TITUS
Walther von der Vogelweide, Lieder
Part No. 2
Previous part

Song: 27 
Bin ich dir unmaere

(Cormeau 27)


Strophe: I 
Verse: 1    Bin ich dir unmære,
Verse: 2    des enweiz ich niht: ich minne dich.
Verse: 3    einez ist mir swære,
Verse: 4    dû sihest bî mir hin und über mich.
Verse: 5    Daz solt dû vermîden,
Verse: 6    ine mac niht erlîden
Verse: 7    selke liebe ân grôzen schaden.
Verse: 8    hilf mir tragen, ich bin ze vil geladen.

Strophe: II 
Verse: 1    Sol daz sîn dîn huote,
Verse: 2    daz dîn ouge mich sô selten siht?
Verse: 3    tuost dû daz ze guote,
Verse: 4    sône wîze ich dir dar umbe niht.
Verse: 5    Sô mît mir daz houbet,
Verse: 6    daz sî dir erloubet,
Verse: 7    und sich nider an mînen fuoz,
Verse: 8    sô dû baz enmügest: daz sî dîn gruoz.

Strophe: III 
Verse: 1    Swanne ichs alle schowe,
Verse: 2    die mir suln von schulden wol behagen,
Verse: 3    sô bist dûz mîn frowe.
Verse: 4    daz mac ich wol âne rüemen sagen.
Verse: 5    Edel unde rîche
Verse: 6    sint si sumelîche,
Verse: 7    daz zuo tragent si hôhen muot:
Verse: 8    lihte sint si bezzer, dû bist guot.

Strophe: IV 
Verse: 1    Frowe, dû versinne
Verse: 2    dich, ob ich dir zihte mære sî.
Verse: 3    eines friundes minne,
Verse: 4    diu ist niht guot, dâ sî ein ander bî.
Verse: 5    Minne entouc niht eine,
Verse: 6    si sol sîn gemeine,
Verse: 7    sô gemeine, daz si gê
Verse: 8    dur zwei herze und durch dekeinez mê.

Strophe: V 
Verse: 1    Sie beginnent alle,
Verse: 2    mîner frouwen füeze nehmen war.
Verse: 3    mitten in dem schalle
Verse: 4    sô sich, frouwe, ouch under wîlen dar.
Verse: 5    Umbe die merkære
Verse: 6    lâ dir sîn unmære:
Verse: 7    den griffe ich wol nâher baz.
Verse: 8    daz versuoche alrêst sô denne daz.



Next part


This text is part of the TITUS edition of Walther von der Vogelweide, Lieder.

Copyright TITUS Project, Frankfurt a/M, 7.5.2019. No parts of this document may be republished in any form without prior permission by the copyright holder.