TITUS
Lancelot und Ginover I: Prosalancelot
Part No. 177
Previous part

Page: (362) 
Sentence: 2584    Und der konig sah das wol und wolt yn nichts me fragen, er gedacht das er beyten wolt biß zu eynr andern stunde.
Sentence: 2585    »Herre Ywan«, sprach der konig, »ich bevelhe uch den knappen, hie ist nymant der im so recht kum zu einem meister so ir wiset yn wie er thun soll.« Er gab yn im mit der hant, und herre Ywan furt yn mit im.
Sentence: 2586    Mit dem kamen sie zu Camahelot, und das getreng wart so groß, umb den knappen zu besehen, von den ußer der statt, das sich nyman bekeren enkunde.
Sentence: 2587    Myn herre Ywan furt yn zu syner herberg und syn knappen.
Sentence: 2588    Alle die yn gesahen sprachen das sie nye keyn kint so schones gesehen hetten.
Sentence: 2589    Des nehsten tages an dem samßtag sprach der knapp zu mym herren Ywan:
Sentence: 2590    »Herre«, sprach er, »saget mym herren dem konig das er mich morn ritter mach, als er myner frauwen gelobet.
Sentence: 2591    Ich wil nit lenger beyten.« »Wolt ir also schier ritter werden?« sprach myn herre Ywan.
Sentence: 2592    »Ja ich, herre«, sprach er.
Sentence: 2593    »Nu sagent mir, lieber frünt«, sprach myn herre Ywan, »wer uch nit beßer das ir noch beytent so lang biß ir uch mit den wapen wol kundent behelfend »Herre«, sprach er, »mit mym willen blib ich nit lenger knapp; darumb sagent mym herren das er mich morn ritter mach, ich wol uber ein nit lenger beyten!« »Diß wil ich gern thun«, sprach myn herre Ywan.
Sentence: 2594    Er ging zu hofe und besprach den konig.
Sentence: 2595    »Herre«, sprach er, »uwer knapp enbütet uch by mir das ir yn mom ritter machent.« »Welcher knapp ist das?« sprach der konig.
Sentence: 2596    »Herre«, sprach myn herre Ywan, »der knapp den uch die frau nechten bracht, den ir mir bevalent zu wisen und zu lernen.« Herunder kam die konigin gan und herre Gawan mit ir.
Sentence: 2597    Der konig sah myn hern Ywan ane und sprach:
Sentence: 2598    »Meynent ir den schönen knappen mit den wißen cleydern?« »Denselben meyn ich«, sprach er.
Sentence: 2599    »Herre, wil derselb yczunt ritter werden?« sprach der konig.
Sentence: 2600    »ja er, herre«, sprach er, »morn des nehsten tages.« »Hört ir des icht, herre Gawan«, sprach der konig, »wo unser knappe yczunt ritter werden wil, den uns die frauw nechten bevalh?« »Herre«, sprach myn herre Gawan, »er dut alrecht, ich wene wol das er ein meisterritter werde, sol er lang leben.

Next part


This text is part of the TITUS edition of Lancelot und Ginover I: Prosalancelot.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.