TITUS
Kautiliya Arthasastra: Part No. 79

Chapter: 13 

(Law concerning slaves and labourers)


Sentence: 1 
    udaradāsavarjam āryaprāṇam aprāptavyavahāraṃ śūdraṃ vikrayādʰānaṃ nayataḥ svajanasya dvādaśapaṇo daṇḍaḥ, vaiśyaṃ dviguṇaḥ, kṣatriyaṃ triguṇaḥ, brāhmaṇaṃ caturguṇaḥ //
   udara-dāsa-varjam ārya-prāṇam aprāpta-vyavahāraṃ śūdraṃ vikraya-ādʰānaṃ nayataḥ sva-janasya dvādaśa-paṇo daṇḍaḥ, vaiśyaṃ dvi-guṇaḥ, kṣatriyaṃ tri-guṇaḥ, brāhmaṇaṃ catur-guṇaḥ //

Sentence: 2 
    parajanasya pūrvamadʰyamottamavadʰā daṇḍāḥ, kretr̥śrotr̥̄ṇāṃ ca //
   para-janasya pūrva-madʰyama-uttama-vadʰā daṇḍāḥ, kretr̥-śrotr̥̄ṇāṃ ca //

Sentence: 3 
    mleccʰānām adoṣaḥ prajāṃ vikretum ādʰātuṃ vā //
   mleccʰānām adoṣaḥ prajāṃ vikretum ādʰātuṃ vā //

Sentence: 4 
    na tv evāryasya dāsabʰāvaḥ //
   na tv eva+ āryasya dāsa-bʰāvaḥ //

Sentence: 5 
    atʰavāryam ādʰāya kulabandʰana āryāṇām āpadi, niṣkrayaṃ cādʰigamya bālaṃ sāhāyyadātāraṃ vā pūrvaṃ niṣkrīṇīran //
   atʰavā+ āryam ādʰāya kula-bandʰana āryāṇām āpadi, niṣkrayaṃ ca+ adʰigamya bālaṃ sāhāyya-dātāraṃ vā pūrvaṃ niṣkrīṇīran //

Sentence: 6 
    sakr̥dātmādʰātā niṣpatitaḥ sīdet, dvir anyenāhitakaḥ, sakr̥d ubʰau paraviṣayābʰimukʰau //
   sakr̥d-ātma-ādʰātā niṣpatitaḥ sīdet, dvir anyena+ āhitakaḥ, sakr̥d ubʰau para-viṣaya-abʰimukʰau //

Sentence: 7 
    vittāpahāriṇo vā dāsasyāryabʰāvam apaharato ʼrdʰadaṇḍaḥ //
   vitta-apahāriṇo vā dāsasya+ ārya-bʰāvam apaharato+ ardʰa-daṇḍaḥ //

Sentence: 8 
    niṣpatitapretavyasaninām ādʰātā mūlyaṃ bʰajeta //
   niṣpatita-preta-vyasaninām ādʰātā mūlyaṃ bʰajeta //

Sentence: 9 
    pretaviṇmūtroccʰiṣṭagrāhaṇam āhitasya nagnasnāpanaṃ daṇḍapreṣaṇam atikramaṇaṃ ca strīṇāṃ mūlyanāśakaraṃ, dʰātrīparicārikārdʰasītikopacārikāṇāṃ ca mokṣakaram //
   preta-viṇ-mūtra-uccʰiṣṭa-grāhaṇam āhitasya nagna-snāpanaṃ daṇḍa-preṣaṇam atikramaṇaṃ ca strīṇāṃ mūlya-nāśa-karaṃ, dʰātrī-paricārika-ardʰa-sītika-upacārikāṇāṃ ca mokṣa-karam //

Sentence: 10 
    siddʰam upacārakasyābʰiprajātasyāpakramaṇam //
   siddʰam upacārakasya+ abʰiprajātasya+ apakramaṇam //

Sentence: 11 
    dʰātrīm āhitikāṃ vākāmāṃ svavaśāṃ gaccʰataḥ pūrvaḥ sāhasadaṇḍaḥ, paravaśāṃ madʰyamaḥ //
   dʰātrīm āhitikāṃ vā+ akāmāṃ sva-vaśāṃ gaccʰataḥ pūrvaḥ sāhasa-daṇḍaḥ, para-vaśāṃ madʰyamaḥ //

Sentence: 12 
    kanyām āhitikāṃ vā svayam anyena vā duṣayato mūlyanāśaḥ śulkaṃ taddvuguṇaś ca daṇḍaḥ //
   kanyām āhitikāṃ vā svayam anyena vā duṣayato mūlya-nāśaḥ śulkaṃ tad-dvu-guṇaś ca daṇḍaḥ //

Sentence: 13 
    ātmavikrayiṇaḥ prajām āryāṃ vidyāt //
   ātma-vikrayiṇaḥ prajām āryāṃ vidyāt //

Sentence: 14 
    ātmādʰigataṃ svāmikarmāviruddʰaṃ labʰeta, pitryaṃ ca dāyam //
   ātma-adʰigataṃ svāmi-karma-aviruddʰaṃ labʰeta, pitryaṃ ca dāyam //

Sentence: 15 
    mūlyena cāryatvaṃ gaccʰet //
   mūlyena ca+ āryatvaṃ gaccʰet //

Sentence: 16 
    tenodaradāsāhitakau vyākʰyātau //
   tena+ udara-dāsa-āhitakau vyākʰyātau //

Sentence: 17 
    prakṣepānurūpaś cāsya niṣkrayaḥ //
   prakṣepa-anurūpaś ca+ asya niṣkrayaḥ //

Sentence: 18 
    daṇḍapraṇītaḥ karmaṇā daṇḍam upanayet //
   daṇḍa-praṇītaḥ karmaṇā daṇḍam upanayet //

Sentence: 19 
    āryaprāṇo dʰvajāhr̥taḥ karmakālānurūpeṇa mūlyārdʰena vā vimucyeta //
   ārya-prāṇo dʰvaja-āhr̥taḥ karma-kāla-anurūpeṇa mūlya-ardʰena vā vimucyeta //

Sentence: 20 
    gr̥hejātadāyāgatalabdʰakrītānām anyatamaṃ dāsam ūnāṣṭavarṣaṃ vibandʰum akāmaṃ nīce karmaṇi videśe dāsīṃ vā sagarbʰām aprativihitagarbʰabʰarmaṇyāṃ vikrayādʰānaṃ nayataḥ pūrvaḥ sāhasadaṇḍaḥ, kretr̥śrotr̥̄ṇāṃ ca //
   gr̥he-jāta-dāya-āgata-labdʰa-krītānām anyatamaṃ dāsam ūna-aṣṭa-varṣaṃ vibandʰum akāmaṃ nīce karmaṇi videśe dāsīṃ vā sagarbʰām aprativihita-garbʰa-bʰarmaṇyāṃ vikraya-ādʰānaṃ nayataḥ pūrvaḥ sāhasa-daṇḍaḥ, kretr̥-śrotr̥̄ṇāṃ ca //

Sentence: 21 
    dāsam anurūpeṇa niṣkrayeṇāryam akurvato dvādaśapaṇo daṇḍaḥ, saṃrodʰaś cākaraṇāt //
   dāsam anurūpeṇa niṣkrayeṇa+ āryam akurvato dvādaśa-paṇo daṇḍaḥ, saṃrodʰaś ca+ ā-karaṇāt //

Sentence: 22 
    dāsadravyasya jñātayo dāyādāḥ, teṣām abʰāve svāmī //
   dāsa-dravyasya jñātayo dāyādāḥ, teṣām abʰāve svāmī //

Sentence: 23 
    svāminaḥ svasyāṃ dāsyāṃ jātaṃ samātr̥kam adāsaṃ vidyāt //
   svāminaḥ svasyāṃ dāsyāṃ jātaṃ samātr̥kam adāsaṃ vidyāt //

Sentence: 24 
    gr̥hyā cet kuṭumbārtʰacintanī mātā bʰrātā bʰaginī cāsyā adāsāḥ syuḥ //
   gr̥hyā cet kuṭumba-artʰa-cintanī mātā bʰrātā bʰaginī ca+ asyā adāsāḥ syuḥ //

Sentence: 25 
    dāsaṃ dāsīṃ vā niṣkrīya punar vikrayādʰānaṃ nayato dvādaśapaṇo daṇḍaḥ, anyatra svayaṃvādibʰyaḥ // iti dāsakalpaḥ /
   dāsaṃ dāsīṃ vā niṣkrīya punar vikraya-ādʰānaṃ nayato dvādaśa-paṇo daṇḍaḥ, anyatra svayaṃ-vādibʰyaḥ // iti dāsa-kalpaḥ /

Sentence: 26 
    karmakarasya karmasambandʰam āsannā vidyuḥ //
   karma-karasya karma-sambandʰam āsannā vidyuḥ //

Sentence: 27 
    yatʰāsambʰāṣitaṃ vetanaṃ labʰeta, karmakālānurūpam asambʰāṣitavetanaḥ //
   yatʰā-sambʰāṣitaṃ vetanaṃ labʰeta, karma-kāla-anurūpam asambʰāṣita-vetanaḥ //

Sentence: 28 
    karṣakaḥ sasyānāṃ gopālakaḥ sarpiṣāṃ vaidehakaḥ paṇyānām ātmanā vyavahr̥tānāṃ daśabʰāgam asambʰāṣitavetano labʰeta //
   karṣakaḥ sasyānāṃ go-pālakaḥ sarpiṣāṃ vaidehakaḥ paṇyānām ātmanā vyavahr̥tānāṃ daśa-bʰāgam asambʰāṣita-vetano labʰeta //

Sentence: 29 
    sambʰāṣitavetanas tu yatʰāsambʰāṣitam //
   sambʰāṣita-vetanas tu yatʰā-sambʰāṣitam //

Sentence: 30 
    kāruśilpikuśīlavacikitsakavāgjīvanaparicārakādir āśākārikavargas tu yatʰānyas tadvidʰaḥ kuryād yatʰā vā kuśalāḥ kalpayeyus tatʰā vetanaṃ labʰeta //
   kāru-śilpi-kuśīlava-cikitsaka-vāg-jīvana-paricāraka-ādir āśā-kārika-vargas tu yatʰā+ anyas tad-vidʰaḥ kuryād yatʰā vā kuśalāḥ kalpayeyus tatʰā vetanaṃ labʰeta //

Sentence: 31 
    sākṣipratyayam eva syāt //
   sākṣi-pratyayam eva syāt //

Sentence: 32 
    sākṣiṇām abʰāve yataḥ karma tato ʼnuyuñjīta //
   sākṣiṇām abʰāve yataḥ karma tato+ anuyuñjīta //

Sentence: 33 
    vetanādāne daśabandʰo daṇḍaḥ, ṣaṭpaṇo vā //
   vetana-ādāne daśa-bandʰo daṇḍaḥ, ṣaṭ-paṇo vā //

Sentence: 34 
    apavyayamāne dvādaśapaṇo daṇḍaḥ, pañcabandʰo vā //
   apavyayamāne dvādaśa-paṇo daṇḍaḥ, pañca-bandʰo vā //

Sentence: 35 
    nadīvegajvālāstenavyāloparuddʰaḥ sarvasvaputradārātmadānenārtas trātāram āhūya niṣtīrṇaḥ kuśalapradiṣṭaṃ vetanaṃ dadyāt //
   nadī-vega-jvālā-stena-vyāla-uparuddʰaḥ sarva-sva-putra-dāra-ātma-dānena+ ārtas trātāram āhūya niṣtīrṇaḥ kuśala-pradiṣṭaṃ vetanaṃ dadyāt //

Sentence: 36 
    tena sarvatrārtadānānuśayā vyākʰyātāḥ //
   tena sarvatra+ ārta-dāna-anuśayā vyākʰyātāḥ //


Sentence: 37ab 
    labʰeta puṃścalī bʰogaṃ saṃgamasyopaliṅganāt /
   labʰeta puṃścalī bʰogaṃ saṃgamasya+ upaliṅganāt /

Sentence: 37cd 
    atiyācnā tu jīyeta daurmatyāvinayena vā //E
   atiyācnā tu jīyeta daurmatya-avinayena vā //E






Copyright TITUS Project Frankfurt a/M 1999-2000. No parts of this document may be republished in any form without prior permission by the copyright holder.