TITUS
Alexanderroman (Der Grosse Seelentrost)
Part No. 29
Previous part

Chapter: 1_17c  
17c. Der Mann und das Einhorn


Line: 17    Dat was eyn man, den yagede eyn vreslijk eynhorn. He lep vore, de eenhorn
Line: 18    lep eme na. Do quam he to eyner kulen, dar bouen stunt eyn bom. Dar vel
Line: 19    he in de kulen vnde grep den bom, dar bleff he hangene. Dar sach he, dat twe
Line: 20    muse, eyn wit vnde eyn swart, gnagen de wortelen des bomes, vppe dat he
Line: 21    vallen scholde. Vnde in der kulen vnder eme lach eyn vreslijk drake vnde
Line: 22    wachtede syner, oft he velle, dat he ene vrete. Do sach he vppe deme bome eyn
Line: 23    weynich honeges. Dar vorgat de dore al syner nod, dar he inne was vnde
Line: 24    begerde des honges. -- Dijt ys eyn liknisse, de wil ik dij beduden:
Line: 25    Bij der engestliken kulen ys betekent de werlt, de vul angestes ys vnde drofnisse.
Line: 26    De bom, de dar vppe steit, dat ys eynes mynschen leuent, de ne mach nummer
Line: 27    seker wesen, he en mote angest hebben, dat he valle. De twe muse, de den
Line: 28    bom gnagen, dat ys dach vnde nacht, de yo dem mynschen syn leuent
Line: 29    kortet van tiden to tijden. De eynhorningk, de den mynschen yaget, dat ys
Line: 30    de dot, de yo dem menschen na volghet, wur he henne geyt. De drake dat
Line: 31    ys de duuel, de yo dar na steyt, dat he den mynschen vorslinde. Dat honnich
Line: 32    vp dem bome, dat ys wollust desser werlde, de mannigen menschen vorlocket
Line: 33    to den sunden vnde bringet ene to ualle vnde vorblindet den mynschen also,
Line: 34    dat he neynen angest enheft, noch vor den dod, noch vor dem dunel, noch vor
Line: 35    gode. Darumme schaltu vlen desse werlt vnde alle wertlike wollust, wente
Page: 32   Line: 1    dijk de dot yaget vnde de duuel to allen tiden laget. Du neschalt dij nicht
Line: 2    verlaten vppe wertlike dingk vnde vppe wertlike frunde vnde vpp wertlilke
Line: 3    haue, wente de vortiget dyner in dynen grotesten noden, vnde gude werk de
Line: 4    stan bij dij, wan du er behouest. Hijr van wil ik dij seggen eyne liknisse:



Next part


This text is part of the TITUS edition of Alexanderroman (Der Grosse Seelentrost).

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.