TITUS
Alexanderroman (Der Grosse Seelentrost)
Part No. 122
Previous part

Chapter: 3_45  
45. Marias Kind als Pfand


Line: 19    Dat was eyn gud fruwe, de hadde eynen sone, de wart gevangen. Do genck
Line: 20    de fruwe to vnde bat vnse leuen fruwen, dat se er hulpe, dat ere sone loß
Line: 21    worde. Do dat bet nicht en halp, do genk se in de kerken to vnser leuen fruwen
Line: 22    bilde vnde nam er dat kint van deme schote vnde sprak: 'Dijt kint wil ik holden
Line: 23    aIso lange, bit ik myn kint wedder krige.' Des nachtes quam vnse leue fruwe
Line: 24    to yeneme in den torn vnde sloch alle de slot vp vnde sprak: 'Gha to dyner
Line: 25    moder vnde sprek to er, dat se my myn kint wedder sende.' Also wart yenne
Line: 26    loß, vnde vnser leuen fruwen wart ere kint wedder. -- Kint leue, hirumme
Line: 27    schaltu vnse leuen fruwen gerne eren.



Part: 4  
DAS VIERTE GEBOT


Page: 126  
Line: 1    Vader leue, ik bidde dij dorch vnsen heren god, lere my welk ys dat verde bot.
Line: 2    Kint leue, dat wil ik gerne leren dij, vppe dat du gode biddest vor my. Dat
Line: 3    verde bot sprekt also: Mynsche, du schalt eren dynen vader vnde dyne moder.
Line: 4    Dijt schaltu tho dem ersten male aldus vornemen: Du schalt en horsam wesen
Line: 5    vnde schalt en denen myt vlite. Du schalt se vruchten vnde neschalt se myt
Line: 6    neynen dingen bedrouen. God hadde geboden in der olden e, wan eyn man
Line: 7    eyn kint hadde, dat eme vnhorich was vnde wedderstreuich, dat brochte he
Line: 8    vor gerichte vnde clagede ouer em; dat kint mosteme stenen. Do dodede
Line: 9    men de vnhorsamen kindere in deme lichamme. Nu dodet sijk eyn vnhorsarn
Line: 10    kint in der sele, wente welk kint syne elderen bedrouet vnde en vnhorsam is
Line: 11    an billeken dingen, dat beget houet sunde vnde dodet sine sele. Dar van wil ik
Line: 12    dij eyn bilde seggen:



Next part


This text is part of the TITUS edition of Alexanderroman (Der Grosse Seelentrost).

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.