TITUS
Alexanderroman (Der Grosse Seelentrost)
Part No. 17
Previous part

Chapter: 1_8  
8. Über den Aberglauben


Line: 24    Kynt leue, wultu dat erste bot wol holden, so neschaltu nicht toueren noch
Line: 25    laten toueren noch rad noch vulbort dar to geuen. Du ne schalt dat nemende
Line: 26    leren. Du ne schalt nicht wicken noch laten wicken noch rad noch vulbort
Line: 27    dar to geuen. Du most wol arcedie nemen, dar neynerleye vngeloue mede
Line: 28    menget is. Du ne schalt dijk nicht laten meten myt eme roden vademe. Du en
Line: 29    schalt neyn was laten geten noch neyn blie. Du en schalt nene spon laten
Line: 30    werpen. Du en schalt nicht gelouen an vogel sangk noch an prusten edder dat
Line: 31    dij de oren yoken edder de hende edder des gelijk, noch an drome, noch an gude
Line: 32    holden, noch an de maren, noch an de elue. Du ne schalt nicht gelouen, dat
Line: 33    eyn mensche betere mote hebbe wan eyn ander edder betere hantgift edder dat
Line: 34    eyn pape edder eyn monnik bose mot hebbe vnde eyn wiff gude mote vnde
Line: 35    eyn hase bose mote vnde des gelijk. Du en schalt nicht gelouen an swert breue
Page: 18   Line: 1    vnde an andere touer breue. Iteswelke lude latet breue scriuen in der hemmeluart
Line: 2    vnses heren, dat sint gude wort, dar mot eyn mynsche vele innicheit to hebben.
Line: 3    Auer hedde he des gelouen, dat se bet weren gescreuen in eyner tijd wenne in
Line: 4    der anderen edder er myssen dan na misse, dat were vngelouen. Dat selue
Line: 5    spreke ik van den lechten, den men scrift in Sunte Agaten dage. Du ne schalt
Line: 6    neyn yseren dragen laten noch besweren. Du ne schalt neynerhande besweringe
Line: 7    don. Du enschalt nenerhande dingk besweren noch bespreken. Du neschalt
Line: 8    nene saltere lopen laten edder des gelijk. Du neschalt nicht gelouen an wedder
Line: 9    wicken. Du neschalt nenerhande boke hebben, dar touerige an sta. Ichteswelke
Line: 10    lude hebben har, dat ys to samne gewalket, dar hebben se bilouen to; du schalt
Line: 11    dat affsnyden. De vngeloue ys mannigerhande, den ik nicht al bescriuen mach.
Line: 12    Beware dyne sele, oft du wult.



Next part


This text is part of the TITUS edition of Alexanderroman (Der Grosse Seelentrost).

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.