TITUS
Alexanderroman (Der Grosse Seelentrost)
Part No. 14
Previous part

Chapter: 1_5  
5. Ein Pfaffe, der Zauberei trieb


Page: 14  
Line: 1    Dat was eyn pape, de hadde sijk angelaten touerye vnde dede vele wunders
Line: 2    myt der hulpe des ouelen geystes. Do was dar eyn jungelingk, de was wolgeborn,
Line: 3    de hadde sin gud togebracht. De quam to dessem papen vnde wart syn
Line: 4    knecht. De pape gaff eme cledere vnde perde vnde penninge. To eyner tijd
Line: 5    ret he myt eme in eynen groten wolt. Do duchte deme jungelinge, dat dar
Line: 6    were eyn water, ouer deme watere was eyn schone borch, dat he nu des
Line: 7    gelike hadde geseen. Do began ome sere to wunderne, wente he er des nu
Line: 8    hadde geseen. Do vragede he, wat borch yd were. De pape sprak: 'Dat ys
Line: 9    mynes heren borch, de my vele gudes heuet gegeuen, dar schole wij vp. Myn
Line: 10    here schal dij rijke maken vnde schalt syn man werden vnde schalt eme
Line: 11    hulden.' Do reden se vor dat water. De wechter an der tynnen fragede, we
Line: 12    dar queme. De pape sprak: 'Hijr kumpt des konninges vrunt.' To hant wart
Line: 13    de porte vpgedan, vnde de brugge wart neder gelaten. Dar quemen vtgegan
Line: 14    wol vertich juncheren, wol gecledet, myt luchtevaten vnde vntfengen se myt
Line: 15    groten eren. Do se in de borch quemen, do gengen en vntegen vorsten vnde
Line: 16    heren vnde rydderschop vnde spreken: 'Wilkome sij des konninges truwe
Line: 17    vrunt.' Do ledden se ene in den palas vor den konningk, de sat dar vp eyme
Line: 18    guldene stole. De konningk stunt vp vnde entfengk den papen myt groten
Line: 19    eren vnde let en bij sijk sitten ghan. Dar na beghan he to vragene der sake,
Line: 20    war vmme se dar komen weren. De pape antworde eme also: 'Here her
Line: 21    konningk, ik byn here gekomen dor desses knapen willen. De en heft neyn
Line: 22    gud, du schalt ene vntfan to eyme knapen vnde schalt ene rijke maken.' Do
Line: 23    sprak de konningk: 'Ga here vnde val vppe dyne kne!' He dede also. Do sprak
Line: 24    de konningk: 'Wultu mynen willen don, so schaltu spreken also: Ik vorsake
Line: 25    deme vadere vnde deme sone vnde deme hilgen geyste.' Do bedachte sijk de
Line: 26    knape vnde sloch vor sijk dat teken des hilgen cruces vnde sprak: 'Ik beuele
Line: 27    mek deme vadere vnde deme sone vnde dem vilhilgen geyste.' To hant vor
Line: 28    de koningk myt der borch vnde myt al syme ingesinde in dat affgrunde vnde
Line: 29    vorde den papen mede. Also schal yd ghan al den, de myt touerye vmme ghan.
Line: 30    -- Kynt leue, dijt schal dij eyn lere wesen. Noch wil yk dij eyn ander seggen:



Next part


This text is part of the TITUS edition of Alexanderroman (Der Grosse Seelentrost).

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.