TITUS
Alexanderroman (Der Grosse Seelentrost)
Part No. 27
Previous part

Chapter: 1_17a  
17a. Der König und die armen Leute


Line: 11    Dat was eyn konningk, de plach arme lude gerne to erene. To eyner tijd vor
Line: 12    he vp eynem wagene, de was vorguldet, vnde eme volgede grot ingesinde
Line: 13    van fursten vnde van heren, van rydderen vnde van knapen. Do quemen arme
Line: 14    lude eme to mote in snoden clederen. Dar sat he van syneme wagene vnde
Line: 15    gingk en vntegen vnde erede se vnde vel vppe syne kne vnde stunt vp vnde
Line: 16    venk se al vmme vnde kuste se vor eren munt. Dijt vorkarden eme syne
Line: 17    fursten vnde heren vnde beden synen broder, dat he en darumme straffen
Line: 18    scholde. He dede also vnde straffede en darumme. De konningk wart tornich
Line: 19    vnde gengk van eme. Des auendes sande he synen bodel vnde synen basunen
Line: 20    blesere vor synes broder hoff. War men de basunen bles, dat was eyn wis
Line: 21    teken, dat de man yo moste steruen. Des konninges broder wart sere bedrouet
Line: 22    vnde quam vnde vel vor des konynges vote vnde bat gnade. Do sprak de
Line: 23    konningk: 'O du dore, na dem male dat du mynen bodel vnde myne basunere
Line: 24    so sere vruchtest, en scholde ik dan nicht vruchten mynen god vnde syne
Line: 25    boden, na dem male dat sin basune to allen tijden vor mynen oren klinget,
Line: 26    de my dat kundiget, dat ik yo vor dat jungeste rychte komen schal.' Do gaff
Line: 27    he eme sine hulde wedder. Dar na leit he maken veyr scryn. Twe leit he wol
Line: 28    vorgulden vnde dede de vul doden knoken. De anderen twe let he buten myt
Line: 29    pecke besmeren vnde leyt se don vul goldes vnde durer stene vnde leyt do
Line: 30    alle syne fursten vnde alle syne heren komen vnde leit de kesen, welke de
Line: 31    besten scryn weren. Do koren se vppe de, de vorguldet weren. Do men se vp
Line: 32    dede, do genk dar vt stanck vnde weren vul knoken. Dar na dede men de
Line: 33    anderen scryn vp, de weren vul goldes vnde durer steyne. Do sprak de konningk
Line: 34    to en: 'Desse scryn, de butene swart syn vnde eislijk vnde bynnen vol goldes,
Page: 30   Line: 1    de syn gelijk den armen luden, de ik erede, de snode cleyder an hadden vnde
Line: 2    weren doch bynnen erer sele vul guder werk vnde dogede. Vnde de vorguldenen
Line: 3    scryn sint bynnen vul vulnisse. Also sint mannige rijke lude, butene wol
Line: 4    gecledet vnde bynnen vol bosheit.' Also erede de konningk de armen lude
Line: 5    vnde vorsmade se nicht. Also heuestu gedan vnde heuest my armen man vul
Line: 6    eret. Do de jungelingk desse mere hadde gehort, do was eme hir sere leue
Line: 7    to vnde bat ene, dat he eme mer wolde seggen. Do hoff he vp vnde began
Line: 8    eme noch mer to seggen van deme rechten gelouen: wo god hemmel vnde
Line: 9    erden schaup, wo de engel dor eren homot geworpen worden van deme
Line: 10    hemmelrike, wo de mynsche in deme paradise bedragen wart vnde dat bot
Line: 11    brak vnde vt gedreuen wart. De sunde en mochte nemant beteren. De do
Line: 12    geboren worden, de voren alle to der helle, mer wan viffdusent yar. Do
Line: 13    yrbarmede sijk godes sone Ihesus Christus vnde quam in desse werlt vnde wart
Line: 14    geboren van der reynen maget Sunte Marien vnde let den bitteren dot vor
Line: 15    vnse sunde, vnde alle, de an en gelouen, den wert dat ewige rijke to lone.
Line: 16    Vnde alle de jenne, de an affgode louen, den wert de ewige vordomnisse. Vnde
Line: 17    alle, de des gelouen, dat bilde gode sin, dat sint doren, de sint gelijk eyme
Line: 18    doreden schutten. Dar van wil ik dij eyne mere seggen:



Next part


This text is part of the TITUS edition of Alexanderroman (Der Grosse Seelentrost).

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.