TITUS
Alexanderroman (Der Grosse Seelentrost)
Part No. 15
Previous part

Chapter: 1_6  
6. Ein Jüngling, der sich dem Teufel verschrieb


Line: 31    Dat was eyn gud man, de het Eradius, de hadde eyne dochter, de wolde he
Line: 32    gode offeren to syme denste. Dat hatede de vyant vnde bekorede eynen jungelingk,
Line: 33    dat he de junckfruwen leff gewan. Do en dorste he nicht weruen vmme
Line: 34    se vnde nam rad myt eyme touerere. De sprak: 'Wultu don, dat ik dij hete, ik

Page: 15   Line: 1    wil dij de juncfruwen weruen.' De junchere sprak, he woldet don. Do dede he
Line: 2    eme eynen breff vnde sprak: 'Ga to nacht vp gent velt vnde sta vppe des heydenen
Line: 3    graue, de dar begrauen ys, vnde holt den breff vp myt der hant vnde rop
Line: 4    Sathanase. Wan he komet, so uolge syme rade, he schal dynen willen vulbringen.'
Line: 5    De jungelingk quam dar vnde rep Sathanas to sik vnde segede eme
Line: 6    synen willen. Sathanas sprak: 'Wultu don, dat ik dij hete, so wil ik dij de
Line: 7    junckfruwen weruen.' De jungelingk sprak, he woldet don. Sathanas sprak:
Line: 8    'Du schalt vorsaken dynes godes Jhesu Christo.' De jungelingk sprak: 'Ik
Line: 9    vorsake mynes godes Jhesu Christo.' Sathanas sprak: 'Gij cristen lude gij syn
Line: 10    gar vntruwe. Suwan so gij myner behouen, so kome gij to my. Suwan so gij
Line: 11    juwen willen hebben vullenbracht, so vortige gij myner vnde keret wedder to
Line: 12    juweme gode. So ys he so gud vnde so barmhertich vnde entfengkt juw to
Line: 13    hand wedder. Darumme wil yk dyner algewijs wesen. Du schalt scriuen enen
Line: 14    breff myt dyner hant vnde schalt dat betugen, dat du dynes godes vorsaket
Line: 15    heuest vnde dyner dope vnde heuest dick my gegeuen myt lyue vnde myt sele.'
Line: 16    De jungelingk sprak, he wolde dat gerne don. He scref den breff vnde
Line: 17    dede den Sathanase. Tohant bekorde he de junckfruwen so sere, dat se nicht
Line: 18    Ieuen mochte, se en hedde den jungelingk. Do rep se to ereme vadere vnde
Line: 19    sprak: 'Here leue vader, yrbarme dick ouer my vnde giff my den jungelingk,
Line: 20    edder ik mot steruen.' De vader beghan scrygen vnde wenen vnde sprak:
Line: 21    'O we, leue dochter, wat ys dij geschen vnde wo lestu so? Ik wolde deck
Line: 22    gehanttruwet hebben vnsem heren gode, nu wultu eynen man hebben.' Se
Line: 23    sprak: 'Vader, vulbringe snelleken mynen willen, edder ik mot steruen.' Do
Line: 24    geuen eme syne frunde den rad, dat he se eme geue. Dar makede he eyne
Line: 25    blitscap vnde gaff ere den jungelingk. Do se to samne wonet hadden ene wile,
Line: 26    done genck he nummer in de kerken, vnde he nesegenede sijk nummer vnde
Line: 27    nam ok godes Iycham nicht. Dat proueden de lude vnde spreken to er: 'Su, wat
Line: 28    heuestu gedan! Dyn man, den du heuest gekoren, de en ys nicht recht kristen.'
Line: 29    Do wart de vrauwe bedrouet vnde sprak to eme: 'Dijt spreken de lude van
Line: 30    juw.' He sprak: 'Se leghen, ik byn eyn recht cristen man.' Do sprak de vruwe:
Line: 31    'Is dat also, so schole gij morgene myt my in de kerken ghan vnde scholen
Line: 32    bichten vnde den hilgen Iycham vntfan.' Do he dat horde, dat he des nicht
Line: 33    lenger vorhelen mochte, do segede he er alle sake van ende to ende. Do trostede
Line: 34    se en vnde sprak: 'Myn herte leue frunt, gij hebben dorliken gedan, dat gij
Line: 35    juwes schippers hebbet vorsaket. Nochtan so ne schole gij nicht twiuelen an
Page: 16   Line: 1    god. Sin gude vnde sin barmherticheit ys vele groter wan alle vnse sunde.
Line: 2    Hijr bij wonet eyn hillich bisschup, de het Basilius. Gat to eme, de schal juw
Line: 3    guden rad geuen. Ik wil vore ghan vnde wil eme de sake seggen.' Do de vruwe
Line: 4    deme bisschuppe dit geseget hadde, do let he en halen vnde sprak: 'Sone,
Line: 5    wultu wedder keren to gode?' De jungelingk sprak:'Here, dat dede ik gherne,
Line: 6    ofte ik mochte. Ik hebbe godes vorsaket vnde hebbe deme viende gehuldet.'
Line: 7    De bisschopp sprak: 'Ne hebbe neyne vare, god ys aller gnade vul. Heuestu
Line: 8    ruwe, he wil dij gerne wedder vntfan.' Do nam de bisschup vnde tekende de
Line: 9    jungelingk myt deme cruce vnde beslot ene in eyner kameren dre dage. Darna
Line: 10    quam he to eme vnde sprak: 'Wo mochtu, leue sone?' He sprak: 'Leue here, ik
Line: 11    byn in groten noden. Se kommen to my alto greseliken vnde ropen vnde
Line: 12    wysen my den breff vnde spreken also: Du valsche vorreder, du heuest vns
Line: 13    vorraden. Du quemest to vns, wij ne quemen nicht to dij. Du bist eyn logenere
Line: 14    worden.' Do sprak de bisschopp: 'Sone myn, entwiuele nicht. Rop vnsen
Line: 15    leuen heren an, ik wil vor dij bidden.' Dar na ouer twe dage quam he auer to
Line: 16    em vnde vragede eme, wo he mochte. He sprak: 'Yd ys nu wat better. Ik
Line: 17    hore se noch wol ropen van veringes, auer yk ense er nicht.' Do beslot he ene
Line: 18    noch ene nacht vnde eynen dach vnde quam do to eme vnde vragede, wo he mochte.
Line: 19    He sprak: 'Hillige vader, dat ys nu gud. Dyn hilge beth heft my gehulpen.
Line: 20    Ik sach hude in deme geyste dij vor my vechten vnde sach, dat du den vyent
Line: 21    vorwunnest.' Do nam en de bisscup vnde ledde en in de kerken myt alle der
Line: 22    papheyt. Dar quam Sathanas ock snelliken vnde grep den jungelingk an vnde
Line: 23    began en to tende vnde woldene deme bisschuppe nemen. De bisschup helt
Line: 24    den jungelingk also vaste. Sathanas toch vnde de bisschup toch, dat gemeyne
Line: 25    volk scriede vnde wenede vnde repen vnsen leuen heren god an, dat he deme
Line: 26    bisschuppe to hulpe queme, dat he den jungelingk behelde. Do vorlet de vygent
Line: 27    den jungelingk vnde rep luder stemme: 'Basilins, du doyst my wolt vnde
Line: 28    vnrecht! He quam to my, ik en sande eme neynen boden. Hijr hebbe ik noch
Line: 29    den breff, den he my gaff.' Do gaff sijk de bisscup an syn beth. Do he an synem
Line: 30    bede lach, do quam de breff bouen van der lucht nedder vallen. Do nam de
Line: 31    bisschup den breff vnde gaff ene deme jungelinge wedder vnde brachte do
Line: 32    den jungelingk to syner husfruwen. -- Kynt leue, dijt schal dij eyn lere wesen,
Line: 33    vppe dat du neynen louen hebbest to touerye.

Line: 34    Kynt leue, wultu godes bot holden, so ne schaltu nicht gelouen an de guden
Line: 35    holden vnde an de beteren, noch an de elue, noch an de guden wichteken, noch
Line: 36    an neynerleye spoknisse, wente dat ys allet des vyendes droch, dar he de lude
Page: 17   Line: 1    mede bedruget, de kranken louen hebben. Suwe gantzen gelouen heuet, deme
Line: 2    nemach dat droch nicht schaden. Des wil ik dij geuen eyn bilde:



Next part


This text is part of the TITUS edition of Alexanderroman (Der Grosse Seelentrost).

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.