TITUS
Lancelot und Ginover I: Prosalancelot
Part No. 176
Previous part

Page: (360) 
Sentence: 2564    »Vil liebe frauw, wie wol hant ir gethati, das ir mirs gesaget hant ee dann ich von uch fure, ich sol vil deste sanffter leben.« Sie nam ein gulden fingerlin und stackt es im an synen finger.
Sentence: 2565    »Diß fingerlin hatt die krafft«, sprach sie, »das es allerhand gauckel und allerhand zaubery endecket und mag sie geoffenbaren.« Sie bevalh yn got und kußte yne sere lieblich an synen munt.
Sentence: 2566    »Vil lieber koniges sun, ich wil uch noch ein wenig sagen ee, dann ich von uch scheyde:
Sentence: 2567    ob uch vil böser abentur zukoment und die wol zu ende bringent, also vil bestent die andern kúnlicher, und stent darnach das ir sie mit großen eren endent, das die abentur nymer so freischlich ist noch so starck.
Sentence: 2568    Ich weiß auch wol furware:
Sentence: 2569    das ir nicht geenden mögent das endet keyn ritter der hut lebet.
Sentence: 2570    Ich sagte uch vil me«, sprach sie, »wann das mir myn hercz so we thut das ich nu nicht me gesprochen mag.
Sentence: 2571    Farent hinweg, aller der welt múßent ir lieb und wert syn ob allen rittern, alle werde frauwen múßent uch mynnen und lieb han ob allen creaturen!
Sentence: 2572    Diß soll alles ware syn, das weiß ich wol«, sprach die frauw.
Sentence: 2573    Sie greyff yn umb synen hals und kust yn an synen munt und an syne augen sere lieblich.
Sentence: 2574    Sie kette von im und macht so großen jamer das sie ein wort nicht gespreeben mocht.
Sentence: 2575    Lancelot begunde sere weynen und lieff zu synem nefen Lyonel und zu Bohorte und kust sie.
Sentence: 2576    »Herre Lyonel«, sprach er, »ir dörffent kein groß angst han umb das uch Claudas uwer lant genomen hatt.
Sentence: 2577    Ir hant me ftünde dann irselber wöndent, die es uch sollen helffen wiedder gewinnen.« Er reyt furbas und kust yglichen sonderlich und bevalh sie gott.
Sentence: 2578    Er kert umb und reit nach dem konig und syner gesellschafft und ervolget sie.
Sentence: 2579    Sie ritten gemehelich umb das sie yn wol besehen wolten.
Sentence: 2580    Der konig nam yn mit dem kyne, und ducht yn so schön das in der welt nicht an im zu beßern ware.
Sentence: 2581    »Herre«, sprach myn herre Ywan, »beseht yne wol!
Sentence: 2582    Mich dunckt das nye keyn man so schön figure gesehe an menschen.
Sentence: 2583    Werlich, gott hatt syn nicht vergeßen, hatt ern also gut und also biederbe gemacht, als schön und als wolgethan ern hatt gemacht.« So viel sprach myn herre Ywan und syn gesellen von dem knappen das sich der knapp schamt.

Next part


This text is part of the TITUS edition of Lancelot und Ginover I: Prosalancelot.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.