TITUS
Kautiliya Arthasastra: Part No. 42

Chapter: 21 

(Collector of costums and tolls)


Sentence: 1 
    śulkādʰyakṣaḥ śulkaśālāṃ dʰvajaṃ ca prānmukʰam udanmukʰaṃ vā mahādvārābʰyāśe niveśayet //
   śulka-adʰyakṣaḥ śulka-śālāṃ dʰvajaṃ ca prān-mukʰam udan-mukʰaṃ vā mahā-dvāra-abʰyāśe niveśayet //

Sentence: 2 
    śulkādāyinaś catvāraḥ pañca vā sārtʰopayātān vaṇijo likʰeyuḥ - ke kutastyāḥ kiyatpaṇyāḥ kva cābʰijñānaṃ mudrā vā kr̥tā iti //
   śulka-ādāyinaś catvāraḥ pañca vā sārtʰa-upayātān vaṇijo likʰeyuḥ - ke kutastyāḥ kiyat-paṇyāḥ kva ca+ abʰijñānaṃ mudrā vā kr̥tā iti //

Sentence: 3 
    amudrāṇām atyayo deyadviguṇaḥ //
   amudrāṇām atyayo deya-dvi-guṇaḥ //

Sentence: 4 
    kūṭamudrāṇāṃ śulkāṣṭaguṇo daṇḍaḥ //
   kūṭa-mudrāṇāṃ śulka-aṣṭa-guṇo daṇḍaḥ //

Sentence: 5 
    bʰinnamudrāṇām atyayo gʰaṭikāstʰāne stʰānam //
   bʰinna-mudrāṇām atyayo gʰaṭikā-stʰāne stʰānam //

Sentence: 6 
    rājamudrāparivartane nāmakr̥te vā sa-pādapaṇikaṃ vahanaṃ dāpayet //
   rāja-mudrā-parivartane nāma-kr̥te vā sa-pāda-paṇikaṃ vahanaṃ dāpayet //

Sentence: 7 
    dʰvajamūlopastʰitasya pramāṇam argʰaṃ ca vaidehikāḥ paṇyasya brūyuḥ "etatpramāṇenārgʰeṇa paṇyam idaṃ kaḥ kretā" iti //
   dʰvaja-mūla-upastʰitasya pramāṇam argʰaṃ ca vaidehikāḥ paṇyasya brūyuḥ "etat-pramāṇena+ argʰeṇa paṇyam idaṃ kaḥ kretā" iti //

Sentence: 8 
    triruddʰoṣitam artʰibʰyo dadyāt //
   tri-ruddʰa-uṣitam artʰibʰyo dadyāt //

Sentence: 9 
    kretr̥saṃgʰarṣe mūlyavr̥ddʰiḥ sa-śulkā kośaṃ gaccʰet //
   kretr̥-saṃgʰarṣe mūlya-vr̥ddʰiḥ sa-śulkā kośaṃ gaccʰet //

Sentence: 10 
    śulkabʰayāt paṇyapramāṇa mūlyaṃ vā hīnaṃ bruvatas tad atiriktaṃ rājā haret //
   śulka-bʰayāt paṇya-pramāṇa mūlyaṃ vā hīnaṃ bruvatas tad atiriktaṃ rājā haret //

Sentence: 11 
    śulkam aṣṭaguṇaṃ vā dadyāt //
   śulkam aṣṭa-guṇaṃ vā dadyāt //

Sentence: 12 
    tad eva niviṣṭapaṇyasya bʰāṇḍasya hīnaprativarṇakenārgʰāpakarṣaṇe sārabʰāṇḍasya pʰalgubʰāṇḍena praticcʰādane ca kuryāt //
   tad eva niviṣṭa-paṇyasya bʰāṇḍasya hīna-prativarṇakena+ argʰa-apakarṣaṇe sāra-bʰāṇḍasya pʰalgu-bʰāṇḍena praticcʰādane ca kuryāt //

Sentence: 13 
    pratikretr̥bʰayād vā paṇyamūlyād upari mūlyaṃ vardʰayato mūlyavr̥ddʰiṃ rājā haret, dviguṇaṃ vā śulkaṃ kuryāt //
   pratikretr̥-bʰayād vā paṇya-mūlyād upari mūlyaṃ vardʰayato mūlya-vr̥ddʰiṃ rājā haret, dvi-guṇaṃ vā śulkaṃ kuryāt //

Sentence: 14 
    tad evāṣṭaguṇam adʰyakṣasya ccʰādayataḥ //
   tad eva+ aṣṭa-guṇam adʰyakṣasya cʰādayataḥ //

Sentence: 15 
    tasmād vikrayaḥ paṇyānāṃ dʰr̥to mito gaṇito vā kāryaḥ, tarkaḥ pʰalgubʰāṇḍānām ānugrāhikāṇāṃ ca //
   tasmād vikrayaḥ paṇyānāṃ dʰr̥to mito gaṇito vā kāryaḥ, tarkaḥ pʰalgu-bʰāṇḍānām ānugrāhikāṇāṃ ca //

Sentence: 16 
    dʰvajamūlam atikrāntānāṃ cākr̥taśulkānāṃ śulkād aṣṭaguṇo daṇḍaḥ //
   dʰvaja-mūlam atikrāntānāṃ ca+ akr̥ta-śulkānāṃ śulkād aṣṭa-guṇo daṇḍaḥ //

Sentence: 17 
    patʰikotpatʰikās tad vidyuḥ //
   patʰika-utpatʰikās tad vidyuḥ //

Sentence: 18 
    vaivāhikam anvāyanam aupāyikaṃ yajñakr̥tyaprasavanaimittikaṃ devejyācaulopanayanagodānavratadīkṣādiṣu kriyāviśeṣeṣu bʰāṇḍam uccʰulkaṃ gaccʰet //
   vaivāhikam anvāyanam aupāyikaṃ yajña-kr̥tya-prasava-naimittikaṃ deva+ ijyā-caula-upanayana-go-dāna-vrata-dīkṣā-ādiṣu kriyā-viśeṣeṣu bʰāṇḍam uccʰulkaṃ gaccʰet //

Sentence: 19 
    anyatʰāvādinaḥ steyadaṇḍaḥ //
   anyatʰā-vādinaḥ steya-daṇḍaḥ //

Sentence: 20 
    kr̥taśulkenākr̥taśulkaṃ nirvāhayato dvitīyam ekamudrayā bʰittvā paṇyapuṭam apaharato vaidehakasya tac ca tāvac ca daṇḍaḥ //
   kr̥ta-śulkena+ akr̥ta-śulkaṃ nirvāhayato dvitīyam eka-mudrayā bʰittvā paṇya-puṭam apaharato vaidehakasya tat ca tāvat ca daṇḍaḥ //

Sentence: 21 
    śulkastʰānād gomayapalālaṃ pramāṇaṃ kr̥tvāpaharata uttamaḥ sāhasadaṇḍaḥ //
   śulka-stʰānād gomaya-palālaṃ pramāṇaṃ kr̥tvā+ apaharata uttamaḥ sāhasa-daṇḍaḥ //

Sentence: 22 
    śastravarmakavacaloharatʰaratnadʰānyapaśūnām anyatamam anirvāhyaṃ nirvāhayato yatʰāvagʰuṣito daṇḍaḥ paṇyanāśaś ca //
   śastra-varma-kavaca-loha-ratʰa-ratna-dʰānya-paśūnām anyatamam anirvāhyaṃ nirvāhayato yatʰā+ avagʰuṣito daṇḍaḥ paṇya-nāśaḥ ca //

Sentence: 23 
    teṣām anyatamasyānayane bahir evoccʰulko vikrayaḥ //
   teṣām anyatamasya+ ānayane bahir eva+ uccʰulko vikrayaḥ //

Sentence: 24 
    antapālaḥ sa-pādapaṇikāṃ vartanīṃ gr̥hṇīyāt paṇyavahanasya, paṇikām ekakʰurasya, paśūnām ardʰapaṇikāṃ kṣudrapaśūnāṃ pādikām, aṃsabʰārasya māṣikām //
   anta-pālaḥ sa-pāda-paṇikāṃ vartanīṃ gr̥hṇīyāt paṇya-vahanasya, paṇikām eka-kʰurasya, paśūnām ardʰa-paṇikāṃ kṣudra-paśūnāṃ pādikām, aṃsa-bʰārasya māṣikām //

Sentence: 25 
    naṣṭāpahr̥taṃ ca pratividadʰyāt //
   naṣṭa-apahr̥taṃ ca pratividadʰyāt //

Sentence: 26 
    vaideśyaṃ sārtʰaṃ kr̥tasārapʰalgubʰāṇḍavicayanam abʰijñānaṃ mudrāṃ ca dattvā preṣayed adʰyakṣasya //
   vaideśyaṃ sārtʰaṃ kr̥ta-sāra-pʰalgu-bʰāṇḍa-vicayanam abʰijñānaṃ mudrāṃ ca dattvā preṣayed adʰyakṣasya //

Sentence: 27 
    vaidehakavyañjano vā sārtʰapramāṇaṃ rājñaḥ preṣayet //
   vaidehaka-vyañjano vā sārtʰa-pramāṇaṃ rājñaḥ preṣayet //

Sentence: 28 
    tena pradeśena rājā śulkādʰyakṣasya sārtʰapramāṇam upadiśet sarvajñakʰyāpanārtʰam //
   tena pradeśena rājā śulka-adʰyakṣasya sārtʰa-pramāṇam upadiśet sarvajña-kʰyāpana+ artʰam //

Sentence: 29 
    tataḥ sārtʰam adʰyakṣo ʼbʰigamya brūyāt "idam amuṣyām uṣya ca sārabʰāṇḍaṃ pʰalgubʰāṇḍaṃ ca, na nihūhitavyam, eṣa rājñaḥ prabʰāvaḥ" iti //
   tataḥ sārtʰam adʰyakṣo+ abʰigamya brūyāt "idam amuṣyām uṣya ca sāra-bʰāṇḍaṃ pʰalgu-bʰāṇḍaṃ ca, na nihūhitavyam, eṣa rājñaḥ prabʰāvaḥ" iti //

Sentence: 30 
    nihūhataḥ pʰalgubʰāṇḍaṃ śulkāṣṭaguṇo daṇḍaḥ, sārabʰāṇḍaṃ sarvāpahāraḥ //
   nihūhataḥ pʰalgu-bʰāṇḍaṃ śulka-aṣṭa-guṇo daṇḍaḥ, sāra-bʰāṇḍaṃ sarva-apahāraḥ //


Sentence: 31ab 
    rāṣṭrapīḍākaraṃ bʰāṇḍam uccʰindyād apʰalaṃ ca yat /
   rāṣṭra-pīḍā-karaṃ bʰāṇḍam uccʰindyād apʰalaṃ ca yat /

Sentence: 31cd 
    mahopakāram uccʰulkaṃ kuryād bījaṃ ca durlabʰam //E
   mahā-upakāram uccʰulkaṃ kuryād bījaṃ ca durlabʰam //E






Copyright TITUS Project Frankfurt a/M 1999-2000. No parts of this document may be republished in any form without prior permission by the copyright holder.