TITUS
Alexanderroman (Der Grosse Seelentrost): Part No. 212

Subchapter: 14d._Salomons_Reichtum 

14d. Salomons Reichtum


Line: 16 
    Dar na buwede konningk Salomon eyn wunderlijk schone huß, dat was
Line: 17 
    geheten dat wolt hus. Dat stunt middene in eyneme wortegarden, myt eddelen
Line: 18 
    bomen vmme besat, alze yd eyn wolt were. Der worte were so vele vnde so
Line: 19 
    mannigerhande vnde so wunderlijk, vnde so lustelijk was de garde, grot
Line: 20 
    vnde bret, so grone, so bloyende van rosen, van lilien, van blomen, dat yd
Line: 21 
    neymant vulscriuren mach. Dat wolthus was benede van steyne, bouene
Line: 22 
    van eddeleme holte. In dem vndersten steynhuse dar beslot men inne de
Line: 23 
    eddele worte, dat dure crude, dat eddele lactuarium; dat mochte in deme
Line: 24 
    steynhuse bet waren wan anders wur. Vp dem ouersten huß, dat was grot, dat
Line: 25 
    was vul wapene. De vant men yo dar rede, de weren van eddelem tuge
Line: 26 
    gemaket. Dat weren sunderlike wapene, dar de koningk mede plach houene.
Line: 27 
    Dat weren twe hundert glauien van lutterme golde vnde twe hundert bokelere
Line: 28 
    van golde vnde dre hundert pelthen van lutterem golde; dat weren guldene
Line: 29 
    schilde, de weren gestalt alse halue manen. Desse guldenen wapene hudden
Line: 30 
    de wechtere, de des dage des konninges porten bewareden. So was dar buten
Line: 31 
    vor der stad eyn gharde, dat hette de wunnegarde, dar plach de koningk to
Line: 32 
    varene vppe syneme guldenen wagene langes dorch de stad dorch kortewile.
Line: 33 
    So reden vor eme mannich hundert juncheren, dat weren vtgelesene kindere,
Line: 34 
    de schonesten, de de werlt hadde. Den was ere har ghele vnde krus vnde langk
Line: 35 
    wente to deme gordele. De weren gecledet myt golde vnde myt bliante vnde
Line: 36 
    myt duren wande. De vorden vor deme konninge twe hundert guldene

Page: 213 
Line: 1 
    glauien vnde twe hundert guldene bokelere vnde drehundert pelthen, de
Line: 2 
    weren gestalt alse halue manen. De schenen al van golde vnde was antoseende,
Line: 3 
    alse dar de hilgen engele reden. Dar volgede de konningk na vppe syneme
Line: 4 
    waghene. Dar na volgeden syne fursten, syne heren vnde syne knechte. Syn
Line: 5 
    gesinde was sere grot. He hadde twelff dusent rydeperde vnde viftich dusent
Line: 6 
    wagen perde. Desse perde hadde he halff myt sijk in der stad to Jherusalem,
Line: 7 
    vnde de anderen helfte leit he holden vppe deme lande twiger wegene, wente
Line: 8 
    he er behouede. He hadde syn konningkrijke gedelet in twelff vogedie. Eyn
Line: 9 
    yowelijk voget moste ene spisen eynen mant. Also quam dat yar vmme. He
Line: 10 
    moste hebben alle dage drittich wichschepele to sammelen vnde seuentich
Line: 11 
    wichschepele to brode, dat weren alle daghe hundert wichschepele. Dat to
Line: 12 
    syner kokene quam, des newas neyn tal van rynderen, van wesenden, van
Line: 13 
    elenden, van herten, van hynden, van reen, van beren, van eueren, van hasen,
Line: 14 
    van raphonren, van antuogden, van hasselhonren, van feysanen, van al
Line: 15 
    dem wilbrade, dat in watere vnde in heyde is. Bouen dijt wilbrade so moste
Line: 16 
    he alle dage hebben van tamem quecke teyn ossen wol gemestet vnde twintich
Line: 17 
    ossen van der weyde vnde hundert schap. Bonen dat so brochtemen alle dage
Line: 18 
    vische tho van allen landen, van allen steden, der neyn tal en was. Bouen dat
Line: 19 
    so ne was des neyn tal, wat men vordede alle dage to mose an mandelen, an
Line: 20 
    vigen, an rosyne, an ryse, an suckere, an honge, an alder vrucht, dede werlt
Line: 21 
    heft. Bouen dat so was vntellijk, wat men vordede an wine, an mede, an
Line: 22 
    lutterdranke, an appeldranke, an klarete, an al dem drenke, dat men bedenken
Line: 23 
    kan. Der fruwen, de in syneme houe weren, der was sere vele. He hadde ene
Line: 24 
    wile wol sestich koningynnen vnde achtentich amigen. Dar na do quemen de
Line: 25 
    koninge vnde de heren van allen landen vnde brochten ere dochtere to syneme
Line: 26 
    houe vnde wolden sijk myt eme frunden. Do was der konningynnen, de
Line: 27 
    gekronet weren, wol seuen hundert vnde der amigen dre hundert, vnde der
Line: 28 
    kemerschen, de dar to horden, der ne was neyn tal. Desse fruwen weren heyden,
Line: 29 
    de makeden den wysen konningk to eme doren, dat he vp syne olden dage
Line: 30 
    godes vortech vnde bedede affgode an vnde buwede den fruwen temple vnde
Line: 31 
    affgode, also se plegen an to bedene in ereme lande, van deme se komen weren.
Line: 32 
    Kint leue, hirumme schaltu de wiff vlen. Wil eyn man en to uele horen, he
Line: 33 
    en ys nummer so wijs, se en maken en wol to eme doren. lchteswelke boke
Line: 34 
    hebben also, dat Salomon ruwe hadde vor synem lesten ende.
Line: 35 
    Kynt leue, nu heuestu gehort van der groten ere Salomonis vnde van syneme
Line: 36 
    rijkedome. Bij synen dagen was so vele goldes to Jherusalem, dat men dat
Line: 37 
    suluer vor nicht enrekede. Men hadde dat suluer also steyne in der stad. De
Line: 38 
    lude makeden ere dische van suluere vnde stole vnde ander dingk vnde benke
Line: 39 
    butene vp der straten vor eren husen van suluere. De konningk hadde vtghande

Page: 214 
Line: 1 
    eynen leidingk myt vele schepen: myt koggen, myt kelen, myt dragemunden,
Line: 2 
    myt schuten, myt mannigerhanden schepen. De segelden hen to Offyr vnde
Line: 3 
    haleden dat golt vnde suluer vnde dure holt vnde elpenben vnde pauwen
Line: 4 
    vnde apen vnde al, dat selsen was, vnde muggen swet vade vlegen march vnde
Line: 5 
    brochten dat to Iherusalem.




Copyright TITUS Project Frankfurt a/M 1999-2000. No parts of this document may be republished in any form without prior permission by the copyright holder.