TITUS
Alexanderroman (Der Grosse Seelentrost)
Part No. 13
Previous part

Chapter: 1_4  
4. S. Eugenia


Line: 5    Dat was eyn hillich juncfruwe, de het Eugenia, de was cristen worden vnde
Line: 6    was so hillich, dat se schone tekene dede. Do let se de richter vor ene bringen
Line: 7    vnde sprak: 'Wat kunst kone gij crystenen lude, dat gij so grot wunder don? Dat
Line: 8    mot yo de swarte kunst wesen.' Do sprak Eugenia: 'Ik segge dat vor ware, dat
Line: 9    vnse kunst tred bouen alle swarte kunst, wente wij hebben eynen mester, dat
Line: 10    ys Jhesus Christus, de heuet in deme hemmelrike eynen vader ane moder vnde
Line: 11    heuet in deme ertrike ene moder ane vader.' Do wart der richter tornich vnde
Line: 12    let se bringen vor den affgod, dat se den anbeden scholde. Do helt se ere hende
Line: 13    vp to vnseme leuen heren vnde bedede en an. Tohant wart eyn ertbeuynge also
Line: 14    grot, dat beyde affgod vnde tempel to stucken vellen. Do let he er eynen groten
Line: 15    steyn to deme halse binden vnde let se werpen in dat mer. Dar sat se vppe
Line: 16    deme stene vnde vlot wedder to lande. Dar na let he se steken in eynen heten
Line: 17    ouen. Dar sat se inne vnde louede vnsen leuen heren. Dar na let he se besluten
Line: 18    ut eyme dusteren kerkenere, dar was se inne twintich dage ane spise. Dar
Line: 19    quam vnse leue here Jhesus Christus myt eyme groten lichte vnde gaff ere eyn
Line: 20    witbrot vnde sprak: 'Nym vnde et van dessem brode. Ik byn, den du van
Line: 21    alle dyme herten leff heuest gehat. In desseme suluen dage wil ik dij halen to
Line: 22    deme hemmelrike, also ik van dem hemmelrike in dat ertrike quam'. Dar na
Line: 23    do dat quam in des hilgen Cristes dach, do let de richter er dat houet affslan.
Line: 24    Do ere moder se begrauen hadde, de wenede ouer deme graue. Do sach se de
Line: 25    dochter komen myt eyner groten schare der hilgen junckfruwen vnde sprak:
Line: 26    'Vrauwe dijk, moder leue, wente myn here Jhesus Christus heuet my gevoret
Line: 27    to der ewigen vraude vnde heuet mynen vader gesat in den kor der hilgen
Line: 28    patriarchen vnde wil dick nahalen in desseme negeden sondage.' Do dat quam
Line: 29    an den dach, do starff se vnde vor to deme ewigen rijke. Dat wij dar alle
Line: 30    komen moten, des helpe vns de vader vnde de sone vnde de hilge geyst.
Line: 31    Amen.

Line: 32    Dijt sulue schaltu noch in eyner anderen wise vornemen aldus:
Line: 33    Kynt leue, wultu dat erste bot godes wol holden vnde rechte, so ne schaltu
Line: 34    myt neynerhande touerie vmme ghan, wente we sijk myt touerye beweret,
Line: 35    de bedet affgode an, vnde dat nympt eme seldene guden ende. Des wil ik dij
Line: 36    eyn bilde geuen:



Next part


This text is part of the TITUS edition of Alexanderroman (Der Grosse Seelentrost).

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.