 
Sentence: 2528    König Artus«, sprach sie, »ich bin her zu uch komen sere ferre und wil uch eyner bett bitten, die ir mir zu recht nit versagen ensolt, wann irs wedder schaden noch schand solt han noch dheynerhand arg; es sol uch auch uwers guts nicht kosten»jungfrauw«, sprach der konig, »und kostet es mich mynes guts viel das mir nicht schadet an mynen eren noch an mynen freuden, so wolt ich úmmer uwer bete thun als wer es ein gar hoch sach»Herre«, sprach sie, »das vergelt uch gottl So bitt ich uch, herre«, sprach sie, »das ir mir dißen knappen ritter macht, wann ers uch bittet oder ichselber»jungfrauw«, sprach der konig, »ir sint mir sere wilkomen, und got muß uch lonen das ir yn herre zu mir bracht hant.
Sentence: 2529    
Der knapp ist schön und wol gemacht, ich wil yn gern ritter machen wann er wil.
Sentence: 2530    
Wann ir gelobetet mir das ir mir dhein ding soltent heischen das myn schand were noch myn schade noch mir ubel were.
Sentence: 2531    
Dete ich uwer bete, das wer mir Laster, wann ich keynen man ritter mach, es sy mit mynen wapen.
Sentence: 2532    
Laßent mir den knappen, ich sol yn gerne ritter machen und sol darzu thun alles das ich darzu thun mag, das sint syne wapen und den halslak.
Sentence: 2533    
Das mere darzu höre das muß got an im volbringen., das ist byderbekeit und alle gúte die den ritter anhöret»Herre«, sprach die frauw, »das mag wol war syn das ir dheynen man ritter machent, es sy mit uwern wapen.
Sentence: 2534    
Uch hatt es licht nymant gebetten; wann bitet mans uch, mich dunckt das irs keyn laster habet.
Sentence: 2535    
Dißer knapp enwirt nymer ritter, es sy dann mit synen wapen und mit denselben cleydem die ich im geben.
Sentence: 2536    
Wolt irn alsus ritter machen, das lone uch gott!
Sentence: 2537    
Wolt ir des nicht, so muß ich yne anderswo furen; und ee er ritter nicht enwurde, ich wolt yn ee selber ritter machen»Herre«, sprach myn herre Ywan, »ir ensolt der frauwen nicht versagen das sie uch bittet, ir mögent es wol mit eren thunt Und mißsetet ir auch ein wenig da mit, ir ensolt nymer ein also schönen knappen von uch laßen farri; ich gesah werlich nye dheynen so schönDer konig sprach, er wolt es gern thun, und die frauw danckt im sere.
Sentence: 2538    
Sie gab dem knappen die seumer beid und zwey die schönsten zeltenden pferd die ye dheyn man gesah.
Sentence: 2539    
Sie gab im vier knappen, die sin solten pflegen und warten und im dienen solten.
Sentence: 2540    
Die frauw nam urlob von dem konig.
Sentence: 2541    
Er bat sie sere das sie blieb.
Sentence: 2542    
Sie sprach, sie möcht uber ein nicht bliben.

Next part



This text is part of the TITUS edition of Lancelot und Ginover I: Prosalancelot.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.