TITUS
Kautiliya Arthasastra: Part No. 86

Chapter: 20 

(Miscellaneous)
(Gambling and betting)


Sentence: 1 
    dyūtādʰyakṣo dyūtam ekamukʰaṃ kārayet //
   dyūta-adʰyakṣo dyūtam eka-mukʰaṃ kārayet //

Sentence: 2 
    anyatra dīvyato dvādaśapaṇo daṇḍo gūḍʰājīvijñāpanārtʰam //
   anyatra dīvyato dvādaśa-paṇo daṇḍo gūḍʰa-ājīvi-jñāpana-artʰam //

Sentence: 3 
    "dyūtābʰiyoge jetuḥ pūrvaḥ sāhasadaṇḍaḥ, parājitasya madʰyamaḥ //
   "dyūta-abʰiyoge jetuḥ pūrvaḥ sāhasa-daṇḍaḥ, parājitasya madʰyamaḥ //

Sentence: 4 
    bāliśajātīyo hy eṣa jetukāmaḥ parājayaṃ na kṣamate" ity ācāryāḥ //
   bāliśa-jātīyo hy eṣa jetu-kāmaḥ parājayaṃ na kṣamate" ity ācāryāḥ //

Sentence: 5 
    nety kauṭilyaḥ //
   na+ ity kauṭilyaḥ //

Sentence: 6 
    parājitaś ced dviguṇadaṇḍaḥ kriyeta na kaścana rājānam abʰisariṣyati //
   parājitaś ced dvi-guṇa-daṇḍaḥ kriyeta na kaścana rājānam abʰisariṣyati //

Sentence: 7 
    prāyaśo hi kitavāḥ kūṭadevinaḥ //
   prāyaśo hi kitavāḥ kūṭa-devinaḥ //

Sentence: 8 
    teṣām adʰyakṣāḥ śuddʰāḥ kākaṇīr akṣāṃś ca stʰāpayeyuḥ //
   teṣām adʰyakṣāḥ śuddʰāḥ kākaṇīr akṣāṃś ca stʰāpayeyuḥ //

Sentence: 9 
    kākaṇyakṣāṇām anyopadʰāne dvādaśapaṇo daṇḍaḥ, kūṭakarmaṇi pūrvaḥ sāhasadaṇḍo jitapratyādānam, upadʰau steyadaṇḍaś ca //
   kākaṇy-akṣāṇām anya-upadʰāne dvādaśa-paṇo daṇḍaḥ, kūṭa-karmaṇi pūrvaḥ sāhasa-daṇḍo jita-pratyādānam, upadʰau steya-daṇḍaś ca //

Sentence: 10 
    jitadravyād adʰyakṣaḥ pañcakaṃ śatam ādadīta, kākaṇyakṣārālāśalākāvakrayam udakabʰūmikarmakrayaṃ ca //
   jita-dravyād adʰyakṣaḥ pañcakaṃ śatam ādadīta, kākaṇy-akṣa-arālā-śalākā-avakrayam udaka-bʰūmi-karma-krayaṃ ca //

Sentence: 11 
    dravyāṇām ādʰānaṃ vikrayaṃ ca kuryāt //
   dravyāṇām ādʰānaṃ vikrayaṃ ca kuryāt //

Sentence: 12 
    akṣabʰūmihastadoṣāṇāṃ cāpratiṣedʰane dviguṇo daṇḍaḥ //
   akṣa-bʰūmi-hasta-doṣāṇāṃ ca+ apratiṣedʰane dvi-guṇo daṇḍaḥ //

Sentence: 13 
    tena samāhvayo vyākʰyātaḥ, anyatra vidyāśilpasamāhvayāt / iti //
   tena samāhvayo vyākʰyātaḥ, anyatra vidyā-śilpa-samāhvayāt / iti //

Sentence: 14 
    prakīrṇakaṃ tu - yācitakāvakrītakāhitakanikṣepakāṇāṃ yatʰādeśakālam adāne, yāmaccʰāyāsamupaveśasaṃstʰitīnāṃ vā deśakālātipātane, gulmataradeyaṃ brāhmaṇaṃ sādʰayataḥ, prativeśānuveśayor upari nimantraṇe ca dvādaśapaṇo daṇḍaḥ //
   prakīrṇakaṃ tu - yācitaka-avakrītaka-āhitaka-nikṣepakāṇāṃ yatʰā-deśa-kālam adāne, yāmac-cʰāyā-samupaveśa-saṃstʰitīnāṃ vā deśa-kāla-atipātane, gulmatara-deyaṃ brāhmaṇaṃ sādʰayataḥ, prativeśa-anuveśayor upari nimantraṇe ca dvādaśa-paṇo daṇḍaḥ //

Sentence: 15 
    saṃdiṣṭam artʰam aprayaccʰato, bʰrātr̥bʰāryāṃ hastena laṅgʰayato, rūpājīvām anyoparuddʰāṃ gaccʰataḥ, paravaktavyaṃ paṇyaṃ krīṇānasya, samudraṃ gr̥ham udbʰindataḥ, sāmantacatvāriṃśatkulyābādʰām ācarataś cāṣṭacatvāriṃśatpaṇo daṇḍaḥ //
   saṃdiṣṭam artʰam aprayaccʰato, bʰrātr̥-bʰāryāṃ hastena laṅgʰayato, rūpa-ājīvām anya-uparuddʰāṃ gaccʰataḥ, para-vaktavyaṃ paṇyaṃ krīṇānasya, samudraṃ gr̥ham udbʰindataḥ, sāmanta-catvāriṃśat-kulya-ābādʰām ācarataś ca+ aṣṭa-catvāriṃśat-paṇo daṇḍaḥ //

Sentence: 16 
    kulanīvīgrāhakasyāpavyayane, vidʰavāṃ cʰandavāsinīṃ prasahyādʰicarataḥ, caṇḍālasyāryāṃ spr̥śataḥ, pratyāsannam āpady anabʰidʰāvato, niṣkāraṇam abʰidʰāvanaṃ kurvataḥ, śākyājīvakādīn vr̥ṣalapravrajitān devapitr̥kāryeṣu bʰojayataḥ śatyo daṇḍaḥ //
   kula-nīvī-grāhakasya+ apavyayane, vidʰavāṃ cʰanda-vāsinīṃ prasahya+ adʰicarataḥ, caṇḍālasya+ āryāṃ spr̥śataḥ, pratyāsannam āpady anabʰidʰāvato, niṣkāraṇam abʰidʰāvanaṃ kurvataḥ, śākya-ājīvaka-ādīn vr̥ṣala-pravrajitān deva-pitr̥-kāryeṣu bʰojayataḥ śatyo daṇḍaḥ //

Sentence: 17 
    śapatʰavākyānuyogam aniṣr̥ṣṭaṃ kurvataḥ, yuktakarma cāyuktasya, kṣudrapaśuvr̥ṣāṇāṃ puṃstvopagʰātinaḥ, dāsyā garbʰam auṣadʰena pātayataś ca pūrvaḥ sāhasadaṇḍaḥ //
   śapatʰa-vākya-anuyogam aniṣr̥ṣṭaṃ kurvataḥ, yukta-karma ca+ ayuktasya, kṣudra-paśu-vr̥ṣāṇāṃ puṃstva-upagʰātinaḥ, dāsyā garbʰam auṣadʰena pātayataś ca pūrvaḥ sāhasa-daṇḍaḥ //

Sentence: 18 
    pitāputrayor dampatyor bʰrātr̥bʰaginyor mātulabʰagineyayoḥ śiṣyācāryayor vā parasparam apatitaṃ tyajataḥ, sārtʰābʰiprayātaṃ grāmamadʰye vā tyajataḥ pūrvaḥ sāhasadaṇḍaḥ, kāntāre madʰyamaḥ, tannimittaṃ bʰreṣayata uttamaḥ, sahaprastʰāyiṣv anyeṣv ardʰadaṇḍāḥ //
   pitā-putrayor dampatyor bʰrātr̥-bʰaginyor mātula-bʰagineyayoḥ śiṣya-ācāryayor vā parasparam apatitaṃ tyajataḥ, sārtʰa-ābʰiprayātaṃ grāma-madʰye vā tyajataḥ pūrvaḥ sāhasa-daṇḍaḥ, kāntāre madʰyamaḥ, tan-nimittaṃ bʰreṣayata uttamaḥ, saha-prastʰāyiṣv anyeṣv ardʰa-daṇḍāḥ //

Sentence: 19 
    puruṣam abandʰanīyaṃ badʰnato bandʰayato bandʰaṃ vā mokṣayato, bālam aprāptavyavahāraṃ badʰnato bandʰayato vā sahasraṃ daṇḍaḥ //
   puruṣam abandʰanīyaṃ badʰnato bandʰayato bandʰaṃ vā mokṣayato, bālam aprāpta-vyavahāraṃ badʰnato bandʰayato vā sahasraṃ daṇḍaḥ //

Sentence: 20 
    puruṣāparādʰaviśeṣeṇa daṇḍaviśeṣaḥ kāryaḥ //
   puruṣa-aparādʰa-viśeṣeṇa daṇḍa-viśeṣaḥ kāryaḥ //

Sentence: 21 
    tīrtʰakaras tapasvī vyādʰitaḥ kṣutpipāsādʰvaklāntas tirojanapado daṇḍakʰedī niṣkiṃcanaś cānugrāhyāḥ //
   tīrtʰa-karas tapasvī vyādʰitaḥ kṣut-pipāsā-adʰva-klāntas tiro-jana-pado daṇḍa-kʰedī niṣkiṃcanaś ca+ anugrāhyāḥ //

Sentence: 22 
    devabrāhmaṇatapasvistrībālavr̥ddʰavyādʰitānām anātʰānām anabʰisaratāṃ dʰarmastʰāḥ kāryāṇi kuryuḥ, na ca deśakālabʰogaccʰalenātihareyuḥ //
   deva-brāhmaṇa-tapasvi-strī-bāla-vr̥ddʰa-vyādʰitānām anātʰānām anabʰisaratāṃ dʰarmastʰāḥ kāryāṇi kuryuḥ, na ca deśa-kāla-bʰogac-cʰalena+ atihareyuḥ //

Sentence: 23 
    pūjyā vidyābuddʰipauruṣābʰijanakarmātiśayataś ca puruṣāḥ //
   pūjyā vidyā-buddʰi-pauruṣa-abʰijana-karma-atiśayataś ca puruṣāḥ //


Sentence: 24ab 
    evaṃ kāryāṇi dʰarmastʰāḥ kuryur accʰaladarśinaḥ /
   evaṃ kāryāṇi dʰarmastʰāḥ kuryur accʰala-darśinaḥ /

Sentence: 24cd 
    samāḥ sarveṣu bʰāveṣu viśvāsyā lokasampriyāḥ //E
   samāḥ sarveṣu bʰāveṣu viśvāsyā loka-sampriyāḥ //E






Copyright TITUS Project Frankfurt a/M 1999-2000. No parts of this document may be republished in any form without prior permission by the copyright holder.