TITUS
Kautiliya Arthasastra: Part No. 74

Chapter: 8 

(Dwelling-places)
(Immovable property)


Sentence: 1 
    sāmantapratyayā vāstuvivādāḥ //
   sāmanta-pratyayā vāstu-vivādāḥ //

Sentence: 2 
    gr̥haṃ kṣetram ārāmaḥ setubandʰas taṭākam ādʰāro vā vāstuḥ //
   gr̥haṃ kṣetram ārāmaḥ setu-bandʰas taṭākam ādʰāro vā vāstuḥ //

Sentence: 3 
    karṇakīlāyasasambandʰo ʼnugr̥haṃ setuḥ //
   karṇa-kīla-āyasa-sambandʰo+ anugr̥haṃ setuḥ //

Sentence: 4 
    yatʰāsetubʰogaṃ veśma kārayet //
   yatʰā-setu-bʰogaṃ veśma kārayet //

Sentence: 5 
    abʰūtaṃ vā parakuḍyād apakramya dvāv aratnī tripadīṃ vā deśabandʰaṃ kārayet //
   abʰūtaṃ vā para-kuḍyād apakramya dvāv aratnī tripadīṃ vā deśa-bandʰaṃ kārayet //

Sentence: 6 
    avaskaraṃ bʰramam udapānaṃ vā na gr̥hocitād anyatra, anyatra sūtikākūpād ānirdaśāhād iti //
   avaskaraṃ bʰramam uda-pānaṃ vā na gr̥ha-ucitād anyatra, anyatra sūtikā-kūpād ā-nirdaśa-ahād iti //

Sentence: 7 
    tasyātikrame pūrvaḥ sāhasadaṇḍaḥ //
   tasya+ atikrame pūrvaḥ sāhasa-daṇḍaḥ //

Sentence: 8 
    tenendʰanāvagʰātanakr̥taṃ kalyāṇakr̥tyeṣv ācāmodakamārgāś ca vyākʰyātāḥ //
   tena+ indʰanāvagʰātana-kr̥taṃ kalyāṇa-kr̥tyeṣv ācāma-udaka-mārgāś ca vyākʰyātāḥ //

Sentence: 9 
    tripadīpratikrāntam adʰyardʰam aratniṃ vā gāḍʰaprasr̥tam udakamārgaṃ prasravaṇaprapātaṃ vā kārayet //
   tripadī-pratikrāntam adʰyardʰam aratniṃ vā gāḍʰa-prasr̥tam udaka-mārgaṃ prasravaṇa-prapātaṃ vā kārayet //

Sentence: 10 
    tasyātikrame catuṣpañcāśatpaṇo daṇḍaḥ //
   tasya+ atikrame catuṣ-pañcāśat-paṇo daṇḍaḥ //

Sentence: 11 
    ekapadīpratikrāntam aratniṃ vā cakricatuṣpadastʰānam agniṣṭʰam udañ jarastʰānaṃ rocanīṃ kuṭṭanīṃ vā kārayet //
   ekapadī-pratikrāntam aratniṃ vā cakri-catuṣpada-stʰānam agniṣṭʰam udan-jara-stʰānaṃ rocanīṃ kuṭṭanīṃ vā kārayet //

Sentence: 12 
    tasyātikrame caturviṃśatipaṇo daṇḍaḥ //
   tasya+ atikrame catur-viṃśati-paṇo daṇḍaḥ //

Sentence: 13 
    sarvavāstukayoḥ prākṣiptakayor vā śālayoḥ kiṣkur antarikā tripadī vā //
   sarva-vāstukayoḥ prākṣiptakayor vā śālayoḥ kiṣkur antarikā tripadī vā //

Sentence: 14 
    tayoś caturaṅgulaṃ nīprāntaram<nīvrāntaram?> samārūḍʰakaṃ vā //
   tayoś catur-aṅgulaṃ nīpra-antaram<nīvra-antaram?> samārūḍʰakaṃ vā //

Sentence: 15 
    kiṣkumātram āṇidvāram antarikāyāṃ kʰaṇḍapʰullārtʰam asampātaṃ kārayet //
   kiṣku-mātram āṇi-dvāram antarikāyāṃ kʰaṇḍa-pʰulla-artʰam asampātaṃ kārayet //

Sentence: 16 
    prakāśārtʰam alpam ūrdʰvaṃ vātāyanaṃ kārayet //
   prakāśa-artʰam alpam ūrdʰvaṃ vāta-ayanaṃ kārayet //

Sentence: 17 
    tadavasite veśmanic cʰādayet //
   tad-avasite veśmanit cʰādayet //

Sentence: 18 
    sambʰūya vā gr̥hasvāmino yatʰeṣṭaṃ kārayeyuḥ, aniṣṭaṃ vārayeyuḥ //
   sambʰūya vā gr̥ha-svāmino yatʰā-iṣṭaṃ kārayeyuḥ, aniṣṭaṃ vārayeyuḥ //

Sentence: 19 
    vānalaṭyāś cordʰvam āvāryabʰāgaṃ kaṭapraccʰannam avamarśabʰittiṃ vā kārayed varṣābādʰabʰayāt //
   vāna-laṭyāś ca+ ūrdʰvam āvārya-bʰāgaṃ kaṭa-praccʰannam avamarśa-bʰittiṃ vā kārayed varṣa-ābādʰa-bʰayāt //

Sentence: 20 
    tasyātikrame pūrvaḥ sāhasadaṇḍaḥ, pratilomadvāravātāyanabādʰāyāṃ ca, anyatra rājamārgaratʰyābʰyaḥ //
   tasya+ atikrame pūrvaḥ sāhasa-daṇḍaḥ, pratiloma-dvāra-vāta-ayana-bādʰāyāṃ ca, anyatra rāja-mārga-ratʰyābʰyaḥ //

Sentence: 21 
    kʰātasopānapraṇālīniśreṇyavaskarabʰāgair bahirbādʰāyāṃ bʰoganigrahe ca //
   kʰāta-sopāna-praṇālī-niśreṇy-avaskara-bʰāgair bahir-bādʰāyāṃ bʰoga-nigrahe ca //

Sentence: 22 
    parakuḍyam udakenopagʰnato dvādaśapaṇo daṇḍaḥ, mūtrapurīṣopagʰāte dviguṇaḥ //
   para-kuḍyam udakena+ upagʰnato dvādaśa-paṇo daṇḍaḥ, mūtra-purīṣa-upagʰāte dvi-guṇaḥ //

Sentence: 23 
    praṇālīmokṣo varṣati, anyatʰā dvādaśapaṇo daṇḍaḥ //
   praṇālī-mokṣo varṣati, anyatʰā dvādaśa-paṇo daṇḍaḥ //

Sentence: 24 
    pratiṣiddʰasya ca vasataḥ, nirasyataś cāvakrayiṇam anyatra pāruṣyasteyasāhasasaṃgrahaṇamitʰyābʰogebʰyaḥ //
   pratiṣiddʰasya ca vasataḥ, nirasyataś ca+ avakrayiṇam anyatra pāruṣya-steya-sāhasa-saṃgrahaṇa-mitʰyā-bʰogebʰyaḥ //

Sentence: 25 
    svayaṃabʰiprastʰito varṣāvakrayaśeṣaṃ dadyāt //
   svayaṃ-abʰiprastʰito varṣa-avakraya-śeṣaṃ dadyāt //

Sentence: 26 
    sāmānye veśmani sāhāyyam aprayaccʰataḥ, sāmānyam uparundʰato bʰogaṃ ca gr̥he dvādaśapaṇo daṇḍaḥ //
   sāmānye veśmani sāhāyyam aprayaccʰataḥ, sāmānyam uparundʰato bʰogaṃ ca gr̥he dvādaśa-paṇo daṇḍaḥ //

Sentence: 27 
    vināśayatas taddviguṇaḥ //
   vināśayatas tad-dvi-guṇaḥ //


Sentence: 28ab 
    koṣṭʰakāṅgaṇavarcānām agnikuṭṭanaśālayoḥ /
   koṣṭʰaka-aṅgaṇa-varcānām agni-kuṭṭana-śālayoḥ /

Sentence: 28cd 
    vivr̥tānāṃ ca sarveṣāṃ sāmānyo bʰoga iṣyate //E
   vivr̥tānāṃ ca sarveṣāṃ sāmānyo bʰoga iṣyate //E






Copyright TITUS Project Frankfurt a/M 1999-2000. No parts of this document may be republished in any form without prior permission by the copyright holder.