drittich dusent holthouwere. Dar dede konningk Yram synes volkes wol tein
Line: 28
dusent to, dat weren vertich dusent holthouwere. De delde he an dren vnde
Line: 29
sande se an eynen berch, de hette Libanus. Eyn deil arbeideden enen maent,
Line: 30
dat ander deil den anderen maent, dat dridde deil den drydden maent. Dar
Line: 31
na quemen de ersten wedder. Dar houwen se dat schoneste holt vnde dat
Line: 32
edelste, dat wesen mochte, vnde behouwen dat vnde makedent alrede. Darto
Page: 210
Line: 1
so sande he achtentich dusent steenhouwere, de de steyn breken vt der kulen,
Line: 2
vnde dre dusent steynhouwere mestere vnde dar to dre hundert steyn mestere,
Line: 3
de den steyn houweden vp ere recht. In dem fundamente legen sere grote stene.
Line: 4
Eyn steyn hadde in de lenge wol twintich elne, in der dicke vif elne. -- Eyn
Line: 5
den dat heit de lenge van dem ellenbogen de hant langhes, de was do vele
Line: 6
lenger dan se nu ys, wente de lude weren do vele groter dan se nu syn. -- Der
Line: 7
arbeyder, de dar droghen de boren, der weren seuentich dusent. De tempel
Line: 8
was al gebuwet van eddelem witten mormelstene. De steyne vnde dat
Line: 9
tymmer dat ward al buten der stad bered, also dat in der stad, do men den
Line: 10
tempel buwede, wart nu eyn hamer edder eyn bil gehort. De tempel de was
Line: 11
veir hornen vnde sere grot. Do men de stene houwen scholde, do vant Salomon
Line: 12
ene kunst: In syneme houe was eyn strus, de hadde eyn junk. Dat bewrachte
Line: 13
Salomon in eyme groten glase vate. De strus de gengk vmme dat glas vnde
Line: 14
sach syn yunk vnde nekunde dar nicht tokomen. Do halde he vt der wostenige
Line: 15
eyn wormekin, dat druchte he in twe vnde bestrek dat glas myt dem blode.
Line: 16
To hant brak dat glas, vnde dat junk wart loß. Do merkeden se dat wormekin
Line: 17
vnde sochten dat in der wostenie vnde breken dar mede de harden stene.
Line: 18
Dat tempel en was nicht geweluet noch gesperet noch ghedecket also vnse
Line: 19
kerken syn. Dat was bouen eyn slicht bone, dat men dar vppe ghan mochte.
Line: 20
Also sint in deme lande al de huß, wente se ne behouet dar neynes dakes, wente
Line: 21
yd en plecht dar nicht to regenen noch snyen, seldene ofte nummer.
Line: 22
In dem temple weren dre bonen, van der erden wol drittich elne ho, dar legen
Line: 23
balken. Dar was eyn bone van dem bone vorbat wol vppe drittich elne, dar
Line: 24
was auer eyn bone noch vorbat vp wol sestich elne, dar was de dridde bone,
Line: 25
vnde de bone de was dat dak. Also hadde de tempel inder hoge hundert elne
Line: 26
vnde twintich Dar de vnderste bone was, dar gengk en balke dorch de muren,
Line: 27
wol viff vote langk. Dar was vppe gemaket eyn vmme gank alse eyn borst
Line: 28
were, dat men butene al vmme ghan mochte. Dat sulue was ock butene an
Line: 29
dem anderen bone; dat sulue was ock alles bouene vnde was gestalt alse eyn
Line: 30
borch, de wol gevestenet were. De vmmegenge de hetten pinnacula. Dar
Line: 31
ledde Sathanas vnsen leuen heren vp vnde hette en dar affspringen. Dat schaltu
Line: 32
vornemen van dem anderen temple. De erste tempel wart altomale vorsturet
Line: 33
wente in de grunt. Dar na wart eyn ander gebuwet in der suluen wise, de
Line: 34
newas bij neyner mate so schone alse de erste. In dem tempel dar was eyn
Line: 35
windelsten, dar men vp gengk. In deme temple weren vinstere, de weren
Line: 36
butene enge vnde byrmen wijd, de bedachte Salomon aller erst. De vnderste
Page: 211
Line: 1
woninge des tempels de was vnder dem nedersten bone. Dar was de mure
Line: 2
alto male gecledet myt bredenen taflen, de weren van ceder bome. Also
Line: 3
waset ok bouen vnder den balken, vnde dat ertrike benedene was gemaket
Line: 4
van dannenen delen. Vnde al de taflen bouene vnde al vmme an den wenden
Line: 5
vnde de delen, dar men vppe gengk, de weren alto male gecledet myt lutterme
Line: 6
slagenen golde, vnde dat golt was angenegelet myt guldenen negelen, de
Line: 7
weren sere grot vnde schone. Dar sijk de ene tafle an de anderen slot, dar weren
Line: 8
gemaket bredene listen van golde, de weren sere mesterliken gewiret, vnde
Line: 9
mydden in den taflen stunden vp ghehauene bilde van golde. We dar in genk,
Line: 10
de en sach anders nicht wan lutter golt. De anderen twe woninge dar bouene
Line: 11
de ne weren so schone nicht. Do men de stene legede in dat fundament
Line: 12
vnde in de muren, do was dar eyn schone steyn, deme nekunden de mestere
Line: 13
neyne stede vinden, dar he to mate to were. Entwer he was to langk edder to
Line: 14
kort, edder to hoch edder to side. Des vorsochten se dicke, dat en halp yo
Line: 15
nicht. Do worden de mestere tornich vnde vorworpen den sten. Wan he dar
Line: 16
hadde legen ene wile, so sochten se eme auer eyne stede darumme, dat he
Line: 17
schone was. Wan se ene vpboreden, so ne was he yo nicht to mate. Do vortegen
Line: 18
se syner alto male. Do de tempel rede was vnde do men den lesten steyn
Line: 19
leggen scholde, do was bouene in dem winkele eyn hol, dar scholde eyn winkel
Line: 20
zo steyn in. Do nefunden se neynen steen, de dar to mate to were. To lest quemen
Line: 21
se to dem vorworpenen stene vnde meten den. De was also wol to mate darto,
Line: 22
alse he darto gehauwen were, vnde de steen beslot in sijk twe wende. Des
Line: 23
wunderde allen, de dar weren, vnde spreken, dat were eyn wunder van gode.
Line: 24
Hir van ys gescreuen in deme saltere: Lapidem quem reprobauerunt edificantes
Line: 25
hic factus est in caput angeli, a domino factum est istud et est mirabile in oculis
Line: 26
nostris. Bouen an der muren dar was eyn semes, dat trad verne ouer. Dar
Line: 27
hengen an guldene windruuelen, de weren sere grot. De weren so gehenget,
Line: 28
dat se de wint mochte werpen hir vnde dar. Bouen vp der muren stunden
Line: 29
guldene speite vpgerichtet, de weren scarp, dat dar neyn vogel vpsytten mochte,
Line: 30
vnde de speite weren wol to manne stede ho vnde was van veringes an to seen
Line: 31
alse eyn guldene wok. Umme den tempel weren vele woninge gebuwet, dat
Line: 32
weren schone huß also eyn closter. Twysschen den husen vnde dem temple
Line: 33
was eyn grot plan, dar hadden de man ere huß sunderliken, dar se inne bededen,
Line: 34
vnde de fruwen sunderliken ere huß. Dat buw was so manichuoldich vnde so
Line: 35
wundedijk, dat dar neymant aff to vullen scriuen mach. Der guldenen vate
Line: 36
in deme temple der was so mannich dusent, dar men mede plach to offerne,
Line: 37
vnde der dische vnde der luchtere vnde der hantvate vnde der wirock vate
Line: 38
der weren so vele, dat dar langk seggen aff were. De tempel wart rede bynnen
Line: 39
seuen yaren. Do samende de konningk al dat volk vnde wigede den tempel
Page: 212
Line: 1
vnde offerde van deme synen allene twe vnde twintich dusent ossen vnde
Line: 2
hundert dusent wedere, vnde de fursten vnde dat mene volk offerden so vele
Line: 3
wedere vnde ossen, dat yd vntellijk was. De clank vnde dat seyden spel vnde
Line: 4
de vraude, de dar was, de was vnsprekelijk. Koningk Salomon vel vp syne
Line: 5
kne vnde bat vor al de yenne, de dar gnade sochten in deme godes huse, dat
Line: 6
sijk god ouer se yrbarmede vnde vorgeue en al ere sunde. Ofte hunger jar
Line: 7
quemen in dat lant edder mansteruinge edder eyn ander plage vnde quemen se
Line: 8
vnde reypen ene an in deme huß, dat he sijk ouer se yrbarmede. Worden se
Line: 9
geuangen vnde geuoret to der heydenschap vnde karden se sijk to deme huß
Line: 10
wort vnde reypen en an, dat he sijk ouer se yrbarmede. Do quam dar vur
Line: 11
van deme hemele vnde vntfengede dat offer, dat he offerde vp dat altar
Line: 12
vnde eyn wolke quam vnde vorvullede al den tempel bynnen. Des nachtes
Line: 13
openbarde sijk eme vnse here god vnde sprak, he hedde syne bede gehort
Line: 14
vnde dat hus gehilgeth. Al dat volk bleff to samne seuen daghe myt groten
Line: 15
vrauden. Dar na gaff en koningk Salomon orloff.
Copyright TITUS Project
Frankfurt a/M 1999-2000. No parts of this document may be republished in any form
without prior permission by the copyright holder.
