TITUS
Beatrijs
Part No. 11
Previous part

Chapter: (11) 
Verse: 365    Hi seide: 'Lief, en belgh[et] v niet,
Verse: 366    Het dede venus, diet mi riet.

Verse: 367    God gheue mi scande en[de] plaghe
Verse: 368    Ochtic v e[m]mermeer ghewaghe!'

Verse: 369    Si seide: 'Jc v[er]gheeft v dan.
Verse: 370    Ghi sijt mijn troest voer alle man

Verse: 371    Die leuen onder den trone.
Verse: 372    Al leuede absolon, die scone,

Verse: 373    En[de] ic des wel seker ware
Verse: 374    Met hem te leuene .m. iare

Verse: 375    Jn weelden ende in rusten,
Verse: 376    Jn liets mi niet ghecusten.

Verse: 377    Lief, ic hebbe v soe vercoren,
Verse: 378    Men mocht mi dat n[iet] legghe[n] vore[n],

Verse: 379    Dat ic uwes soude vergheten.
Verse: 380    Waric in hemelrike gheseten

Verse: 381    Ende ghi hier in ertrike,
Verse: 382    Jc quame tot v sekerlike!

Verse: 383    Ay god, latet onghewroken
Verse: 384    Dat ic dullijc hebbe ghesproken!

Verse: 385    Die minste bliscap in hemelrike
Verse: 386    En es hier ghere vrouden ghelike:

Verse: 387    D[aer] es die minste soe volmaect,
Verse: 388    Datter zielen niet en smaect

Verse: 389    Dan gode te mi[n]nen sonder inde.
Verse: 390    Al erdsche dinc es ellinde;

Verse: 391    Si en doegh[et] niet een haer
Verse: 392    Jeghen die minste die es daer.

Verse: 393    Diere om pine[n] die sijn vroet;
Verse: 394    Al eest, dat ic dolen moet

Verse: 395    Ende mi te groten sonden keren,
Verse: 396    Dore v, lieue, scone ionch[er]e.'


Next part


This text is part of the TITUS edition of Beatrijs.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.