TITUS
Lancelot und Ginover I: Prosalancelot
Part No. 186
Previous part

Page: (380) 
Sentence: 2724    »Herre, ich fare mit uwerm urlob, mich duncket das ir mir den nuwen ritter gegeben habent mit mir zu furen; seht selb das er also sy das er ein so groß sach understan gethúre und müge»Ir hant wol gehört«, sprach der konig, »wie er mich darumb gebetten hat.
Sentence: 2725    
Herr ers nit gethan, ich hett uch den besten ritter gegeben und dar gesant den ich hett.
Sentence: 2726    
Nochdann wen ich wol furware das uwer frauw wol da mit bewarnt sy»Herre«, sprach der ritter, »mit uwerm urlob»Got geleyt uch«, sprach der konig, »und grüßent mir uwer frauwen von mynentwegen und sagent ir, ob sie keyn angst hatt das ir ein ritter nicht zustaten mög gestan zu irm kampff, heißent sie herwiedder zu mir senden, ich wil ir als manigen senden als sieselb wil ritter der besten die ich han»Herre«, sprach der ritter, »das vergelt uch gottEr kette umb und ging zu myns herren Ywans herberg und fand sich den knappen wapende.
Sentence: 2727    
Da er gewapent was biß an das heubt und die hende, er bedacht sich und sprach:
Sentence: 2728    
»Hei herre, wes ist mir vergeßen!
Sentence: 2729    
Ich han zu myner frauwen noch nit urlob genomen der koniginne»Ir hant wißlich gesprochen«, sprach myn herre Ywan, »woldann, geen wir zu ir»Herre«, sprach der knapp zu dem ritter, »beident myn off dem wege rytende, ich erfolge uch zuhant, und nement myne knappen mit uch!
Sentence: 2730    
Fart hinweg mit im«, sprach er zu synen knappen, »und fúrt myn harnasch mit uchEr rieff eim synem knappen zu im und rumet im das er syn schwert mit im neme:
Sentence: 2731    
»Ich gedencke noch von anders mannes hant ritter zu werden dann von des konig Artus hantDer ritter reyt hinweg fúr, und des knappen schiltknecht ritten mit im.
Sentence: 2732    
Der knapp und myn herre Ywan gingen zu hofe durch den sale da der konig inne was und manig edel ritter mit im.
Sentence: 2733    
Der knappe hett sin kutten von sim heubt gethan, und hing im off syn schultern.
Sentence: 2734    
Sie kamen in der koniginne kamern gande.
Sentence: 2735    
Der knapp wart der koniginne geware und knyte vor ir nyder und besah sie sere gútlich als lang als er úmmer getorst.
Sentence: 2736    
Da er sich begund schamen, er schlug syn augen off die erden und er schampt sich fast sere.
Sentence: 2737    
Myn herre Ywan sprach:

Next part



This text is part of the TITUS edition of Lancelot und Ginover I: Prosalancelot.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.