TITUS
Alexanderroman (Der Grosse Seelentrost)
Part No. 16
Previous part

Chapter: 1_7  
7. Bischof Germanus


Line: 3    Dat was eyn hillich bisschup, de hete Germanus, de quam to eyner tijd to
Line: 4    eyner vrouwen hus tor herberge. Des auendes, do de lude slapen scholden gan,
Line: 5    do genk de vruwe to vnde redde ene schone taflen vnde brachte dar vp guder
Line: 6    spise genoch. Do vragede se Germanus, we de spise eten scholde. Do sprak de
Line: 7    fruwe: 'Desse spise scholet de guden holden hebben. De plegen hijr des nachtes
Line: 8    to wanderne. De wile, dat ik se wol handele, so geyt yd my wol an myner
Line: 9    neringe.' Do sprak Sunte Germanus: 'Vrouwe, hebbe gij se geseen?' 'Ja,' sprak
Line: 10    se, 'ik hebbe se dicke geseen.' Dar gengen de lude alle to bedde, vnde Sunte
Line: 11    Germanus de wakede vnde bat vnsen leuen heren, dat he eren vngelouen
Line: 12    vorsturen wolde. Des nachtes quemen dar de guden holden in dat huß vnde
Line: 13    begunden to eten. Do stunt he vp vnde beswor se bij deme namen vnses heren
Line: 14    Jhesu Christi, dat se nicht van danne scholden gan behaluer synen orloff. Dar
Line: 15    wekkede he de fruwen vnde al dat ingesinde vnde vragede se, oft se de guden
Line: 16    holden wol bekenden. De vrauwe sprak: 'Ya, yk bekenne se wol. Dat ys vnse
Line: 17    bur vnde wonet myt vns in dem dorpe.' Do sprak Sunte Germanus: 'Sendet
Line: 18    boden to eren husen vnde latet vragen, wor se syn.' Do de boden dar quemen,
Line: 19    do funden se de lude vp eren bedden liggene. Do sprak Sunte Germanus to den
Line: 20    guden holden: 'Ik bede juw bij deme namen vnses heren Ihesu Christi, dat gij
Line: 21    vns seggen, we gij syn.' Do spreken se: 'Wij sint alle ouele geyste vnde bedreget
Line: 22    de lude, de nenen gantzen louen hebben.' Do gaff he en orloff vnde se
Line: 23    voren van danne, vnde de vrauwe wart bekart van ereme vngelouen.



Next part


This text is part of the TITUS edition of Alexanderroman (Der Grosse Seelentrost).

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.