TITUS
Legendae Sanctorum militarium
Part No. 40
Previous part

Chapter: 9  
Line of edition: 24    9. ῞Εωθεν δὲ ὁ δικαστὴς κελεύσας 3 ἀχθῆναι τὸν ἅγιον,
Line of edition: 25    λόγοις αὐτὸν ἡμέροις καὶ ἀγαθῶν ἐπαγγελίαις ἑλεῖν ἐπειρᾶτο
Line of edition: 26    "πείσθητί μοι πρὸ τῶν βασάνων, Θεόδωρε," λέγων· "καὶ
Line of edition: 27    εὐθὺς γράϕω τοῖς βασιλεῦσιν, ἀρχιερέα τε τῶν θεῶν χειροτονῆσαί
Line of edition: 28    σε καὶ τιμῶν ἀξιῶσαι μεγάλων καὶ σύνθρονον ἡμῖν καταστῆσαι."
Line of edition: 29    Τούτων ἀκούσαντι τῷ ἁγίῳ πρῶτον μὲν περὶ τῆς ἀρχιερωσύνης
Line of edition: 30    καὶ γελάσαι ϕαιδρὸν ἐπῆλθε καὶ τῆς δωρεᾶς μυκτηρίσαι τοὺς
Line of edition: 31    ἀνοήτους, ἔπειτα δὲ καὶ πρὸς τὸν δικαστὴν μετὰ πολλῆς ϕάναι
Page of edition: 144  Line of edition: 1    τῆς παρρησίας "εἰ καὶ πυρὶ τὰς σάρκας μου τήξεις, εἰ βασάνων
Line of edition: 2    πλήθει καταναλώσεις, εἰ καὶ τὸν διὰ ξίϕους θάνατον εὐθὺς ἐπαγάγῃς,
Line of edition: 3    ἕως ἃν ἐν ἐμοὶ πνεῦμα ζωῆς ἦ, οὐκ ἄν ἔξαρνος ὀϕθείην τοῦ
Line of edition: 4    ἐμοῦ Θεοῦ τε καὶ βασιλέων· "᾽Επεὶ ταῦτα ἀκοῦσαι τὸν τύραννον·
Line of edition: 5    πολλὰ τῷ πραιποσίτῳ διαλεχθέντα κελεῦσαι τοῖς δημίοις ἐπὶ
Line of edition: 6    ξύλου τὸν ἅγιον αἰωρήσαντας ὄνυξι τὰς πλευρὰς αὐτοῦ καταξέειν·
Line of edition: 7    οὗπερ εἰς ἔργον ἐκβάντος, θέαμα ἦν χαλεπὸν ἡμέροις ὀϕθαλμοῖς
Line of edition: 8    τὸ γινόμενον· εἰς τοῦτο γὰρ ὠμότητος οἱ ξέοντες παρηνέχθησαν,
Line of edition: 9    ὡς μηδένα οἶκτον αὐτοὺς τῆς κοινῆς λαβεῖν ϕύσεως, ἄλλῳ οἶον
Line of edition: 10    ἀψύχῳ τινὶ προσϕέρεσθαι καὶ δι' ὅλου 1 γυμνὰ σαρκῶν τὰ ὀστᾶ
Line of edition: 11    ἐκείνου καταλιπεῖν. ῾Ο μέντοι μάρτυς οὐδὲν ἔλαττον ἤ οἱ ξέοντες
Line of edition: 12    τοῦ οἰκείου σώματος ἀμελῶν καὶ νικῆσαι ϕιλονεικῶν τῇ αὐτοῦ
Line of edition: 13    ἀνδρείᾳ τὴν ἐκείνων θηριωδίαν, πρὸς μὲν τὸν τύραννον οὐδὲ
Line of edition: 14    βραχύ τι ἐϕθέγγετο, ὑπέψαλλε δὲ ἡσύχως· "Εὐλογήσω τὸν
Line of edition: 15    κύριον ἐν παντὶ καιρῷ, διὰ παντὸς ἡ αἴνεσις αὐτοῦ ἐν τῷ στόματί
Line of edition: 16    μου." ᾽Εκπλαγεὶς οὖν ὁ τύραννος τῆς καρτερίας τὸν ἅγιον, "εἶτα
Line of edition: 17    οὐκ αἰσχύνῃ, ἔϕης πάντων ἀνθρώπων ἀθλιώτατε σύ, ἐπ' ἀνθρώπῳ
Line of edition: 18    τὰς ἐλπίδας ἔχων, καὶ τούτῳ βιαίῳ τέλει καταλύσαντι τὴν ζωήν,
Line of edition: 19    ἀλλ' οὕτως σεαυτὸν ἀλογίστως παραδίδως τοῖς αἰκισμοῖς"; ῾Ο δὲ
Line of edition: 20    λίαν πεποιθότως καὶ ἀνδρικῶς καὶ ὥσπερ ἐπ' αὐτῷ μᾶλλον ἤ ὁ
Line of edition: 21    δικάζων ἐπὶ τῷ βήματι σεμνυνόμενος· "Αὕτη μοι αἰσχύνη,
Line of edition: 22    ἔϕη, καὶ πᾶσι τοῖς ἐπικαλουμένοις τὸ τοῦ Χριστοῦ ὄνομα."

Next part


This text is part of the TITUS edition of Legendae Sanctorum militarium.

Copyright TITUS Project, Frankfurt a/M, 30.11.2024. No parts of this document may be republished in any form without prior permission by the copyright holder.