TITUS
Kautiliya Arthasastra: Part No. 75

Chapter: 9 

(Sale of immovable property, Fixing of boundaries, Encroachment and Damage)


Sentence: 1 
    jñātisāmantadʰanikāḥ krameṇa bʰūmiparigrahān kretum abʰyābʰaveyuḥ //
   jñāti-sāmanta-dʰanikāḥ krameṇa bʰūmi-parigrahān kretum abʰyābʰaveyuḥ //

Sentence: 2 
    tato ʼnye bāhyāḥ //
   tato+ anye bāhyāḥ //

Sentence: 3 
    sāmantacatvāriṃśatkulyeṣu gr̥hapratimukʰe veśma śrāvayeyuḥ, sāmantagrāmavr̥ddʰeṣu kṣetram ārāmaṃ setubandʰaṃ taṭākam ādʰāraṃ vā maryādāsu yatʰāsetubʰogaṃ "anenārgʰeṇa kaḥ kretā" iti //
   sāmanta-catvāriṃśat-kulyeṣu gr̥ha-pratimukʰe veśma śrāvayeyuḥ, sāmanta-grāma-vr̥ddʰeṣu kṣetram ārāmaṃ setu-bandʰaṃ taṭākam ādʰāraṃ vā maryādāsu yatʰā-setu-bʰogaṃ "anena+ argʰeṇa kaḥ kretā" iti //

Sentence: 4 
    trir āgʰuṣitam avyāhataṃ kretā kretuṃ labʰeta //
   trir āgʰuṣitam avyāhataṃ kretā kretuṃ labʰeta //

Sentence: 5 
    spardʰayā vā mūlyavardʰane mūlyavr̥ddʰiḥ sa-śulkā kośaṃ gaccʰet //
   spardʰayā vā mūlya-vardʰane mūlya-vr̥ddʰiḥ sa-śulkā kośaṃ gaccʰet //

Sentence: 6 
    vikrayapratikroṣṭā śulkaṃ dadyāt //
   vikraya-pratikroṣṭā śulkaṃ dadyāt //

Sentence: 7 
    asvāmipratikrośe caturviṃśatipaṇo daṇḍaḥ //
   asvāmi-pratikrośe catur-viṃśati-paṇo daṇḍaḥ //

Sentence: 8 
    saptarātrād ūrdʰvam anabʰisarataḥ pratikruṣṭo vikrīṇīta //
   sapta-rātrād ūrdʰvam anabʰisarataḥ pratikruṣṭo vikrīṇīta //

Sentence: 9 
    pratikruṣṭātikrame vāstuni dviśato daṇḍaḥ, anyatra caturviṃśatipaṇo daṇḍaḥ // iti vāstuvikrayaḥ /
   pratikruṣṭa-atikrame vāstuni dviśato daṇḍaḥ, anyatra catur-viṃśati-paṇo daṇḍaḥ // iti vāstu-vikrayaḥ /

Sentence: 10 
    sīmavivādaṃ grāmayor ubʰayoḥ sāmantā pañcagrāmī daśagrāmī vā setubʰiḥ stʰāvaraiḥ kr̥trimair vā kuryāt //
   sīma-vivādaṃ grāmayor ubʰayoḥ sāmantā pañca-grāmī daśa-grāmī vā setubʰiḥ stʰāvaraiḥ kr̥trimair vā kuryāt //

Sentence: 11 
    karṣakagopālakavr̥ddʰāḥ pūrvabʰuktikā vā bāhyāḥ setūnām abʰijñā bahava eko vā nirdiśya sīmasetūn viparītaveṣāḥ sīmānaṃ nayeyuḥ //
   karṣaka-go-pālaka-vr̥ddʰāḥ pūrva-bʰuktikā vā bāhyāḥ setūnām abʰijñā bahava eko vā nirdiśya sīma-setūn viparīta-veṣāḥ sīmānaṃ nayeyuḥ //

Sentence: 12 
    uddiṣṭānāṃ setūnām adarśane sahasraṃ daṇḍaḥ /
   uddiṣṭānāṃ setūnām adarśane sahasraṃ daṇḍaḥ /

Sentence: 13 
    tad eva nīte sīmāpahāriṇāṃ setuccʰidāṃ ca kuryāt //
   tad eva nīte sīma-apahāriṇāṃ setuc-cʰidāṃ ca kuryāt //

Sentence: 14 
    pranaṣṭasetubʰogaṃ vā sīmānaṃ rājā yatʰopakāraṃ vibʰajet // iti sīmavivādaḥ /
   pranaṣṭa-setu-bʰogaṃ vā sīmānaṃ rājā yatʰā-upakāraṃ vibʰajet // iti sīma-vivādaḥ /

Sentence: 15 
    kṣetravivādaṃ sāmantagrāmavr̥ddʰāḥ kuryuḥ //
   kṣetra-vivādaṃ sāmanta-grāma-vr̥ddʰāḥ kuryuḥ //

Sentence: 16 
    teṣāṃ dvaidʰībʰāve yato bahavaḥ śucayo ʼnumatā vā tato niyaccʰeyuḥ madʰyaṃ vā gr̥hṇīyuḥ //
   teṣāṃ dvaidʰī-bʰāve yato bahavaḥ śucayo+ anumatā vā tato niyaccʰeyuḥ madʰyaṃ vā gr̥hṇīyuḥ //

Sentence: 17 
    tadubʰayaparoktaṃ vāstu rājā haret, pranaṣṭasvāmikaṃ ca //
   tad-ubʰaya-parā-uktaṃ vāstu rājā haret, pranaṣṭa-svāmikaṃ ca //

Sentence: 18 
    yatʰopakāraṃ vā vibʰajet //
   yatʰā-upakāraṃ vā vibʰajet //

Sentence: 19 
    prasahyādāne vāstuni steyadaṇḍaḥ //
   prasahya-ādāne vāstuni steya-daṇḍaḥ //

Sentence: 20 
    kāraṇādāne prayāsam ājīvaṃ ca parisaṃkʰyāya bandʰaṃ dadyāt // iti kṣetravivādaḥ /
   kāraṇa-ādāne prayāsam ājīvaṃ ca parisaṃkʰyāya bandʰaṃ dadyāt // iti kṣetra-vivādaḥ /

Sentence: 21 
    maryādāpaharaṇe pūrvaḥ sāhasadaṇḍaḥ //
   maryādā-apaharaṇe pūrvaḥ sāhasa-daṇḍaḥ //

Sentence: 22 
    maryādābʰede caturviṃśatipaṇaḥ //
   maryādā-bʰede catur-viṃśati-paṇaḥ //

Sentence: 23 
    tena tapovanavivītamahāpatʰaśmaśānadevakulayajanapuṇyastʰānavivādā vyākʰyātāḥ // iti maryādāstʰāpanam /
   tena tapo-vana-vivīta-mahā-patʰa-śmaśāna-deva-kula-yajana-puṇya-stʰāna-vivādā vyākʰyātāḥ // iti maryādā-stʰāpanam /

Sentence: 24 
    sarva eva vivādāḥ sāmantapratyayāḥ //
   sarva eva vivādāḥ sāmanta-pratyayāḥ //

Sentence: 25 
    vivītastʰalakedāraṣaṇḍakʰalaveśmavāhanakoṣṭʰānāṃ pūrvaṃpūrvam ābādʰaṃ saheta //
   vivīta-stʰala-kedāra-ṣaṇḍa-kʰala-veśma-vāhana-koṣṭʰānāṃ pūrvaṃ-pūrvam ābādʰaṃ saheta //

Sentence: 26 
    brahmasomāraṇyadevayajanapuṇyastʰānavarjāḥ stʰalapradeśāḥ //
   brahma-soma-araṇya-deva-yajana-puṇya-stʰāna-varjāḥ stʰala-pradeśāḥ //

Sentence: 27 
    ādʰāraparivāhakedāropabʰogaiḥ parakṣetrakr̥ṣṭabījahiṃsāyāṃ yatʰopagʰātaṃ mūlyaṃ dadyuḥ //
   ādʰāra-parivāha-kedāra-upabʰogaiḥ para-kṣetra-kr̥ṣṭa-bīja-hiṃsāyāṃ yatʰā-upagʰātaṃ mūlyaṃ dadyuḥ //

Sentence: 28 
    kedārārāmasetubandʰānāṃ parasparahiṃsāyāṃ hiṃsādviguṇo daṇḍaḥ //
   kedāra-ārāma-setu-bandʰānāṃ paraspara-hiṃsāyāṃ hiṃsā-dvi-guṇo daṇḍaḥ //

Sentence: 29 
    paścānniviṣṭam adʰarataṭākaṃ noparitaṭākasya kedāram udakenāplāvayet //
   paścān-niviṣṭam adʰara-taṭākaṃ na+ upari-taṭākasya kedāram udakena+ āplāvayet //

Sentence: 30 
    upariniviṣṭaṃ nādʰarataṭākasya pūrāsrāvaṃ vārayed, anyatra trivarṣoparatakarmaṇaḥ //
   upari-niviṣṭaṃ na+ adʰara-taṭākasya pūra-āsrāvaṃ vārayed, anyatra tri-varṣa-uparata-karmaṇaḥ //

Sentence: 31 
    tasyātikrame pūrvaḥ sāhasadaṇḍaḥ, taṭākavāmanaṃ ca //
   tasya+ atikrame pūrvaḥ sāhasa-daṇḍaḥ, taṭāka-vāmanaṃ ca //

Sentence: 32 
    pañcavarṣoparatakarmaṇaḥ setubandʰasya svāmyaṃ lupyeta, anyatrāpadbʰyaḥ //
   pañca-varṣa-uparata-karmaṇaḥ setu-bandʰasya svāmyaṃ lupyeta, anyatra+ āpadbʰyaḥ //

Sentence: 33 
    taṭākasetubandʰānāṃ navapravartane pāñcavarṣikaḥ parihāraḥ, bʰagnotsr̥ṣṭānāṃ cāturvarṣikaḥ, samupārūḍʰānāṃ traivarṣikaḥ, stʰalasya dvaivarṣikaḥ //
   taṭāka-setu-bandʰānāṃ nava-pravartane pāñcavarṣikaḥ parihāraḥ, bʰagna-utsr̥ṣṭānāṃ cāturvarṣikaḥ, samupārūḍʰānāṃ traivarṣikaḥ, stʰalasya dvaivarṣikaḥ //

Sentence: 34 
    svātmādʰāne vikraye ca //
   sva-ātma-ādʰāne vikraye ca //

Sentence: 35 
    kʰātaprāvr̥ttim anadīnibandʰāyatanataṭākakedārārāmaṣaṇḍavāpānāṃ sasyavarṇabʰāgottarikam anyebʰyo vā yatʰopakāraṃ dadyuḥ //
   kʰāta-prāvr̥ttim anadī-nibandʰa-āyatana-taṭāka-kedāra-ārāma-ṣaṇḍa-vāpānāṃ sasya-varṇa-bʰāga-uttarikam anyebʰyo vā yatʰā-upakāraṃ dadyuḥ //

Sentence: 36 
    prakrayāvakrayādʰibʰāgabʰoganiṣr̥ṣṭopabʰoktāraś caiṣāṃ pratikuryuḥ //
   prakraya-avakraya-adʰibʰāga-bʰoganiṣr̥ṣṭa-upabʰoktāraś ca+ eṣāṃ pratikuryuḥ //

Sentence: 37 
    arpatīkāre hīnadviguṇo daṇḍaḥ //
   arpatīkāre hīna-dvi-guṇo daṇḍaḥ //


Sentence: 38ab 
    setubʰyo muñcatas toyam avāre ṣaṭpaṇo damaḥ /
   setubʰyo muñcatas toyam avāre ṣaṭ-paṇo damaḥ /

Sentence: 38cd 
    vāre vā toyam anyeṣāṃ pramādenoparundʰataḥ //E
   vāre vā toyam anyeṣāṃ pramādena+ uparundʰataḥ //E






Copyright TITUS Project Frankfurt a/M 1999-2000. No parts of this document may be republished in any form without prior permission by the copyright holder.