TITUS
Alexanderroman (Der Grosse Seelentrost)
Part No. 30
Previous part

Chapter: 1_17d  
17d. Die drei Freunde


Line: 5    Dat was eyn man, de hadde dre frunt. Den eynen hadde he leuere dan sijk
Line: 6    suluen, den anderen hadde he leff also sijk suluen, den drydden hadde he cleyne
Line: 7    leff. De man wart beseghet to deme konninge. De konningk leit ene soken
Line: 8    vnde wolde en laten hengen. Do lep de man to synem alder leuesten frunde
Line: 9    vnde bat hulpe. He sprak wedder to eme: 'Ik hebbe andere frunt, de noch bij
Line: 10    my bliuen. Ga du, dar du vordenet heuest. Ik geue dij wol wat lenewandes,
Line: 11    dar mede men dij bewynden mach, wan du dot bist.' He lep vort to syneme
Line: 12    anderen frunde vnde sochte hulpe. He sprak: 'Ik en byn nicht leddych, ik en
Line: 13    mach my myt dynen saken nicht beweren. Ik do wol eyn dingk, wan men dij
Line: 14    to deme dode bringet, so wil ik dij volgen bitte vor de porten vnde keren dan
Line: 15    wedder vnde seen, wes ik bedarff.' De man de wart bedrouet vnde quam to
Line: 16    syme drydden frunde, deme he cleyne leue bewiset hadde, vnde nedorste syne
Line: 17    ogen nicht vpboren vor em vnde sprak: 'O leue frunt, ik hebbe dij cleyne
Line: 18    leue bewiset, nochtan soke yk gnade to dij in mynen noden.' Dar quam jenne
Line: 19    vnde vntfengk ene vroliken vnde sprak: 'Wes wilkome, myn herte leue frunt!
Line: 20    De fruntschup, de du my bewyset heuest, se sij, wu cleyne dat se sij, ik en wil
Line: 21    er nummer vorgeten.' Dar genck he myt eme vor den konnigk vnde bat vor
Line: 22    ene vnde halp eme des lyues. Dijt ys eyn liknisse, de wil ik dij beduden:
Line: 23    Den ersten frunt, den mannich mynsche leuer heuet dan sijk suluen, dat ys
Line: 24    wertlijk gud, dar mannich mynsche syn liff vmme waget, mannich mynsche
Line: 25    syne sele, mannich mynsche liff vnde sele. Desse frunt engift eynem mynschen
Line: 26    in syner lesten nod nicht wan kumme also vele lenewandes, dar men ene
Line: 27    mede bewinden mach, wan he dot ys. De anderen frunt, dat sind wiff vnde
Line: 28    kindere vnde mage, de volgen eme bitte to deme graue, darna vorgeten
Line: 29    se syner vil drade. De drydde frunt, dat synt allmyssen vnde andere gude
Line: 30    werk, de komen enem mynschen to hulpe in synner nod vnde biddet vnsen
Line: 31    heren god vor den mynschen. Darumme enschaltu neine alto grote leue hebben
Line: 32    to wertliker haue vnde to wertliken frunden, der du yo vortigen most. Werp
Line: 33    dyne leue altomale an vnsen heren god vnde bewise dat myt dynen almissen
Page: 33   Line: 1    vnde myt anderen guden werken, dat du en bouen alle dingk leiff hebbest.
Line: 2    Vnde samne vele guder werk vnde sende de vore hen to jenneme leuende, dar
Line: 3    du yo hene varen most. Io du mer vor sendest, yo du mer vindest. Dar van
Line: 4    will ik dij eyn cleyne seggen:



Next part


This text is part of the TITUS edition of Alexanderroman (Der Grosse Seelentrost).

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.