TITUS
Alexanderroman (Der Grosse Seelentrost)
Part No. 169
Previous part

Chapter: 5_7  
7. Abimelech


Line: 13    Gedeon hadde seuentich sone vnde hadde eynen vnechten sone, de hette Abimelech.
Line: 14    De dodede al syne brodere, behaluer eynen, de hette Yoathan. Do
Line: 15    quam de stad to Sichem vnde koren Abimelech to konninge vp eynem velde,
Line: 16    dar lach eyn grot berch bij. Do quam Yoathan vnde stunt vp dem berge vnde
Line: 17    reip: 'Horet, gij heren van Sichem, ik wil yu seggen eyn auenture: Alle de
Line: 18    bome, de in deme wolde syn, de quemen to samne vnde wolden eynen konningk
Line: 19    kesen bouen sijk vnde spreken to deme oly bome: 'Kum here, wert vnse
Line: 20    konningk.' He newoldes nicht don. Do quemen se to deme vigenbome, de
Line: 21    ne woldes ock nicht don. Do quemen se to deme winstocke, de ne woldes ock
Line: 22    nicht don. Do koren se eynen dorn busch, de wart ere koningk. Also hebbe
Line: 23    gij getan. Gedeon wagede sin lijff dorch yuw vnde stridede vor yuw vnde
Line: 24    sloch yuwe vyende. Nu hebbe gij syne echten kindere laten morden vnde
Line: 25    hebben synen vnechten sone to konninge gemaket. Also schal yd yu ghan.'
Line: 26    Do he dijt gesproken hadde, do leip he en wech. Dar na beghan de sulue
Line: 27    Abimelech to orlogene vp de stad vnde wan se vnde mordede allet, dat dar
Line: 28    ynne was, vnde vorbrande se altomale. Do was dar eyn tempd enes affgodes,
Line: 29    dar leip er eyn deil in vnde werden sijk. Do drogen se holt to vnde vorbranden
Line: 30    dar inne wol dusent man, behaluer wiff vnde kindere. Dar na quam
Line: 31    Abimelech to eyneme torne, tar weren lude vppe, den wolde he wynnen
Line: 32    vnde droch vur to vnde woldene bernen. Dar stunt eyn fruwe bouen, de nam
Line: 33    eyn stucke van eme querne stene vnde warp ene vp den kop, dat eme dat
Line: 34    bregen ouer de ogen sech. Do sprak he to deme knapen: 'Tu vt dyn swert
Line: 35    vnde hau my dat houet aff. So en darff nement spreken, dat my eyn wijff
Page: 176   Line: 1    hebbe gemordet.' Also dede he. Aldus nam Abimelech synen ende, de mannigen
Line: 2    mynschen hadde lifflos gemaket.



Next part


This text is part of the TITUS edition of Alexanderroman (Der Grosse Seelentrost).

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.