TITUS
Alexanderroman (Der Grosse Seelentrost)
Part No. 8
Previous part

Chapter: 1_2_a  
2 a. Die drei Kinder im Feuerofen


Line: 14    De konningk van Babilonien Nabugodonosar quam to Jherusalem vnde wan
Line: 15    de stad vnde venk de allerschonesten kindere, de dar weren, vnde vorde se myt
Line: 16    sijk to Babilonie vnde let se leren. Do weren dar vere mede, den god gaff
Line: 17    so groten syn, dat se wiser weren dan alle de meystere, de in deme lande weren.
Line: 18    De kindere weren geheten: Daniel, Ananias, Azarias, Misael. De kindere newolden
Line: 19    nicht eten der heydenschen spise vnde spreken to erme mestere, de hete
Line: 20    Malasar: 'Wij sin van yodescher art, wij en eten der spise nicht, de gij heydenen
Line: 21    koken. Gijff vns erweten vnde bonen vnde linsen vnde water dar to.' Do sprak
Line: 22    de meyster: 'Ik hebbe angest, ofte juw de koningk magerer sut wan andere
Line: 23    kindere, dat he sijk vppe mi torne.' Do spreken de kindere: 'Vorsoket myt vns
Line: 24    teyn dage, vnde bese dan vnse antlat'. Dat besochte he teyn dage, vnde he en
Line: 25    geff en anders nicht, wen also se eyschet hadden. Do weren se noch schoner dan
Line: 26    alle de kindere, de des konninges spise hadden gegeten, darumme, dat se gode
Line: 27    vruchteden vnde en alleyne vor eynen god hadden. Darumme gaff en god de
Line: 28    grote wisheit, dat en neyn man geliken mochte. De sulue konningk Nabugodonosar
Line: 29    let maken enen affgod van golde, de was grot, de stunt vp eyner
Line: 30    sule, de was wol sestich elen ho, vnde let alle sin lant to samne komen vnde
Line: 31    vntbot en allen, dat se dat bilde scholden anropen. Suwe des nicht endede, den
Line: 32    scholdeme werpen in eynen gloyendigen ouen. Do wart deme konninge
Page: 8   Line: 1    geseget, dat dar weren dre jodesche kindere, de ne wolden dat bilde
Line: 2    nicht anropen. Dat was Ananias, Azarias, Misael. Do let se de konningk halen vnde
Line: 3    vragede, wurumme dat se syn bot nicht holden wolden vnde synen god nicht
Line: 4    anbeden, vnde sprak also, he wolde se laten steken in eynen gloyendigen ouen.
Line: 5    Do spreken se: 'Vnse god, den wij anbeden, de mach vns wol losen vte dem
Line: 6    vure, ofte he wil.' Do wart de konningk tornich vnde let den ouen seuenwerue
Line: 7    heter maken den he was vnde leit se dar in werpen. Dar quam de hilge engel
Line: 8    to en in den ouen vnde sloch dat vur vte deme ouene vnde verbrande de knechte,
Line: 9    de dar bij stunden, vnde den kinderen ne hinderde nichtes nicht. Dar seten se
Line: 10    in deme ouene vnde loueden vnde benediden vnsen heren vnde sungen eme
Line: 11    dar twierhande louesang. De eyne sangk was: Benedictus es domine deus
Line: 12    patrum nostrorum, den plecht me to singene des sunnauendes in der quatertempore.
Line: 13    De andere was: Benedicite omnia opera domini domino, den plecht
Line: 14    men to lesende alle hilge dage to der mettene. De erste bedudet sijk aldus:
Line: 15    Benedit sustu here god vnser vedere, du bist louesam vnde ersam to ewen
Line: 16    vnde to ewen. Vnde benedit is de name dyner ere, he ys heylich vnde louesam
Line: 17    vnde ersam to ewen vnde to ewen. Benedit bistu in dime hilgen temple dyner
Line: 18    gotliken ere vnde bist louesam vnde ersam to ewen vnde to ewen. Benedit
Line: 19    sustu vppe dyme hilgen throne dines konningrikes, vnde du bist louesam, vnde
Line: 20    du bist ersam to ewen vnde to ewen. Benedit bistu, de dort beschowet alle
Line: 21    hemelrike vnde sittest bouen der engel kore van cherubin, du bist louesam vnde
Line: 22    ersam to ewen vnde to ewen. Benedit sustu in deme firmamente des hemmelrikes,
Line: 23    du bist louesam vnde ersam to ewen vnde to ewen. Dar na sungen se:
Line: 24    Benedicite omnia opera domini domino, dat bedudet sijk aldus:
Line: 25    Benedit gode, alle godes hantwerk, louet en vnde hoget en to ewen vnde to
Line: 26    ewen. Benediet god, alle godes engele. Benediet god, alle hemmele. Benediet
Line: 27    god, alle watere, de bouen deme hemele sin. Benediet god, alle godes kreffte.
Line: 28    Benediet god, sunne vnde mane. Benediet god, alle sterne, de in deme hemmele
Line: 29    sin. Benediet god, alle reghene vnde dow. Benediet god, alle godes geyste.
Line: 30    Benediet god, beyde vur vnde hette. Benediet god, beyde winter vnde sommer.
Line: 31    Benediet god, beyde dow vnde ripe. Benediet god, beyde vorst vnde kulde.
Line: 32    Benediet god, beyde ys vnde sne. Benediet god, beyde nacht vnde dach.
Line: 33    Benediet god, beyde lecht vnde dusternisse. Benediet god, beyde blixem vnde
Line: 34    wolken. Benedien schal al ertrike vnsen heren god vnde schal ene louen vnde
Line: 35    hoghen to ewen vnde to ewen. Benediet god, beyde berch vnde dal. Benediet
Page: 9   Line: 1    god, allet, dat dar groyet in der erden. Benediet god, alle springkborne.
Line: 2    Benediet god, beyde mer vnde vlot. Benediet god, waluissche vnde alle, de
Line: 3    sijk dar roren in dem watere. Benediet god, alle vogele, de in der lucht vlegen.
Line: 4    Benediet god, alle deyr vnde ve. Benediet god, alle mynschen kindere. Benedien
Line: 5    schal dat israhelesche volk vnsen heren god vnde schal ene louen to ewen vnde
Line: 6    to ewen. Benediet god, alle godes prestere. Benediet god, alle godes knechte.
Line: 7    Benediet god, aller rechter lude geyst vnde sele. Benediet god, alle, de hillich
Line: 8    sin vnde van eynem otmodigen herten. Benediet god, Ananias vnde Azarias
Line: 9    vnde Mysael, louet en vnde hoget en to ewen vnde to ewen. Aldus vere
Line: 10    sungen se den louesangk. Nu satte de hilge cristenheit darto twe versch:
Line: 11    Benedicamus patrem et filium cum sancto spiritu. Dat spreket also: Wij
Line: 12    scholen benedien den vader vnde den sone vnde den hilgen geyst vnde scholen
Line: 13    ene louen vnde eren to ewen vnde to ewen. Benediet siestu in deme firmamente
Line: 14    des hemelrikes, du bist louesam vnde ersam to ewen vnde to ewen. Amen.
Line: 15    Do began deme konninge sere to wunderen vnde sprak to den, de bij em
Line: 16    weren: 'Wo isset hirumme? Ik hadde juw geheten, dat gij de dre scholden
Line: 17    werpen in den ouen, nu se ik dar vere, vnde de verde is gestalt alse godes
Line: 18    sone.' Do gheng de konningk to en vnde sprak: 'Gaet her vt, gij knechte des
Line: 19    groten godes.' Do gengen se vt deme ouene. Dar ne hadde en dat vur nicht
Line: 20    geschadet, noch an ereme liue noch an eren cleyderen. Dar benedide de konningk
Line: 21    vnsen heren god vnde bot ouer al syn lant, dat neyn man schympen scholde vp
Line: 22    der yoden god. Do makede de konningk desse dre kindere Ananias, Azarias
Line: 23    vnde Misahel to groten vorsten in syme lande. Hijr na wil ik seggen van den
Line: 24    propheten Daniele, wo eme god halp.



Next part


This text is part of the TITUS edition of Alexanderroman (Der Grosse Seelentrost).

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.