TITUS
Kautiliya Arthasastra: Part No. 81

Chapter: 15 

(Rescission of sale and purchase)


Sentence: 1 
    vikrīya paṇyam aprayaccʰato dvādaśapaṇo daṇḍaḥ, anyatra doṣopanipātāviṣahyebʰyaḥ //
   vikrīya paṇyam aprayaccʰato dvādaśa-paṇo daṇḍaḥ, anyatra doṣa-upanipāta-aviṣahyebʰyaḥ //

Sentence: 2 
    paṇyadoṣo doṣaḥ //
   paṇya-doṣo doṣaḥ //

Sentence: 3 
    rājacorāgnyudakabādʰa upanipātaḥ //
   rāja-cora-agny-udaka-bādʰa upanipātaḥ //

Sentence: 4 
    bahuguṇahīnam ārtakr̥taṃ vāviṣahyam //
   bahu-guṇa-hīnam ārta-kr̥taṃ vā+ aviṣahyam //

Sentence: 5 
    vaidehakānām ekarātram anuśayaḥ, karṣakāṇāṃ trirātraṃ, gorakṣakāṇāṃ pañcarātram //
   vaidehakānām eka-rātram anuśayaḥ, karṣakāṇāṃ tri-rātraṃ, go-rakṣakāṇāṃ pañca-rātram //

Sentence: 6 
    vyāmiśrāṇām uttamānāṃ ca varṇānāṃ vr̥ttivikraye saptarātram //
   vyāmiśrāṇām uttamānāṃ ca varṇānāṃ vr̥tti-vikraye sapta-rātram //

Sentence: 7 
    ātipātikānāṃ paṇyānāṃ "anyatrāvikreyam" ity avarodʰenānuśayo deyaḥ //
   ātipātikānāṃ paṇyānāṃ "anyatra-avikreyam" ity avarodʰena+ anuśayo deyaḥ //

Sentence: 8 
    tasyātikrame caturviṃśatipaṇo daṇḍaḥ, paṇyadaśabʰāgo vā //
   tasya+ atikrame catur-viṃśati-paṇo daṇḍaḥ, paṇya-daśa-bʰāgo vā //

Sentence: 9 
    krītvā paṇyam apratigr̥hṇato dvādaśapaṇo daṇḍaḥ, anyatra doṣopanipātāviṣahyebʰyaḥ //
   krītvā paṇyam apratigr̥hṇato dvādaśa-paṇo daṇḍaḥ, anyatra doṣa-upanipāta-aviṣahyebʰyaḥ //

Sentence: 10 
    samānaś cānuśayo vikretur anuśayena //
   samānaś ca+ anuśayo vikretur anuśayena //

Sentence: 11 
    vivāhānāṃ tu trayāṇāṃ pūrveṣāṃ varṇānāṃ pāṇigrahaṇāt siddʰam upāvartanaṃ, śūdrāṇāṃ ca prakarmaṇaḥ //
   vivāhānāṃ tu trayāṇāṃ pūrveṣāṃ varṇānāṃ pāṇi-grahaṇāt siddʰam upāvartanaṃ, śūdrāṇāṃ ca prakarmaṇaḥ //

Sentence: 12 
    vr̥ttapāṇigrahaṇayor api doṣam aupaśāyikaṃ dr̥ṣṭvā siddʰam upāvartanam //
   vr̥tta-pāṇi-grahaṇayor api doṣam aupaśāyikaṃ dr̥ṣṭvā siddʰam upāvartanam //

Sentence: 13 
    na tv evābʰiprajātayoḥ //
   na tv eva+ abʰiprajātayoḥ //

Sentence: 14 
    kanyādoṣam aupaśāyikam anākʰyāya prayaccʰataḥ kanyāṃ ṣaṇṇavatir daṇḍaḥ, śulkastrīdʰanapratidānaṃ ca //
   kanyā-doṣam aupaśāyikam anākʰyāya prayaccʰataḥ kanyāṃ ṣaṇ-ṇavatir daṇḍaḥ, śulka-strī-dʰana-pratidānaṃ ca //

Sentence: 15 
    varayitur vā varadoṣam anākʰyāya vindato dviguṇaḥ, śulkastrīdʰananāśaś ca //
   varayitur vā vara-doṣam anākʰyāya vindato dvi-guṇaḥ, śulka-strī-dʰana-nāśaś ca //

Sentence: 16 
    dvipadacatuṣpadānāṃ tu kuṇṭʰavyādʰitāśucīnām utsāhasvāstʰyaśucīnām ākʰyāne dvādaśapaṇo daṇḍaḥ //
   dvipada-catuṣpadānāṃ tu kuṇṭʰa-vyādʰita-aśucīnām utsāha-svāstʰya-śucīnām ākʰyāne dvādaśa-paṇo daṇḍaḥ //

Sentence: 17 
    ātripakṣād iti catuṣpadānām upāvartanam, āsaṃvatsarād iti manuṣyāṇām //
   ā-tri-pakṣād iti catuṣpadānām upāvartanam, ā-saṃvatsarād iti manuṣyāṇām //

Sentence: 18 
    tāvatā hi kālena śakyaṃ śaucāśauce jñātum //
   tāvatā hi kālena śakyaṃ śauca-āśauce jñātum //


Sentence: 19ab 
    dātā pratigrahītā ca syātāṃ nopahatau yatʰā /
   dātā pratigrahītā ca syātāṃ na+ upahatau yatʰā /

Sentence: 19cd 
    dāne kraye vānuśayaṃ tatʰā kuryuḥ sabʰāsadaḥ //E
   dāne kraye vā+ anuśayaṃ tatʰā kuryuḥ sabʰāsadaḥ //E






Copyright TITUS Project Frankfurt a/M 1999-2000. No parts of this document may be republished in any form without prior permission by the copyright holder.