TITUS
Lancelot und Ginover I: Prosalancelot
Part No. 185
Previous part

Page: (378) 
Sentence: 2706    Ich bitt uch eyner gaben, das ir mir des günnent das ich fare der frauwen helffen.« »Vil lieber frunt«, sprach der konig, »ir wißent nicht wes ir bittent, ir sint noch so jung und so kinnesch das ir nit enwißsent was zu starcker ritterschafft höret.
Sentence: 2707    Der konig von Northumberlande hatt manigen stolczen ritter.
Sentence: 2708    ich weiß wol das er synen ergsten nicht thut fechten; ir sint so jung das ir noch nit endörffent so großer burdin off uch zu laden.
Sentence: 2709    Es were groß schade, geschehe uch dheynerhand ungemach, ir mogent noch wol zu hohen dingen komen.
Sentence: 2710    Ir sint so schön und so wol gemacht und eins so stolczen herczen, des mich duncket, das das fast kuͦm mag gesyn, ir sint von fast hohem geschlecht.
Sentence: 2711    Uwer groß hercze der uch mir diß heischen, umb das ir gerne ere und priß gewúnnet.
Sentence: 2712    Es were mir auch sere leyt, geh ich uch dheynerhand gaben darumb ir dot bliebent.
Sentence: 2713    Anderhalb hant ir ein so groß sach understanden das uch wol da mit sol benúgen.
Sentence: 2714    Got geb das ir sie wol zu end bringent, das ist uch nott!« »Herre«, sprach der knappe, »diß ist die erst herb der ich uch ye gebar sither das ir mich ritter machtent.
Sentence: 2715    Sehent uwerselbs ere an und versagent mirs nit; des bitt ich uch anderwert das ir mir die ere thúnt und sendent mich zu der frauwen von Noaus, das ich ir ir lant behalt.
Sentence: 2716    Versagent ir mirs, so wúrd ich sere entseczet myner eren, und alle die welt sol mich unwert han und ich mich selben.
Sentence: 2717    Der ritter der die botschafft bracht spricht, ein ritter mög es wol gethun.
Sentence: 2718    Nu thund es durch got und sendent mich zu der frauwen!« Min herre Gawan kam erfur gesprungen und myn herre Ywan syn nefe und sprachen zu dem konig:
Sentence: 2719    »Herre, durch got gelobet es im!
Sentence: 2720    Wir wenen werlichen das er der frauwen wol helffen sol.
Sentence: 2721    Ir mögent es im mit keynen eren versagen.« »Ich wene auch werlich«, sprach der konig, »das ers wol sol thun; und das gebe gott, ich wil im die gifft geben in gottes namen!
Sentence: 2722    Seht hie«, sprach der konig, »schöner knappe, ich wil uch geben das ir begert hant, got geh das ir da mit prise geholt und ere und lob!« »Herre«, sprach der knapp, »das muß uch got vergeltenl« Er nam urlob zu dem konig und zu mynem herren Gawan, und myn herre Ywan furt yn zu der herberg und wapent yne.
Sentence: 2723    Der ritter der die bottschafft bracht hett ging zu dem konig und sprach:

Next part


This text is part of the TITUS edition of Lancelot und Ginover I: Prosalancelot.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.