TITUS
Lancelot und Ginover I: Prosalancelot
Part No. 234
Previous part

Page: (46) 
Sentence: 1872    So lang was der siech ritter by der frauwen von Noaus das er nehelich genesen was, und begerte die wapen sere die er so lang gelaßen hett.
Sentence: 1873    
Er ging zu der frauwen und nam urlob zu ir; er ging zu sym arczt und hieß yn das er sich bereit mit im zu farn.
Sentence: 1874    
Die frauw hett im siner arbeit wol gelonet das er den ritter generet hett.
Sentence: 1875    
Und da sie ritten off dem weg, da fragt yn der ritter ob er noch genesen were also das er wapen möcht tragen.
Sentence: 1876    
»Neyn ir nicht«, sprach der arczt, »ir mögent solche ding understan, man must uch als von erst beginnen zu generen
Sentence: 1877    
»Des enmag sich nyman gehuten als er darzu kömpt
Sentence: 1878    
»Ir enhútent uch dan, man muß es an uch aber beginnen als von erst oder mer
Sentence: 1879    
»Mich duncket wol wie ich genesen sy«, sprach er, »wann alle myne gelieder wollen mir helffen
Sentence: 1880    
»Gedenckent ir zu dem thurney icht zu komen«, sprach der arczat, »so sehent ob ir gerner siech dar koment oder gesunt
Sentence: 1881    
»Mir ist lieber«, sprach er, »das ich gesunt dar kum
Sentence: 1882    
»So rat ich uch das ir biß dar mit gemach lebent, so mogent ir dann wol gesunt syn und starck
Sentence: 1883    
»Ratent ir mirs, so wil ichs thun«, sprach er, »wann zu der frauwen enwil ich nit, dannen wir nu sint komen.
Sentence: 1884    
Ich weiß einen einsiedel, da hien wil ich farn, er ist ein gut man und ein heilig man
Sentence: 1885    
Sie ritten beidesamen darwert.
Sentence: 1886    
Der arczat wolt in dheyn wise von im nit scheiden ee der thorney ergangen was.
Sentence: 1887    
Sie ritten zu des einsiedels huß von Plaissie, also hieß er.
Sentence: 1888    
Alda was Brandus von den Ylen gefangen gewesen, das was der herre von der Dolorosen Garden.
Sentence: 1889    
Der einsiedel was des ritters sere fro, wann das er sere erfert was.
Sentence: 1890    
Der ritter was mit dem einsiedel biß das der arczat sprach das er gesunder und genczer were dann er ye ward; nochda was wol vierczehen nacht zu dem thorney.
Sentence: 1891    
- Nu mußen wir von mym herren Gawan sprechen ein wile.


Next part



This text is part of the TITUS edition of Lancelot und Ginover I: Prosalancelot.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.