TITUS
Alexanderroman (Der Grosse Seelentrost)
Part No. 9
Previous part

Chapter: 1_2_b  
2 b. Daniel in der Löwengrube


Line: 25    Konningk Darius wan de stad to Babilonien. Dar nam he den propheten
Line: 26    Daniel vnde vorde ene myt sijk in syn lant vnde hogede ene bouen alle syne
Line: 27    vorsten, wente eme nekunde neyn man geliken an wisheit. Dat hateden de
Line: 28    vorsten vnde dachten eynen valschen rad, wo se ene mochten wrogen to deme
Line: 29    konninge, wente he was so truwe, dat men eme nye valsche schult mochte
Line: 30    vinden. Do spreken se to deme konninge: 'AIIe de vorsten dynes landes vnde
Line: 31    mestere vnde ryttere de synt des to rade worden, dat du schalt eyn bot laten
Line: 32    vt ghan ouer all dyn lant, dat bynnen drittich dagen schal neyn man nicht
Line: 33    bidden van neyneme gode, sunder alleyne van dij. Suwe dar tegen deit, den
Line: 34    schalmen werpen in de lauwen kulen.' Dat bot let de konningk beden. Do
Line: 35    Daniel dat vornam, he en letes vmme dat nicht, he ne bedede yo alle dage
Line: 36    vnsen heren god an. Des nemen syne viende ware vnde segeden dat deme
Page: 10   Line: 1    konninge. Do wart de konningk sere bedrouet vnde hedde ene gerne los
Line: 2    ghelaten. Do spreken se, dat bot moste vort ghan. Dar nemen se Daniele
Line: 3    vnde worpen ene in de lauwen kulen to den lauwen; de ne deden eme nicht.
Line: 4    De koningk was alle de nacht sere bedrouet. Des morgens was he vro vppe
Line: 5    vnde leip to der lauwenkulen vnde rep: 'O Daniel, kunde dij din god nycht
Line: 6    bewaren vor den lauwen?' Do antwerde eme Daniel vnde sprak: 'Konningk,
Line: 7    ewichliken mothestu leuen! Myn god heft my gesant synen engel, vnde de
Line: 8    heuet besloten der lauwen munt, dat se my nicht ne hebben gheschadet, wente
Line: 9    an my ys rechticheit gevunden.' Do wart de konningk sere gevrauwet vnnde
Line: 10    leit ene wedder vt der kulen nemen vnde let alle de jenne nemen, de en gewroget
Line: 11    hadden, vnde let se werpen in de lauwen kulen myt wijff vnde myt kinderen.
Line: 12    Altohand toreten se de lauwen so deghere, dat dar nergen eyn let bij dem anderen
Line: 13    bleff.



Next part


This text is part of the TITUS edition of Alexanderroman (Der Grosse Seelentrost).

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.