TITUS
Heinrich Seuse, Buch der Wahrheit
Part No. 7
Previous part

Chapter: VII.    
Sentence: 320 
VII. Uff welen puncten dien menschen gebristet, die valsche friheit fuͤrent.


Sentence: 321    An einem liehten sunnentage do sazz er eins males ingezogen und verdaht, und in der stilli sins gemuͤtes begegnet ime ein vernúnftiges bilde, daz waz subtil an sinen worten und waz aber ungeuͦbet an sinen werken und waz usbrúchig in flogierender richheit.
Sentence: 322    Er huͦb an und sprach zuͦ im also: Wannen bist du?
Sentence: 323    Es sprach: Ich kam nie dannen.
Sentence: 324    Er sprach: Sag mir, waz bist du?
Sentence: 325    Es sprach: Ich bin niht.
Sentence: 326    Er sprach: Was wilt du?
Sentence: 327    Es antwúrte und sprach: Ich wil nút.
Sentence: 328    Er sprach aber: Dis ist ein wunder.
Sentence: 329    Sag mir, wie heizsest du?
Sentence: 330    Es sprach: Ich heisse daz namelos wilde.
Sentence: 331    Der Iunger sprach: Du macht wol heissen daz wilde, wan dinú wort und antwúrte sint gar wilde.
Sentence: 332    Nu sag mir eins, des ich dich frage: Wa lendet din bescheidenheit?
Sentence: 333    Es sprach: In lediger friheit.
Sentence: 334    Der Iunger sprach: Sag mir, waz heissest du ein ledig friheit?
Sentence: 335    Es sprach: Da der mensch nach allem sinem muͦtwillen lebet sunder anderheit, ane allen anblik in vor und in nach.
Sentence: 336    Der Iunger sprach: Du bist nút uf dem rehten wege der warheit, wan se^olichú friheit verwiset den menschen von aller selikeite und entfriet in siner waren friheit.
Sentence: 337    Wan swem underscheides gebristet, dem gebristet ordenunge, und waz ane reht ordenunge ist, daz ist be^ose und gebreste, als Christus sprach: »Der súnde tuͦt, der ist ein kneht der súnde«.
Sentence: 338    Aber wer mit einer luteren gewisseni und behuͦtem lebenne inget in Christum mit rehter gelazsenheit sin selbs, der kumet zuͦ der rehten friheit, als er selbe sprach: »Le^oset úch der sun, so werdent ir warlichen fri«.
Sentence: 339    Daz wilde sprach: Waz heissest du ordenhaft ald nút ordenhaft?
Sentence: 340    Der Iunger sprach: Ich heis daz ordenhaft, wenn alles daz, daz der sache zuͦge^oherlich ist von innen ald von ussen, nút underwegen blibet unangesehen in dem uswúrkenne.
Sentence: 341    So heis ich daz unordenhaft, weles under disen vorgenanten underwegen blibet.
Sentence: 342    Daz wilde sprach: Ein ledigú friheit sol dem allem sament undergan und es alles verahten.
Sentence: 343    Der Iunger sprach: Dú verruͦchtekeit were wider aller warheit und ist der valschen ledigen friheite gelich, wan si ist wider die ordenunge, die daz ewig niht in siner berhaftkeit hat gegeben allen dingen.
Sentence: 344    Daz wild sprach: Der mensche, der in sime ewigen nihte zenihte ist worden, der weis von underscheide nút.
Sentence: 345    Der Iunger: Daz ewig niht, daz hie und in allen gerehten vernúnften ist gemeinet, daz es niht si nút von sime nútsinde, mer von siner úbertreffender ihtekeit, daz niht ist in im selber aller minste underscheides habende, und von im, als es berhaft ist, kumet aller ordenlicher underscheit aller dingen.
Sentence: 346    Der mensch wirt niemer so gar vernihtet in disem nihte, sinen sinnen blibe dennoch underscheit ir eigennes ursprunges und der vernunft dez selben ir eigen kiesen, wie daz alles in sinem \ ersten grunde unangesehen blibet.
Sentence: 347    Daz wild: Ob man es denne ze male nimet niergen denne in dem selben und us dem selben grunde?
Sentence: 348    Der Iunger: Der nemi es nit rehte, wan es enist nit allein in dem grunde, es ist o^vch in im selbe ein kreatúrlichs iht hie usse \ und blibet, daz es ist, und nach dem so muͦz man es o^vch nemen.
Sentence: 349    Were daz ime engienge sin underscheid nach der wesunge als nach der nemunge, so me^oht es bestan.
Sentence: 350    Und des enist nit, als da vor geseit ist.
Sentence: 351    Hie von sol man alweg haben guͦten underscheit.
Sentence: 352    Daz wilde sprach: Ich han vernomen, daz ein hoher meister si gewesen, und daz der absprechi allen underscheit.
Sentence: 353    Der Iunger sprach: Daz du meinest, daz er allen underscheit ab sprechi: Nimst du daz in der gotheit, daz me^oht man verstan, daz er meindi der personen eins ieklichen in dem grunde, da sú inne sint ununderscheiden, aber nút gegen dem sú sich widerheblich haltent, und da ist ze haltenne sicherlich perse^onlich underscheidenheit.
Sentence: 354    Nimest du es o^vch von eins vergangnen rnenschen entwordenheit, da von ist gnuͦg da vor geseit, wie es ist ze verstenne nach der nemunge, nit nach der wesunge.
Sentence: 355    Und merke hie, daz es ein anders ist underschidunge und underscheidenheit, als kuntlich ist, daz lib und sel hant nit underschidunge, wan eins ist in dem andern und kein lid mag leben, daz usgeschidet ist.
Sentence: 356    Aber underscheiden ist dú sele von dem libe, wan dú sele ist nit der lib noch der lib dú sele.
Sentence: 357    Also verstan ich, daz in der warheit nút ist, daz underschidunge muge han von deme einveltigen wesenne, wan es allen wesenne wesen git, aber nach underscheidenheit, also daz daz ge^otlich wesen nit ist des steines wesen noch des steines wesen daz ge^otlich wesen, noch kein kreature der andern.
Sentence: 358    Und also meinent \ die lerer, daz disú underscheidenheit eigenlich ze sprechenne nit si in gotte, mer si ist von gotte.
Sentence: 359    Und sprichet úber der wisheit buͦch: Als nút einigers ist denn got, also ist nút underscheideners.
Sentence: 360    Und darumbe so ist dú hellunge valsch und disú meinunge gereht.
Sentence: 361    Daz wilde sprach: Der selb meister hat vil schone geseit von eime kristmessigen menschen.
Sentence: 362    Der Iunger sprach: Der meister sprichet an einer stat also: »Christus ist der eingeborne sun und wir nit«.
Sentence: 363    »Er ist der natúrlich sun, wan sin geburt zilet in der natur«, aber wir sien nit der naturlich sun, und únser geberunge \ heisset »ein widergeburt, wan si zilet in einfe^ormikeit siner nature.
Sentence: 364    Er ist ein bilde des vatters, wir sien gebildet nach dem bilde der heiligen drivaltikeit«.
Sentence: 365    Und sprichet, daz ime hierinne nieman kan gelich gemessen.
Sentence: 366    Daz wild sprach: Ich han vernomen, er sprechi, ein se^olicher mensch wúrke alles, daz Christus wurkte.
Sentence: 367    Der Iunger entwúrt: Der selbe meister sprichet an einer stat also: »Der gerechte wúrket alles, daz dú gerehtikeit wúrket«.
Sentence: 368    Und daz ist war, sprichet er, da der gereht eingeborn ist von der gerehtikeit, als geschriben stat: »Daz von fleische geborn ist, daz ist fleisch, und daz geborn ist von geiste, daz ist geist«.
Sentence: 369    Und daz ist allein war, sprichet er, in Christo und an keinem andern menschen, wan er hat nit wesen denne daz wesen des vatters, noch geberer \ denne den himelschen vatter.
Sentence: 370    Und darumbe wurkte er alles, daz der vatter wurket.
Sentence: 371    Aber in allen andren rnenschen, sprichet er, so velet dis, daz wir minr und me mit im wúrken nah dem, als wir minr und me von im sien geborn.
Sentence: 372    Und disú rede bewiset dich eigenlichen der warheit.
Sentence: 373    Daz wilde sprach: Sin rede lúhtet, daz alles, daz Christo si gegeben, daz si o^vch mir gegeben.
Sentence: 374    Der Iunger: Daz al, daz Christo ist gegeben, daz ist volkomnú besitzunge der weslichen selikeit, als er sprach: »Omnia dedit michi pater.
Sentence: 375    Der vatter hat mir al gegeben«.
Sentence: 376    Und daz selb al hat er úns allen gegeben, aber in unglicher wise.
Sentence: 377    Und er sprichet an vil stetten, daz er daz al hat mit der infleischunge und wir mit der gotfe^ormigen vereinunge.
Sentence: 378    Und darumbe hat er daz so vil adellicher, so vil er sin adellicher enphenklich waz.
Sentence: 379    Daz wilde zoh aber fúr und meinde, daz er absprechi alle glicheit und vereinunge und daz er úns sazti bloz und entglichet in die blozsen einikeit.
Sentence: 380    Der Iunger antwúrt und sprach: Dir gebristet ane zwivel, daz dir nit lúhtet der underscheit, von dem da vor geseit ist, wie ein mensche ein súlle werden in Christo und doch gesúndert bliben, und wa er vereinet ist und sich unvereinet eins nemende ist.
Sentence: 381    Weslich lieht hat dir noch nit gelúhtet, wan weslich lieht lidet ordenunge und underscheit, entwiset von usbrúchiger manigvaltikeit.
Sentence: 382    Din scharphes gemerke richset mit guͤnlichi dez liehtes der nature in behender vernúnftikeit, daz da vil glich lúhtet dem liehte der ge^otlichen warheit.
Sentence: 383    Daz wilde gesweig und bat in mit ergebenlicher undertenikeit, daz er fúrbaz ruͦrti den nútzen underscheit.
Sentence: 384    Er antwúrte und sprach also: Der meiste gebreste, der dich und dine glichen entsetzet, der lit dar an, daz úch gebristet \ guͦtes underscheides vernúnftiger warheit.
Sentence: 385    Und darumbe wer sin nehstes welle ervolgen und nút in dise gebresten vallen, der sol diser to^vgenlicher lere flizsig wesen, so kumet er ungehindert zuͦ eime selige lebenne.



Next part


This text is part of the TITUS edition of Heinrich Seuse, Buch der Wahrheit.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.