TITUS
Lancelot und Ginover I: Prosalancelot
Part No. 180
Previous part

Page: (368) 
Sentence: 2635    »Frau«, sprach myn herre Ywan, »wir enwißen nicht wol wie im zu müt sy oder was im ist.
Sentence: 2636    
Es ist im licht verboten das er uch noch dheinem man synen namen sagen sol oder wer er sy»Es mag wol also syn«, sprach die frauw.
Sentence: 2637    
Des enhort alles der knapp nit.
Sentence: 2638    
Die koniginne ging in ir kamern.
Sentence: 2639    
Umb vesperzitt myn herre Ywan nam den knappen mit der hant und leyte yn zur vesper.
Sentence: 2640    
Nach vesper ging der konig und die koniginn durch den sale in einen schönen baumgarten off einen rivier, der by der burg abfloß.
Sentence: 2641    
Min herre Ywan geleyte den knappen dar.
Sentence: 2642    
Darnach kam ein groß schare von jungfrauwen und darnach ein schare von jungherren, die alle des nehsten tages ritter wolten werden.
Sentence: 2643    
Welch man durch den sal in den bangarten gan wolt der must durch die kamern gan da der siech ritter inn lag, der mit der glenen durch den lip gestochen was.
Sentence: 2644    
Sin wunden stuncken so sere das alle die ir nasen musten verstoppen die dar durch gingen, und musten durch die kammern lauffen was sie úmmer mochten.
Sentence: 2645    
»Warumb stoppen die lut ir nasensprach der knappe zu mym herren Ywan.
Sentence: 2646    
»Lieber frunt«, sprach myn herre Ywan, »hie lyt ein wunt ritter inne, und stinckent im syn wunden»Warumb lyt er hie ofP Lege er nit gemechelicher dort nyden in eyner herberge»ja er«, sprach myn herre Ywan, »er lyt aber hie durch hilft und durch gnad, ob es im gott günne«, und saget im, welch man im die glenenstuck und das ysen dem libe ziehen wolt und den ritter darab erlösen, der muß zu allererst zu den heiligen schwern das er yn rechen solt; und saget im wie ern rechen solt.
Sentence: 2647    
»Herre«, sprach der knapp, »ich wolt yn fast gern sehen, wer es uch lieb»Geet dann mit mir«, sprach myn herre Ywan, »ir mögent yn wol sehen«, und gingen beid fur den ritter stan.
Sentence: 2648    
»Herre ritter«, sprach der knapp, »wer hatt uch so sere gewunt»Das det ein ritter, lieber frunt«, sprach er, »den ich dot han geschlagen»Warumb thund ir uch das holcz und das ysen nicht ziehensprach der knappe.

Next part



This text is part of the TITUS edition of Lancelot und Ginover I: Prosalancelot.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.