TITUS
Alexanderroman (Der Grosse Seelentrost)
Part No. 123
Previous part

Chapter: 4_1  
1. Bestrafung einer verstockten Tochter


Line: 13    Dat was eyn junckfruwe, de plach ere moder dicke to bedrouene vnde was
Line: 14    dar bij so hardes synnes, dat se de moder nicht bidden wolde, dat se dat er
Line: 15    vorgeue. De dochter wart sek vnde bichtede. De preister reid er, dat se de
Line: 16    moder bidden scholde, dat se yd er vorgeue, dat se se dicke bedrouet hedde.
Line: 17    Se sprak, se nemochte se nicht bidden. Also starff se vnde wart begrauen. Des
Line: 18    nachtes scholde de prester in de kerken ghan vnde horde eyne yamerlike
Line: 19    stemme scrigen: 'O wij vnde owe, dat ik yuw geboren wart!' Do vragede de
Line: 20    prester, wat dar were. Se sprak: 'Ik byn der junckfruwen sele. Vmme dat ik
Line: 21    myne moder dicke bedrouede vnde se nicht bidden wolde, er ik starff, darumme
Line: 22    byn ik yummer mer vorlorn.' -- Kint leue, lat dij dijt eyn lere wesen vnde
Line: 23    bedroue dyne elderen nicht. Noch wil ik dij eyn ander seggen van Absalon,
Line: 24    de synen vader, konningk Dauite, bedrouede. Dat nam eme eynen bosen ende.



Next part


This text is part of the TITUS edition of Alexanderroman (Der Grosse Seelentrost).

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.