TITUS
Kautiliya Arthasastra: Part No. 73

Chapter: 7 

(Classification of sons)


Sentence: 1 
    "paraparigrahe bījam utsr̥ṣṭaṃ kṣetriṇaḥ" ity ācāryāḥ //
   "para-parigrahe bījam utsr̥ṣṭaṃ kṣetriṇaḥ" ity ācāryāḥ //

Sentence: 2 
    "mātā bʰastrā, yasya retas tasyāpatyam" ity apare //
   "mātā bʰastrā, yasya retas tasya+ apatyam" ity apare //

Sentence: 3 
    vidyamānam ubʰayam iti kauṭilyaḥ //
   vidyamānam ubʰayam iti kauṭilyaḥ //

Sentence: 4 
    svayaṃjātaḥ kr̥takriyāyām aurasaḥ //
   svayaṃ-jātaḥ kr̥ta-kriyāyām aurasaḥ //

Sentence: 5 
    tena tulyaḥ putrikāputraḥ //
   tena tulyaḥ putrikā-putraḥ //

Sentence: 6 
    sagotreṇānyagotreṇa vā niyuktena kṣetrajātaḥ kṣetrajaḥ putraḥ //
   sagotreṇa+ anya-gotreṇa vā niyuktena kṣetra-jātaḥ kṣetrajaḥ putraḥ //

Sentence: 7 
    janayitur asaty anyasmin putre sa eva dvipitr̥ko dvigotro vā dvayor api svadʰāriktʰabʰāg bʰavati //
   janayitur asaty anyasmin putre sa eva dvi-pitr̥ko dvi-gotro vā dvayor api svadʰā-riktʰa-bʰāg bʰavati //

Sentence: 8 
    tatsadʰarmā bandʰūnāṃ gr̥he gūḍʰajātas tu gūḍʰajaḥ //
   tat-sadʰarmā bandʰūnāṃ gr̥he gūḍʰa-jātas tu gūḍʰajaḥ //

Sentence: 9 
    bandʰunotsr̥ṣṭo ʼpaviddʰaḥ saṃskartuḥ putraḥ //
   bandʰunā+ utsr̥ṣṭo+ apaviddʰaḥ saṃskartuḥ putraḥ //

Sentence: 10 
    kanyāgarbʰaḥ kānīnaḥ //
   kanyā-garbʰaḥ kānīnaḥ //

Sentence: 11 
    sagarbʰoḍʰāyāḥ sahoḍʰaḥ //
   sagarbʰa-ūḍʰāyāḥ saha-ūḍʰaḥ //

Sentence: 12 
    punarbʰūtāyāḥ paunarbʰavaḥ //
   punar-bʰūtāyāḥ paunarbʰavaḥ //

Sentence: 13 
    svayaṃjātaḥ pitur bandʰūnāṃ ca dāyādaḥ //
   svayaṃ-jātaḥ pitur bandʰūnāṃ ca dāyādaḥ //

Sentence: 14 
    parajātaḥ saṃskartur eva na bandʰūnām //
   para-jātaḥ saṃskartur eva na bandʰūnām //

Sentence: 15 
    tatsadʰarmā mātāpitr̥bʰyām adbʰir mukto dattaḥ //
   tat-sadʰarmā mātā-pitr̥bʰyām adbʰir mukto dattaḥ //

Sentence: 16 
    svayaṃ bandʰubʰir vā putrabʰāvopagata upagataḥ //
   svayaṃ bandʰubʰir vā putra-bʰāva-upagata upagataḥ //

Sentence: 17 
    putratve ʼdʰikr̥taḥ kr̥takaḥ //
   putratve+ adʰikr̥taḥ kr̥takaḥ //

Sentence: 18 
    parikrītaḥ krītaḥ // iti /
   parikrītaḥ krītaḥ // iti /

Sentence: 19 
    aurase tūtpanne savarṇās tr̥tīyāṃśaharāḥ, asavarṇā grāsāccʰādanabʰāginaḥ //
   aurase tu+ utpanne savarṇās tr̥tīya-aṃśa-harāḥ, asavarṇā grāsa-āccʰādana-bʰāginaḥ //

Sentence: 20 
    brāhmaṇakṣatriyayor anantarāputrāḥ savarṇāḥ, ekāntarā asavarṇāḥ //
   brāhmaṇa-kṣatriyayor anantarā-putrāḥ savarṇāḥ, eka-antarā asavarṇāḥ //

Sentence: 21 
    brāhmaṇasya vaiśyāyām ambaṣṭʰaḥ, śūdrāyāṃ niṣādaḥ pāraśavo vā //
   brāhmaṇasya vaiśyāyām ambaṣṭʰaḥ, śūdrāyāṃ niṣādaḥ pāraśavo vā //

Sentence: 22 
    kṣatriyasya śūdrāyām ugraḥ //
   kṣatriyasya śūdrāyām ugraḥ //

Sentence: 23 
    śūdra eva vaiśyasya //
   śūdra eva vaiśyasya //

Sentence: 24 
    savarṇāsu caiṣām acaritavratebʰyo jātā vrātyāḥ //
   savarṇāsu ca+ eṣām acarita-vratebʰyo jātā vrātyāḥ //

Sentence: 25 
    ity anulomāḥ //
   ity anulomāḥ //

Sentence: 26 
    śūdrād āyogavakṣattacaṇḍālāḥ //
   śūdrād āyogava-kṣatta-caṇḍālāḥ //

Sentence: 27 
    vaiśyān māgadʰavaidehakau //
   vaiśyān māgadʰa-vaidehakau //

Sentence: 28 
    kṣatriyāt sūtaḥ //
   kṣatriyāt sūtaḥ //

Sentence: 29 
    paurāṇikas tv anyaḥ sūto māgadʰaś ca, brahmakṣatrād viśeṣaḥ //
   paurāṇikas tv anyaḥ sūto māgadʰaś ca, brahma-kṣatrād viśeṣaḥ //

Sentence: 30 
    ta ete pratilomāḥ svadʰarmātikramād rājñaḥ sambʰavanti //
   ta ete pratilomāḥ svadʰarma-atikramād rājñaḥ sambʰavanti //

Sentence: 31 
    ugrān naiṣādyāṃ kukkuṭaḥ, viparyaye pulkasaḥ //
   ugrān naiṣādyāṃ kukkuṭaḥ, viparyaye pulkasaḥ //

Sentence: 32 
    vaidehikāyām ambaṣṭʰād vaiṇaḥ, viparyaye kuśīlavaḥ //
   vaidehikāyām ambaṣṭʰād vaiṇaḥ, viparyaye kuśīlavaḥ //

Sentence: 33 
    kṣattāyām ugrāc cʰvapākaḥ //
   kṣattāyām ugrāt śva-pākaḥ //

Sentence: 34 
    ity ete ʼnye cāntarālāḥ //
   ity ete+ anye ca+ antarālāḥ //

Sentence: 35 
    karmaṇā vaiśyo ratʰakāraḥ //
   karmaṇā vaiśyo ratʰa-kāraḥ //

Sentence: 36 
    teṣāṃ svayonau vivāhaḥ, pūrvāparagāmitvaṃ vr̥ttānuvr̥ttaṃ ca //
   teṣāṃ sva-yonau vivāhaḥ, pūrva-apara-gāmitvaṃ vr̥tta-anuvr̥ttaṃ ca //

Sentence: 37 
    śūdrasadʰarmāṇo vā, anyatra caṇḍālebʰyaḥ //
   śūdra-sadʰarmāṇo vā, anyatra caṇḍālebʰyaḥ //

Sentence: 38 
    kevalam evaṃ vartamānaḥ svargam āpnoti rājā, narakam anyatʰā //
   kevalam evaṃ vartamānaḥ svargam āpnoti rājā, narakam anyatʰā //

Sentence: 39 
    sarveṣām antarālānāṃ samo vibʰāgaḥ //
   sarveṣām antarālānāṃ samo vibʰāgaḥ //


Sentence: 40ab 
    deśasya jātyāḥ saṃgʰasya dʰarmo grāmasya vāpi yaḥ /
   deśasya jātyāḥ saṃgʰasya dʰarmo grāmasya vā+ api yaḥ /

Sentence: 40cd 
    ucitas tasya tenaiva dāyadʰarmaṃ prakalpayet //E
   ucitas tasya tena+ eva dāya-dʰarmaṃ prakalpayet //E






Copyright TITUS Project Frankfurt a/M 1999-2000. No parts of this document may be republished in any form without prior permission by the copyright holder.