TITUS
Kautiliya Arthasastra: Part No. 32

Chapter: 11 

(Examination of the precious articles to be received into the treasury)


Sentence: 1 
    kośādʰyakṣaḥ kośapraveśyaṃ ratnaṃ sāraṃ pʰalguṃ kupyaṃ vā tajjātakaraṇādʰiṣṭʰitaḥ pratigr̥hṇīyāt //
   kośa-adʰyakṣaḥ kośa-praveśyaṃ ratnaṃ sāraṃ pʰalguṃ kupyaṃ vā taj-jāta-karaṇa-adʰiṣṭʰitaḥ pratigr̥hṇīyāt //

Sentence: 2 
    tāmraparṇikaṃ pāṇḍyakavāṭakaṃ pāśikyaṃ kauleyaṃ caurṇeyaṃ māhendraṃ kārdamikaṃ srautasīyaṃ hrādīyaṃ haimavataṃ ca mauktikam //
   tāmra-parṇikaṃ pāṇḍyaka-vāṭakaṃ pāśikyaṃ kauleyaṃ caurṇeyaṃ māhendraṃ kārdamikaṃ srautasīyaṃ hrādīyaṃ haimavataṃ ca mauktikam //

Sentence: 3 
    śuktiḥ śaṅkʰaḥ prakīrṇakaṃ ca yonayaḥ //
   śuktiḥ śaṅkʰaḥ prakīrṇakaṃ ca yonayaḥ //

Sentence: 4 
    masūrakaṃ tripuṭakaṃ kūrmakam ardʰacandrakaṃ kañcukitaṃ yamakaṃ kartakaṃ kʰarakaṃ siktakaṃ kāmaṇḍalukaṃ śyāvaṃ nīlaṃ durviddʰaṃ cāpraśastam //
   masūrakaṃ tri-puṭakaṃ kūrmakam ardʰa-candrakaṃ kañcukitaṃ yamakaṃ kartakaṃ kʰarakaṃ siktakaṃ kāmaṇḍalukaṃ śyāvaṃ nīlaṃ durviddʰaṃ ca+ apraśastam //

Sentence: 5 
    stʰūlaṃ vr̥ttaṃ nistalaṃ bʰrājiṣṇu śvetaṃ guru snigdʰaṃ deśaviddʰaṃ ca praśastam //
   stʰūlaṃ vr̥ttaṃ nistalaṃ bʰrājiṣṇu śvetaṃ guru snigdʰaṃ deśa-viddʰaṃ ca praśastam //

Sentence: 6 
    śīrṣakam upaśīrṣakaṃ prakāṇḍakam avagʰāṭakaṃ taralapratibaddʰaṃ ceti yaṣṭiprabʰedāḥ //
   śīrṣakam upaśīrṣakaṃ prakāṇḍakam avagʰāṭakaṃ tarala-pratibaddʰaṃ ca+ iti yaṣṭi-prabʰedāḥ //

Sentence: 7 
    yaṣṭīnām aṣṭasahasram indraccʰandaḥ //
   yaṣṭīnām aṣṭa-sahasram indrac-cʰandaḥ //

Sentence: 8 
    tato ʼrdʰaṃ vijayaccʰandaḥ //
   tato+ ardʰaṃ vijayac-cʰandaḥ //

Sentence: 9 
    catuṣṣaṣṭir ardʰahāraḥ //
   catuṣṣaṣṭir ardʰa-hāraḥ //

Sentence: 10 
    catuṣpañcāśad raśmikalāpaḥ //
   catuṣ-pañcāśad raśmi-kalāpaḥ //

Sentence: 11 
    dvātriṃśad guccʰaḥ //
   dvātriṃśad guccʰaḥ //

Sentence: 12 
    saptaviṃśatir nakṣatramālā //
   sapta-viṃśatir nakṣatra-mālā //

Sentence: 13 
    caturviṃśatir ardʰaguccʰaḥ //
   caturviṃśatir ardʰa-guccʰaḥ //

Sentence: 14 
    viṃśatir māṇavakaḥ //
   viṃśatir māṇavakaḥ //

Sentence: 15 
    tato ʼrdʰam ardʰamāṇavakaḥ //
   tato+ ardʰam ardʰa-māṇavakaḥ //

Sentence: 16 
    eta eva maṇimadʰyās tanmāṇavakā bʰavanti //
   eta eva maṇi-madʰyās tan-māṇavakā bʰavanti //

Sentence: 17 
    ekaśīrṣakaḥ śuddʰo hāraḥ //
   eka-śīrṣakaḥ śuddʰo hāraḥ //

Sentence: 18 
    tadvac cʰeṣāḥ //
   tadvat-śeṣāḥ //

Sentence: 19 
    maṇimadʰyo ʼrdʰamāṇavakaḥ //
   maṇi-madʰyo+ ardʰa-māṇavakaḥ //

Sentence: 20 
    tripʰalakaḥ pʰalakahāraḥ, pañcapʰalako vā //
   tri-pʰalakaḥ pʰalaka-hāraḥ, pañca-pʰalako vā //

Sentence: 21 
    sūtram ekāvalī śuddʰā //
   sūtram ekāvalī śuddʰā //

Sentence: 22 
    saiva maṇimadʰyā yaṣṭiḥ //
   sā+ eva maṇi-madʰyā yaṣṭiḥ //

Sentence: 23 
    hemamaṇicitrā ratnāvalī //
   hema-maṇi-citrā ratnāvalī //

Sentence: 24 
    hemamaṇimuktāntaro ʼpavartakaḥ //
   hema-maṇi-muktā-antaro+ apavartakaḥ //

Sentence: 25 
    suvarṇasūtrāntaraṃ sopānakam //
   suvarṇa-sūtra-antaraṃ sopānakam //

Sentence: 26 
    maṇimadʰyaṃ vā maṇisopānakam //
   maṇi-madʰyaṃ vā maṇi-sopānakam //

Sentence: 27 
    tena śirohastapādakaṭīkalāpajālakavikalpā vyākʰyātāḥ //
   tena śiro-hasta-pāda-kaṭī-kalāpa-jālaka-vikalpā vyākʰyātāḥ //

Sentence: 28 
    maṇiḥ kauṭomāleyakaḥ pārasamudrakaś ca //
   maṇiḥ kauṭo-māleyakaḥ pāra-samudrakaś ca //

Sentence: 29 
    saugandʰikaḥ padmarāgo ʼnavadyarāgaḥ pārijātapuṣpako bālasūryakaḥ //
   saugandʰikaḥ padma-rāgo+ anavadya-rāgaḥ pārijāta-puṣpako bāla-sūryakaḥ //

Sentence: 30 
    vaiḍūryam utpalavarṇaḥ śirīṣapuṣpaka udakavarṇo vaṃśarāgaḥ śukapattravarṇaḥ puṣyarāgo gomūtrako gomedakaḥ //
   vaiḍūryam utpala-varṇaḥ śirīṣa-puṣpaka udaka-varṇo vaṃśa-rāgaḥ śuka-pattra-varṇaḥ puṣya-rāgo go-mūtrako go-medakaḥ //

Sentence: 31 
    indranīlo nīlāvalīyaḥ kalāyapuṣpako mahānīlo jambvābʰo jīmūtaprabʰo nandakaḥ sravanmadʰyaḥ //
   indra-nīlo nīla-avalīyaḥ kalāya-puṣpako mahā-nīlo jambv-ābʰo jīmūta-prabʰo nandakaḥ sravan-madʰyaḥ //

Sentence: 32 
    śuddʰaspʰaṭiko mūlāṭavarṇaḥ śītavr̥ṣṭiḥ sūryakāntaś ca / iti maṇayaḥ //
   śuddʰa-spʰaṭiko mūlāṭa-varṇaḥ śīta-vr̥ṣṭiḥ sūrya-kāntaś ca / iti maṇayaḥ //

Sentence: 33 
    ṣaḍaśraś caturaśro vr̥tto vā tīvrarāgaḥ saṃstʰānavān acʰaḥ snigdʰo gurur arciṣmān antargataprabʰaḥ prabʰānulepī ceti maṇiguṇāḥ //
   ṣaḍ-aśraś catur-aśro vr̥tto vā tīvra-rāgaḥ saṃstʰānavān acʰaḥ snigdʰo gurur arciṣmān antar-gata-prabʰaḥ prabʰā-anulepī ca+ iti maṇi-guṇāḥ //

Sentence: 34 
    mandarāgaprabʰaḥ sa-śarkaraḥ puṣpaccʰidraḥ kʰaṇḍo durviddʰo lekʰākīrṇa iti doṣāḥ //
   manda-rāga-prabʰaḥ sa-śarkaraḥ puṣpac-cʰidraḥ kʰaṇḍo durviddʰo lekʰa-ākīrṇa iti doṣāḥ //

Sentence: 35 
    vimalakaḥ sasyako ʼñjanamūlakaḥ pittakaḥ sulabʰako lohitākṣo mr̥gāśmako jyotīrasako māleyako ʼhiccʰatrakaḥ kūrpaḥ pratikūrpaḥ sugandʰikūrpaḥ kṣīravakaḥ śśukticūrṇakaḥ śilāpravālakaḥ pulakaḥ śuklapulaka ity antarajātayaḥ //
   vimalakaḥ sasyako+ añjana-mūlakaḥ pittakaḥ sulabʰako lohita-akṣo mr̥ga-aśmako jyotī-rasako māleyako+ ahic-cʰatrakaḥ kūrpaḥ pratikūrpaḥ sugandʰi-kūrpaḥ kṣīravakaḥ śśukti-cūrṇakaḥ śilā-pravālakaḥ pulakaḥ śukla-pulaka ity antara-jātayaḥ //

Sentence: 36 
    śeṣāḥ kācamaṇayaḥ //
   śeṣāḥ kāca-maṇayaḥ //

Sentence: 37 
    sabʰārāṣṭrakaṃ tajjamārāṣṭrakaṃ kāstīrarāṣṭrakaṃ śrīkaṭanakaṃ maṇimantakam indravānakaṃ ca vajram //
   sabʰā-rāṣṭrakaṃ tajjamā-rāṣṭrakaṃ kāstīra-rāṣṭrakaṃ śrī-kaṭanakaṃ maṇimantakam indra-vānakaṃ ca vajram //

Sentence: 38 
    kʰaniḥ srotaḥ prakīrṇakaṃ ca yonayaḥ //
   kʰaniḥ srotaḥ prakīrṇakaṃ ca yonayaḥ //

Sentence: 39 
    mārjārākṣakaṃ śirīṣapuṣpakaṃ gomūtrakaṃ gomedakaṃ śuddʰaspʰaṭikaṃ mūlāṭīvarṇaṃ maṇivarṇānām anyatamavarṇam iti vajravarṇāḥ //
   mārjāra-akṣakaṃ śirīṣa-puṣpakaṃ go-mūtrakaṃ go-medakaṃ śuddʰa-spʰaṭikaṃ mūlāṭī-varṇaṃ maṇi-varṇānām anyatama-varṇam iti vajra-varṇāḥ //

Sentence: 40 
    stʰūlaṃ guru prahārasahaṃ samakoṭikaṃ bʰājanalekʰi tarkubʰrāmi bʰrājiṣṇu ca praśastam //
   stʰūlaṃ guru prahāra-sahaṃ samakoṭikaṃ bʰājana-lekʰi tarku-bʰrāmi bʰrājiṣṇu ca praśastam //

Sentence: 41 
    naṣṭakoṇaṃ nirāśri pārśvāpavr̥ttaṃ cāpraśastam //
   naṣṭa-koṇaṃ nirāśri pārśva-apavr̥ttaṃ ca+ apraśastam //

Sentence: 42 
    pravālakam ālakandakaṃ vaivarṇikaṃ ca, raktaṃ padmarāgaṃ ca karaṭagarbʰiṇikāvarjam iti //
   pravālakam āla-kandakaṃ vaivarṇikaṃ ca, raktaṃ padma-rāgaṃ ca karaṭa-garbʰiṇikā-varjam iti //

Sentence: 43 
    candanaṃ sātanaṃ raktaṃ bʰūmigandʰi //
   candanaṃ sātanaṃ raktaṃ bʰūmi-gandʰi //

Sentence: 44 
    gośīrṣakaṃ kālatāmraṃ matsyagandʰi //
   go-śīrṣakaṃ kāla-tāmraṃ matsya-gandʰi //

Sentence: 45 
    haricandanaṃ śukapattravarṇam āmragandʰi, tārṇasaṃ ca //
   hari-candanaṃ śuka-pattra-varṇam āmra-gandʰi, tārṇasaṃ ca //

Sentence: 46 
    grāmerukaṃ raktaṃ raktakālaṃ vā bastamūtragandʰi //
   grāmerukaṃ raktaṃ rakta-kālaṃ vā basta-mūtra-gandʰi //

Sentence: 47 
    daivasabʰeyaṃ raktaṃ padmagandʰi, jāpakaṃ ca //
   daivasabʰeyaṃ raktaṃ padma-gandʰi, jāpakaṃ ca //

Sentence: 48 
    joṅgakaṃ raktaṃ raktakālaṃ vā snigdʰam, taurūpaṃ ca //
   joṅgakaṃ raktaṃ rakta-kālaṃ vā snigdʰam, taurūpaṃ ca //

Sentence: 49 
    māleyakaṃ pāṇḍuraktam //
   māleyakaṃ pāṇḍu-raktam //

Sentence: 50 
    kucandanaṃ rūkṣam agurukālaṃ raktaṃ raktakālaṃ vā //
   kucandanaṃ rūkṣam aguru-kālaṃ raktaṃ rakta-kālaṃ vā //

Sentence: 51 
    kālaparvatakaṃ raktakālam anavadyavarṇaṃ vā //
   kāla-parvatakaṃ rakta-kālam anavadya-varṇaṃ vā //

Sentence: 52 
    kośāgāraparvatakaṃ kālaṃ kālacitraṃ vā //
   kośa-agāra-parvatakaṃ kālaṃ kāla-citraṃ vā //

Sentence: 53 
    śītodakīyaṃ padmābʰaṃ kālasnigdʰaṃ vā //
   śīta-udakīyaṃ padma-ābʰaṃ kāla-snigdʰaṃ vā //

Sentence: 54 
    nāgaparvatakaṃ rūkṣaṃ śaivalavarṇaṃ vā //
   nāga-parvatakaṃ rūkṣaṃ śaivala-varṇaṃ vā //

Sentence: 55 
    śākalaṃ kapilam / iti //
   śākalaṃ kapilam / iti //

Sentence: 56 
    lagʰu snigdʰam aśyānaṃ sarpiḥsnehalepi gandʰasukʰaṃ tvaganusāry anulbaṇam avirāgy uṣṇasahaṃ dāhagrāhi sukʰasparśanam iti candanaguṇāḥ //
   lagʰu snigdʰam aśyānaṃ sarpiḥ-sneha-lepi gandʰa-sukʰaṃ tvag-anusāry anulbaṇam avirāgy uṣṇa-sahaṃ dāha-grāhi sukʰa-sparśanam iti candana-guṇāḥ //

Sentence: 57 
    aguru joṅgakaṃ kālaṃ kālacitraṃ maṇḍalacitraṃ vā //
   aguru joṅgakaṃ kālaṃ kāla-citraṃ maṇḍala-citraṃ vā //

Sentence: 58 
    śyāmaṃ doṅgakam //
   śyāmaṃ doṅgakam //

Sentence: 59 
    pārasamudrakaṃ citrarūpam uśīragandʰi navamālikāgandʰi vā / iti //
   pāra-samudrakaṃ citra-rūpam uśīra-gandʰi nava-mālikā-gandʰi vā / iti //

Sentence: 60 
    guru snigdʰaṃ peśalagandʰi nirhāry agnisaham asamplutadʰūmaṃ vimardasaham ity aguruguṇāḥ //
   guru snigdʰaṃ peśala-gandʰi nirhāry agni-saham asampluta-dʰūmaṃ vimarda-saham ity aguru-guṇāḥ //

Sentence: 61 
    tailaparṇikam aśokagrāmikaṃ māṃsavarṇaṃ padmagandʰi //
   taila-parṇikam aśoka-grāmikaṃ māṃsa-varṇaṃ padma-gandʰi //

Sentence: 62 
    joṅgakaṃ raktapītakam utpalagandʰi gomūtragandʰi vā //
   joṅgakaṃ rakta-pītakam utpala-gandʰi go-mūtra-gandʰi vā //

Sentence: 63 
    grāmerukaṃ snigdʰaṃ gomūtragandʰi //
   grāmerukaṃ snigdʰaṃ go-mūtra-gandʰi //

Sentence: 64 
    sauvarṇakuḍyakaṃ raktapītaṃ mātuluṅgagandʰi //
   sauvarṇa-kuḍyakaṃ rakta-pītaṃ mātuluṅga-gandʰi //

Sentence: 65 
    pūrṇakadvīpakaṃ padmagandʰi navanītagandʰi vā //
   pūrṇaka-dvīpakaṃ padma-gandʰi nava-nīta-gandʰi vā //

Sentence: 66 
    bʰadraśriyaṃ pāralauhityakaṃ jātīvarṇam //
   bʰadra-śriyaṃ pāralauhityakaṃ jātī-varṇam //

Sentence: 67 
    āntaravatyam uśīravarṇam //
   āntaravatyam uśīra-varṇam //

Sentence: 68 
    ubʰayaṃ kuṣṭʰagandʰi ca / iti //
   ubʰayaṃ kuṣṭʰa-gandʰi ca / iti //

Sentence: 69 
    kāleyakaḥ svarṇabʰūmijaḥ snigdʰapītakaḥ //
   kāleyakaḥ svarṇa-bʰūmijaḥ snigdʰa-pītakaḥ //

Sentence: 70 
    auttaraparvatako raktapītakaḥ // iti sārāḥ /
   auttara-parvatako rakta-pītakaḥ // iti sārāḥ /

Sentence: 71 
    piṇḍakvātʰadʰūmasaham avirāgi yogānuvidʰāyi ca //
   piṇḍa-kvātʰa-dʰūma-saham avirāgi yoga-anuvidʰāyi ca //

Sentence: 72 
    candanāguruvac ca teṣāṃ guṇāḥ //
   candana-aguruvac ca teṣāṃ guṇāḥ //

Sentence: 73 
    kāntanāvakaṃ praiyakaṃ cottaraparvatakaṃ carma //
   kāntanāvakaṃ praiyakaṃ ca+ uttara-parvatakaṃ carma //

Sentence: 74 
    kāntanāvakaṃ mayūragrīvābʰam //
   kāntanāvakaṃ mayūra-grīva-ābʰam //

Sentence: 75 
    praiyakaṃ nīlapītaśvetalekʰābinducitram //
   praiyakaṃ nīla-pīta-śveta-lekʰā-bindu-citram //

Sentence: 76 
    tadubʰayam aṣṭāṅgulāyāmam //
   tad-ubʰayam aṣṭa-aṅgula-āyāmam //

Sentence: 77 
    bisī mahābisī ca dvādaśagrāmīye //
   bisī mahā-bisī ca dvādaśa-grāmīye //

Sentence: 78 
    avyaktarūpā duhilitikā citrā vā bisī //
   avyakta-rūpā duhilitikā citrā vā bisī //

Sentence: 79 
    paruṣā śvetaprāyā mahābisī //
   paruṣā śveta-prāyā mahābisī //

Sentence: 80 
    dvādaśāṅgulāyāmam ubʰayam //
   dvādaśa-aṅgula-āyāmam ubʰayam //

Sentence: 81 
    śyāmikā kālikā kadalī candrottarā śākulā cārohajāḥ //
   śyāmikā kālikā kadalī candra-uttarā śākulā ca+ ārohajāḥ //

Sentence: 82 
    kapilā binducitrā vā śyāmikā //
   kapilā bindu-citrā vā śyāmikā //

Sentence: 83 
    kālikā kapilā kapotavarṇā vā //
   kālikā kapilā kapota-varṇā vā //

Sentence: 84 
    tad ubʰayam aṣṭāṅgulāyāmam //
   tad ubʰayam aṣṭa-aṅgula-āyāmam //

Sentence: 85 
    paruṣā kadalī hastāyatā //
   paruṣā kadalī hasta-āyatā //

Sentence: 86 
    saiva candracitrā candrottarā //
   sā+ eva candra-citrā candra-uttarā //

Sentence: 87 
    kadalītribʰāgā śākulā koṭʰamaṇḍalacitrā kr̥takarṇikājinacitrā vā / iti //
   kadalī-tri-bʰāgā śākulā koṭʰa-maṇḍala-citrā kr̥ta-karṇikā+ ajina-citrā vā / iti //

Sentence: 88 
    sāmūraṃ cīnasī sāmūlī ca bāhlaveyāḥ //
   sāmūraṃ cīnasī sāmūlī ca bāhlaveyāḥ //

Sentence: 89 
    ṣaṭtriṃśadaṅgulam añjanavarṇaṃ sāmūram //
   ṣaṭ-triṃśad-aṅgulam añjana-varṇaṃ sāmūram //

Sentence: 90 
    cīnasī raktakālī pāṇḍukālī vā //
   cīnasī rakta-kālī pāṇḍu-kālī vā //

Sentence: 91 
    sāmūlī godʰūmavarṇā / iti //
   sāmūlī go-dʰūma-varṇā / iti //

Sentence: 92 
    sāṃtinā nalatūlā vr̥ttapr̥ccʰā caudrāḥ //
   sāṃtinā nala-tūlā vr̥tta-pr̥ccʰā caudrāḥ //

Sentence: 93 
    sātinā kr̥ṣṇā //
   sātinā kr̥ṣṇā //

Sentence: 94 
    nalatūlā nalatūlavarṇā //
   nala-tūlā nala-tūla-varṇā //

Sentence: 95 
    kapilā vr̥ttapuccʰā ca // iti carmajātayaḥ /
   kapilā vr̥tta-puccʰā ca // iti carma-jātayaḥ /

Sentence: 96 
    carmaṇāṃ mr̥du snigdʰaṃ bahularoma ca śreṣṭʰam //
   carmaṇāṃ mr̥du snigdʰaṃ bahula-roma ca śreṣṭʰam //

Sentence: 97 
    śuddʰaṃ śuddʰaraktaṃ pakṣaraktaṃ cāvikam, kʰacitaṃ vānacitraṃ kʰaṇḍasaṃgʰātyaṃ tantuviccʰinnaṃ ca //
   śuddʰaṃ śuddʰa-raktaṃ pakṣa-raktaṃ ca+ āvikam, kʰacitaṃ vāna-citraṃ kʰaṇḍa-saṃgʰātyaṃ tantu-viccʰinnaṃ ca //

Sentence: 98 
    kambalaḥ kaucapakaḥ kulamitikā saumitikā turagāstaraṇaṃ varṇakaṃ taliccʰakaṃ vāravāṇaḥ paristomaḥ samantabʰadrakaṃ cāvikam //
   kambalaḥ kaucapakaḥ kulamitikā saumitikā turaga-āstaraṇaṃ varṇakaṃ taliccʰakaṃ vāra-vāṇaḥ paristomaḥ samanta-bʰadrakaṃ ca+ āvikam //

Sentence: 99 
    piccʰilam ārdram iva ca sūkṣmaṃ mr̥du ca śreṣṭʰam //
   piccʰilam ārdram iva ca sūkṣmaṃ mr̥du ca śreṣṭʰam //

Sentence: 100 
    aṣṭaprotisaṃgʰātyā kr̥ṣṇā bʰiṅgisī varṣavāraṇam apasāraka iti naipālakam //
   aṣṭa-proti-saṃgʰātyā kr̥ṣṇā bʰiṅgisī varṣa-vāraṇam apasāraka iti naipālakam //

Sentence: 101 
    sampuṭikā caturaśrikā lambarā kaṭavānakaṃ prāvarakaḥ sattaliketi mr̥garoma //
   sampuṭikā catur-aśrikā lambarā kaṭavānakaṃ prāvarakaḥ sattalikā+ iti mr̥ga-roma //

Sentence: 102 
    vāṅgakaṃ śvetaṃ snigdʰaṃ dukūlam //
   vāṅgakaṃ śvetaṃ snigdʰaṃ dukūlam //

Sentence: 103 
    pauṇḍrakaṃ śyāmaṃ maṇisnigdʰam //
   pauṇḍrakaṃ śyāmaṃ maṇi-snigdʰam //

Sentence: 104 
    sauvarṇakuḍyakaṃ sūryavarṇaṃ maṇisnigdʰodakavānaṃ caturaśravānaṃ vyāmiśravānaṃ ca //
   sauvarṇa-kuḍyakaṃ sūrya-varṇaṃ maṇi-snigdʰa-udaka-vānaṃ catur-aśra-vānaṃ vyāmiśra-vānaṃ ca //

Sentence: 105 
    eteṣām ekāṃśukam adʰyardʰadvitricaturaṃśukam iti //
   eteṣām eka-aṃśukam adʰyardʰa-dvi-tri-catur-aṃśukam iti //

Sentence: 106 
    tena kāśikaṃ pauṇḍrakaṃ ca kṣaumaṃ vyākʰyātam //
   tena kāśikaṃ pauṇḍrakaṃ ca kṣaumaṃ vyākʰyātam //

Sentence: 107 
    māgadʰikā pauṇḍrikā sauvarṇakuḍyakā ca pattrorṇā //
   māgadʰikā pauṇḍrikā sauvarṇa-kuḍyakā ca pattra-ūrṇā //

Sentence: 108 
    nāgavr̥kṣo likuco bakulo vaṭaś ca yonayaḥ //
   nāga-vr̥kṣo likuco bakulo vaṭaś ca yonayaḥ //

Sentence: 109 
    pītikā nāgavr̥kṣikā //
   pītikā nāga-vr̥kṣikā //

Sentence: 110 
    godʰūmavarṇā laikucī //
   go-dʰūma-varṇā laikucī //

Sentence: 111 
    śvetā bākulī //
   śvetā bākulī //

Sentence: 112 
    śeṣā navanītavarṇā //
   śeṣā nava-nīta-varṇā //

Sentence: 113 
    tāsāṃ sauvarṇakuḍyakā śreṣṭʰā //
   tāsāṃ sauvarṇa-kuḍyakā śreṣṭʰā //

Sentence: 114 
    tayā kauśeyaṃ cīnapaṭṭāś ca cīnabʰūmijā vyākʰyātāḥ //
   tayā kauśeyaṃ cīna-paṭṭāś ca cīna-bʰūmijā vyākʰyātāḥ //

Sentence: 115 
    mādʰuram āparāntakaṃ kāliṅgaṃ kāśikaṃ vāṅgakaṃ vātsakaṃ māhiṣakaṃ ca kārpāsikaṃ śreṣṭʰam / iti //
   mādʰuram āparāntakaṃ kāliṅgaṃ kāśikaṃ vāṅgakaṃ vātsakaṃ māhiṣakaṃ ca kārpāsikaṃ śreṣṭʰam / iti //

Sentence: 116 
    ataḥ pareṣāṃ ratnānāṃ pramāṇaṃ mūlyalakṣaṇam /
   ataḥ pareṣāṃ ratnānāṃ pramāṇaṃ mūlya-lakṣaṇam /

Sentence: 117 
    jātiṃ rūpaṃ ca jānīyān nidʰānaṃ navakarma ca //
   jātiṃ rūpaṃ ca jānīyān nidʰānaṃ nava-karma ca //

Sentence: 118 
    purāṇapratisaṃskāraṃ karma guhyam upaskarān /
   purāṇa-pratisaṃskāraṃ karma guhyam upaskarān /

Sentence: 119 
    deśakālaparībʰogaṃ hiṃsrāṇāṃ ca pratikriyām //E
   deśa-kāla-parībʰogaṃ hiṃsrāṇāṃ ca pratikriyām //E






Copyright TITUS Project Frankfurt a/M 1999-2000. No parts of this document may be republished in any form without prior permission by the copyright holder.