TITUS
Alexanderroman (Der Grosse Seelentrost)
Part No. 10
Previous part

Chapter: 1_2_c  
2 c. Der Bel zu Babel


Line: 14    Dar na quam Daniel wedder to Babilonien vnde wart weldich bij deme konninge.
Line: 15    Do hadden de van Babilonien enen affgod, de hete Bel, dat was eyn
Line: 16    bilde vnde stunt in eyme temple. Dar stunt eyn grot disch vor eme. Dar
Line: 17    legede men alle dage vp semelen van twelff schepele vnde vlesch van vertich
Line: 18    schapen vnde ses grote kannen vul wynes. Do hadden de prestere gemaket
Line: 19    vnder der erden eynen wech, de hadde eyne hemelike kulen vnder deme
Line: 20    dische. Dar gengen se des nachtes in myt eren wyuen vnde myt eren kinderen
Line: 21    vnde vordeden alle de spise vnde segeden, ere god Bel hedde se gegeten. Do
Line: 22    sprak de koningk to Daniele: 'Warumme bedestu Bel nicht an?' Do sprak
Line: 23    Daniel: 'Ik en wil neyne makede gode anbeden, ik bede den leuendigen god
Line: 24    an.' Do sprak de koningk: 'Dunket dij Bel nicht leuendich wesen, de alle
Line: 25    dage so vele eth?' Do sprak Daniel: 'Bel is buten goten van ere vnde is bynnen
Line: 26    van erden, he ne mach nicht eten.' Do sprak de koning to den presteren:
Line: 27    'Ik wil weten, wur de spise hen komen sij. Kunne gij my dat bewisen, dat se
Line: 28    Bel eth, so mot Daniel steruen; kunne gij des nicht don, so mote gij alle steruen.'
Line: 29    Se spreken, yd were ene leff. Daniel sprak ok also. Dar nemen se de spise vnde
Line: 30    satten se vp den disch vnde gengen vt. Da nam Daniel asschen in eyn seue vnde
Line: 31    sichtede de ouer al den tempel. Dat sach de konningk, vnde deprestere en segen
Line: 32    des nicht. Do slot de konningk den tempel vaste to vnde satte sin ingesegel vor
Line: 33    dat slot. Des nachtes quemen se vnde eten de spise also se gewonet weren.
Line: 34    Des morgens dede de konnyngk de dore vp vnde sach, dat de spise to male
Line: 35    vppe was, vnde rep: 'O wu grot eyn god is Bel!' Do lachede Daniel vnde
Line: 36    helt den konningk vnde let en nicht in den tempel ghan vnde sprak: 'Konningk,
Page: 11   Line: 1    sustu icht de votspor in der asschen?' Do sprak de konningk: 'Hijr hebben
Line: 2    gegan man vnde wijff vnde kindere.' Do wart de konningk tornich vnde venk
Line: 3    te prestere vnde let se to male doden myt wiff vnde myt kinderen vnde
Line: 4    vorstorede den tempel vnde den affgod.



Next part


This text is part of the TITUS edition of Alexanderroman (Der Grosse Seelentrost).

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.