TITUS
Lancelot und Ginover I: Prosalancelot
Part No. 182
Previous part

Page: (372) 
Sentence: 2667    Er kam fur yn und sprach ob er wolt das er im die glenysen ußzüge.
Sentence: 2668    »ja ich vil gern«, sprach der gewunt ritter, »wolt ir uff den heiligen schwern, das ir mich rechen solt von allen den die sprechen das sie den lieber hant der mich alsus wundet dann mich selben.« »Diß wil ich gern thun«, sprach er.
Sentence: 2669    Er ging zu einem fenster und reicht syn hant zu eyner kirchen wert die er sah, und schwur, als im der gewunt ritter vor sprach, das ern rechen solt nach syner macht.
Sentence: 2670    Diß horten sin knappen allvier.
Sentence: 2671    »Nu mügent ir mir helffen«, sprach der ritter, »und gott múßt ir wilkumme syn!« Der knap trat furbas und der dem gewunten ritter eyn stück von eim schwert ußer dem heubt, so sanfft das ers nit enzüb wann ein wenig; also sanfft der er im die zwey glenestuck uß.
Sentence: 2672    Diß ersach ein ritter und lieff nyder zu dem konig da er noch den andern rittern ir schwert umb gurt, und sagt diß myrn herren Ywan.
Sentence: 2673    Myn herre Ywan lieff dar als er tobete und sah wo dem ritter die glenstuck ußer dem libe waren, und was im fast leyt.
Sentence: 2674    »Hey schöner ritter«, sprach der gewunt rettet, »got múß dich zu eim guten man machen, soltu lang leben, du wurdest nemlich byderbe und gut!
Sentence: 2675    Nu were ich genesen«, sprach der wunt ritter, »hett ich eynen guten arczat.« »Hey lieber herre«, sprach der schöne knappe, »lieber herre, thunts durch gott und gewinnet im einen arczt!« »Wie«, sprach myn herre Ywan, »hant ir im die stuck ußgezogen?« »Herre«, sprach er, »ir mögent es wol sehen, es erbarmet mich so sere das ich es nit lenger kunt vertragen.« »Ir hant nicht wißlich gethan«, sprach myn herre Ywan, »man sol es uch dick zu großer affenheit zelen.
Sentence: 2676    Hie sint die besten ritter von aller der welt in myns herren huß, die sich nit daran kerent darumb das es nymand zu ende komen mag.
Sentence: 2677    Wann ir nicht wißent wie groß ein ding es ist, so hant irs understanden; ir hant gethan das mir sere leyt ist«, sprach er, »mir wer lieber, das der ritter one hilft hinweg gefaren were, wie myn herre der konig die schande uberwúnde und syn ritter.
Sentence: 2678    Solt ir leben, ir mögent noch zu hohen dingen komen.« »Hei lieber herre, was sprechent ir?

Next part


This text is part of the TITUS edition of Lancelot und Ginover I: Prosalancelot.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.