TITUS
Alexander der Groote
Part No. 18
Previous part

Chapter: 18     
Line: 1        Daerna doe toech Alexander van Susen ende belach eene grote
Line: 2     stede. Ende daer waren wise meesters in der stat, die setteden een
Line: 3     groet scijf midden inder stat op enen hogen boem; Page of edition: [121a]  ende op die
Line: 4     scijf setten se een venijn [= venijnt] dier, dat basilicus hiet; mer
Line: 5     ten mocht nyement in die stede sien ende so wie [= wien] dat dier
Line: 6     sach, die starf van sinen venijn. Doe was Aristoteles bi Alexander.
Line: 7     Die ordineerde ende geboet, dat nyement om die stede gaen en soude,
Line: 8     hi en soude en glavy hebben ende daer een spiegel an hangen. Also
Line: 9     dede al dat volc ende doe dat venijnde dier hem selven in den spiegel
Line: 10     spiegelde, doe bleeft doot. Ende doe die meesters ende die heren van
Line: 11     der stede dat vernamen, dat Alexander alsulke wijsheit bi hem hadde,
Line: 12     doe gingen si in genaden ende gaven die stede op. Daerna doe quam
Line: 13     Alexander in coninc Porus lant. Doe screef hem coninc Porus enen
Line: 14     brief, aldus inhoudende: "Coninc Porus van Yndien die ontbiet enen
Line: 15     struucrover, die Alexander hiet: Gi hebt verwonnen enen [= een] cranc
Line: 16     volc; gi selt weten dat ic een zegevechter ben, want die Goden ende
Line: 17     dat volc sijn mi onderdaen. Daerom keert weder thuyswaert, of gi selt
Line: 18     scandelic verslegen worden." Alexander die screef hem weder, dat hi
Line: 19     bereet was jegen hem te striden. Doe quam coninc Porus met enen
Line: 20     groten heer van volc ende hadde olyfanten mit hem, die een burch op
Line: 21     haar rug drogen, gemaect van hout ende van ijser. Daer waren in wel
Line: 22     dortich mannen mit vol harnas, die daer uut scoten ende vocht(ed)en;
Line: 23     ende die olyfanten, die beten ende scoerden dat volc met haren mit
Line: 24     haren monde. Doe dede Alexander ghieten metalen mannen die binnen hol
Line: 25     waren ende die dede hi setten, daer si striden souden. Ende die
Line: 26     metalen mannen dede hi binnen vol vuers doen, so dat si alle heet
Line: 27     waren. Doe die olyfanten an die vianden quamen ende haer mulen staken
Line: 28     an die metalen mannen ende hem daeran barnden, doe en wouden si niet
Line: 29     voirwaert, men si liepen afterwaert ende vertraden haer volc.
Line: 30     Alexander sat op sijn paert Pucyfal ende reet in sijn vianden; ende
Line: 31     dat paert beet ende Alexander sloech ende sijn heren volchden hem
Line: 32     ende daer wort voel volcs verslegen an beide siden. Ende coninc
Line: 33     Porus, die quam Alexander alsoe na, dat hi Pucyfal sijn paert doot
Line: 34     stac; ende doe maecten si XX dagen bestant, omdat si die doden
Line: 35     mochten begraven ende haer gequetste luden verbinden. Daerna doe die
Line: 36     XX dagen geleden waren, doe seide Alexander tot coninc Porus: "Wat
Line: 37     helptet ons, dat wi voel volcs verslaen ende dat wi voel sielen ter
Line: 38     hellen senden. Laet ons onder ons Page of edition: [121c]  tween vechten ende so wie
Line: 39     den anderen verwint, die sel heer over syn volc bliven." Ende si
Line: 40     deden also; si vochten onder hem tweeen ende Alexander versloech
Line: 41     Porus ende bleef heer over sijn volc. Doe gaf hi al Porus volc
Line: 42     vrihede[n] ende liet se weder thuus varen. Daerna doe quam voir
Line: 43     Alexander een groete clage, dat daer een rover op der see was, die
Line: 44     die coepluden grote scade dede. Doe dede Alexander scepen toemaken
Line: 45     ende die rover wort gevangen ende voor Alexander gebracht. Doe seide
Line: 46     Alexander: "Waerom doe gi aldus grote scade op die see ende neemt die
Line: 47     coepluden haer guet." Doe seide [die] rover tot Alexander: "Here,
Line: 48     waerom neem gi den volc haer guet opten lande ende breect end barnt
Line: 49     die sloten ende [die] steden ende gi maect menigen mens lijfloes ende
Line: 50     guedeloes; ende gi sijt here van der werelt ende gi hebt guets
Line: 51     genoech te verteren ende ic [en] hebbe anders nyet te verteren dan ic
Line: 52     met roven bi der zee moet winnen." [Doe seide Alexander:] "Doegijt om
Line: 53     den cost te winnen, so sel ic u versien." Doe gaf hem Alexander een
Line: 54     grote stede ende seide: "Dese stede geef ic u ende ic maec u daer een
Line: 55     heer of ende regiert die rechtvaerdelic ende doet recht. Hoer ic
Line: 56     clage over u, dat sel ic over u rechten." Doe leefde Page of edition: [121d]  die rover
Line: 57     rechtvaerdelic. Daerna doe bat een arm man Alexander, dat hi hem een
Line: 58     penninc geven soude. Doe gaf hem Alexander een grote stede ende
Line: 59     seide: "Die stede geef ic u; weest daer heer over." Doe seide die
Line: 60     arme man: "Lieve here, dat en betaemt mi niet te hebben." Doe seide
Line: 61     Alexander: "Ic en acht daer niet op, wat u betaemt te hebben, maer ic
Line: 62     acht daerop, wat mi betaemt te geven."

Next part


This text is part of the TITUS edition of Alexander der Groote.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.