TITUS
Kautiliya Arthasastra: Part No. 112

Chapter: 3 


Sentence: 1 
    vijigīṣuḥ śaktyapekṣaḥ ṣāḍguṇyam upayuñjīta //
   vijigīṣuḥ śakty-apekṣaḥ ṣāḍguṇyam upayuñjīta //

Sentence: 2 
    samajyāyobʰyāṃ saṃdʰīyeta, hīnena vigr̥hṇīyāt //
   sama-jyāyobʰyāṃ saṃdʰīyeta, hīnena vigr̥hṇīyāt //

Sentence: 3 
    vigr̥hīto hi jyāyasā hastinā pādayuddʰam ivābʰyupaiti //
   vigr̥hīto hi jyāyasā hastinā pāda-yuddʰam iva+ abʰyupaiti //

Sentence: 4 
    samena cāmaṃ pātram āmenāhatam ivobʰayataḥ kṣayaṃ karoti //
   samena ca+ āmaṃ pātram āmena+ ahatam iva+ ubʰayataḥ kṣayaṃ karoti //

Sentence: 5 
    kumbʰenevāśmā hīnenaikāntasiddʰim avāpnoti //
   kumbʰena+ iva+ aśmā hīnena+ eka-anta-siddʰim avāpnoti //

Sentence: 6 
    jyāyāṃś cen na saṃdʰim iccʰed daṇḍopanatavr̥ttam ābalīyasaṃ vā yogam ātiṣṭʰet //
   jyāyāṃś cen na saṃdʰim iccʰed daṇḍa-upanata-vr̥ttam ābalīyasaṃ vā yogam ātiṣṭʰet //

Sentence: 7 
    samaś cen na saṃdʰim iccʰed yāvanmātram apakuryāt tāvanmātram asya pratyapakuryāt //
   samaś cen na saṃdʰim iccʰed yāvan-mātram apakuryāt tāvan-mātram asya pratyapakuryāt //

Sentence: 8 
    tejo hi saṃdʰānakāraṇam //
   tejo hi saṃdʰāna-kāraṇam //

Sentence: 9 
    nātaptaṃ lohaṃ lohena saṃdʰatta iti //
   na+ ataptaṃ lohaṃ lohena saṃdʰatta iti //

Sentence: 10 
    hīnaś cet sarvatrānupraṇatas tiṣṭʰet saṃdʰim upeyāt //
   hīnaś cet sarvatra+ anupraṇatas tiṣṭʰet saṃdʰim upeyāt //

Sentence: 11 
    āraṇyo ʼgnir iva hi duḥkʰāmarṣajaṃ tejo vikramayati //
   āraṇyo+ agnir iva hi duḥkʰa-amarṣajaṃ tejo vikramayati //

Sentence: 12 
    maṇḍalasya cānugrāhyo bʰavati //
   maṇḍalasya ca+ anugrāhyo bʰavati //

Sentence: 13 
    saṃhitaś cet "paraprakr̥tayo lubdʰakṣīṇāpacaritāḥ pratyādānabʰayād vā nopagaccʰanti" iti paśyedd hīno ʼpi vigr̥hṇīyāt //
   saṃhitaś cet "para-prakr̥tayo lubdʰa-kṣīṇa-apacaritāḥ pratyādāna-bʰayād vā na+ upagaccʰanti" iti paśyedd hīno+ api vigr̥hṇīyāt //

Sentence: 14 
    vigr̥hītaś cet "paraprakr̥tayo lubdʰakṣīṇāpacaritā vigrahodvignā vā māṃ nopagaccʰanti" iti paśyej jyāyān api saṃdʰīyeta, vigrahodvegaṃ vā śamayet //
   vigr̥hītaś cet "para-prakr̥tayo lubdʰa-kṣīṇa-apacaritā vigraha-udvignā vā māṃ na+ upagaccʰanti" iti paśyej jyāyān api saṃdʰīyeta, vigraha-udvegaṃ vā śamayet //

Sentence: 15 
    vyasanayaugapadye ʼpi "guruvyasano ʼsmi, lagʰuvyasanaḥ paraḥ sukʰena pratikr̥tya vyasanam ātmano ʼbʰiyuñjyād" iti paśyej jyāyān api saṃdʰīyeta //
   vyasana-yaugapadye+ api "guru-vyasano+ asmi, lagʰu-vyasanaḥ paraḥ sukʰena pratikr̥tya vyasanam ātmano+ abʰiyuñjyād" iti paśyej jyāyān api saṃdʰīyeta //

Sentence: 16 
    saṃdʰivigrahayoś cet parakarśanam ātmopacayaṃ vā nābʰipaśyej jyāyān apy āsīta //
   saṃdʰi-vigrahayoś cet para-karśanam ātma-upacayaṃ vā na+ abʰipaśyej jyāyān apy āsīta //

Sentence: 17 
    paravyasanam apratikāryaṃ cet paśyedd hīno ʼpy abʰiyāyāt //
   para-vyasanam apratikāryaṃ cet paśyedd hīno+ apy abʰiyāyāt //

Sentence: 18 
    apratikāryāsannavyasano vā jyāyān api saṃśrayeta //
   apratikārya-āsanna-vyasano vā jyāyān api saṃśrayeta //

Sentence: 19 
    saṃdʰinaikato vigraheṇaikataś cet kāryasiddʰiṃ paśyej jyāyān api dvaidʰībʰūtas tiṣṭʰet //
   saṃdʰinā+ ekato vigraheṇa+ ekataś cet kārya-siddʰiṃ paśyej jyāyān api dvaidʰī-bʰūtas tiṣṭʰet //

Sentence: 20 
    evaṃ samasya ṣāḍguṇyopayogaḥ //
   evaṃ samasya ṣāḍguṇya-upayogaḥ //

Sentence: 21 
    tatra tu prativiśeṣaḥ //
   tatra tu prativiśeṣaḥ //


Sentence: 22ab 
    pravr̥ttacakreṇākrānto rājñā balavatābalaḥ /
   pravr̥tta-cakreṇa+ ākrānto rājñā balavatā+ abalaḥ /

Sentence: 22cd 
    saṃdʰinopanamet tūrṇaṃ kośadaṇḍātmabʰūmibʰiḥ //
   saṃdʰinā+ upanamet tūrṇaṃ kośa-daṇḍa-ātma-bʰūmibʰiḥ //

Sentence: 23ab 
    svayaṃ saṃkʰyātadaṇḍena daṇḍasya vibʰavena vā /
   svayaṃ saṃkʰyāta-daṇḍena daṇḍasya vibʰavena vā /

Sentence: 23cd 
    upastʰātavyam ity eṣa saṃdʰir ātmāmiṣo mataḥ //
   upastʰātavyam ity eṣa saṃdʰir ātma-āmiṣo mataḥ //

Sentence: 24ab 
    senāpatikumārābʰyām upastʰātavyam ity ayam /
   senā-pati-kumārābʰyām upastʰātavyam ity ayam /

Sentence: 24cd 
    puruṣāntarasaṃdʰiḥ syān nātmanety ātmarakṣaṇaḥ //
   puruṣa-antara-saṃdʰiḥ syān na+ ātmanā+ ity ātma-rakṣaṇaḥ //

Sentence: 25ab 
    ekenānyatra yātavyaṃ svayaṃ daṇḍena vety ayam /
   ekena+ anyatra yātavyaṃ svayaṃ daṇḍena vā+ ity ayam /

Sentence: 25cd 
    adr̥ṣṭapuruṣaḥ saṃdʰir daṇḍamukʰyātmarakṣaṇaḥ //
   adr̥ṣṭa-puruṣaḥ saṃdʰir daṇḍa-mukʰya-ātma-rakṣaṇaḥ //

Sentence: 26ab 
    mukʰyastrībandʰanaṃ kuryāt pūrvayoḥ paścime tv arim /
   mukʰya-strī-bandʰanaṃ kuryāt pūrvayoḥ paścime tv arim /

Sentence: 26cd 
    sādʰayed gūḍʰam ity ete daṇḍopanatasaṃdʰayaḥ //
   sādʰayed gūḍʰam ity ete daṇḍa-upanata-saṃdʰayaḥ //

Sentence: 27ab 
    kośadānena śeṣāṇāṃ prakr̥tīnāṃ vimokṣaṇam /
   kośa-dānena śeṣāṇāṃ prakr̥tīnāṃ vimokṣaṇam /

Sentence: 27cd 
    parikrayo bʰavet saṃdʰiḥ sa eva ca yatʰāsukʰam //
   parikrayo bʰavet saṃdʰiḥ sa eva ca yatʰā-sukʰam //

Sentence: 28ab 
    skandʰopaneyo bahudʰā jñeyaḥ saṃdʰir upagrahaḥ /
   skandʰa-upaneyo bahudʰā jñeyaḥ saṃdʰir upagrahaḥ /

Sentence: 28cd 
    niruddʰo deśakālābʰyām atyayaḥ syād upagrahaḥ //
   niruddʰo deśa-kālābʰyām atyayaḥ syād upagrahaḥ //

Sentence: 29ab 
    viṣahyadānād āyatyāṃ kṣamaḥ strībandʰanād api /
   viṣahya-dānād āyatyāṃ kṣamaḥ strī-bandʰanād api /

Sentence: 29cd 
    suvarṇasaṃdʰir viśvāsād ekībʰāvagato bʰavet //
   suvarṇa-saṃdʰir viśvāsād ekī-bʰāva-gato bʰavet //

Sentence: 30ab 
    viparītaḥ kapālaḥ syād atyādānābʰibʰāṣitaḥ /
   viparītaḥ kapālaḥ syād atyādāna-abʰibʰāṣitaḥ /

Sentence: 30cd 
    pūrvayoḥ praṇayet kupyaṃ hastyaśvaṃ vā garānvitam //
   pūrvayoḥ praṇayet kupyaṃ hasty-aśvaṃ vā gara-anvitam //

Sentence: 31ab 
    tr̥tīye praṇayed artʰaṃ katʰayan karmaṇāṃ kṣayam /
   tr̥tīye praṇayed artʰaṃ katʰayan karmaṇāṃ kṣayam /

Sentence: 31cd 
    tiṣṭʰec caturtʰa ity ete kośopanatasaṃdʰayaḥ //
   tiṣṭʰec caturtʰa ity ete kośa-upanata-saṃdʰayaḥ //

Sentence: 32ab 
    bʰūmyekadeśatyāgena śeṣaprakr̥tirakṣaṇam /
   bʰūmy-eka-deśa-tyāgena śeṣa-prakr̥ti-rakṣaṇam /

Sentence: 32cd 
    ādiṣṭasaṃdʰis tatreṣṭo gūḍʰastenopagʰātinaḥ //
   ādiṣṭa-saṃdʰis tatra+ iṣṭo gūḍʰa-stena-upagʰātinaḥ //

Sentence: 33ab 
    bʰūmīnām āttasārāṇāṃ mūlavarjaṃ praṇāmanam /
   bʰūmīnām ātta-sārāṇāṃ mūla-varjaṃ praṇāmanam /

Sentence: 33cd 
    uccʰinnasaṃdʰis tatreṣṭaḥ paravyasanakāṅkṣiṇaḥ //
   uccʰinna-saṃdʰis tatra+ iṣṭaḥ para-vyasana-kāṅkṣiṇaḥ //

Sentence: 34ab 
    pʰaladānena bʰūmīnāṃ mokṣaṇaṃ syād avakrayaḥ /
   pʰala-dānena bʰūmīnāṃ mokṣaṇaṃ syād avakrayaḥ /

Sentence: 34cd 
    pʰalātimukto bʰūmibʰyaḥ saṃdʰiḥ sa paridūṣaṇaḥ //
   pʰala-atimukto bʰūmibʰyaḥ saṃdʰiḥ sa paridūṣaṇaḥ //

Sentence: 35ab 
    kuryād avekṣaṇaṃ pūrvau paścimau tv ābalīyasam /
   kuryād avekṣaṇaṃ pūrvau paścimau tv ābalīyasam /

Sentence: 35cd 
    ādāya pʰalam ity ete deśopanatasaṃdʰayaḥ //
   ādāya pʰalam ity ete deśa-upanata-saṃdʰayaḥ //

Sentence: 36ab 
    svakāryāṇāṃ vaśenaite deśe kāle ca bʰāṣitāḥ /
   sva-kāryāṇāṃ vaśena+ ete deśe kāle ca bʰāṣitāḥ /

Sentence: 36cd 
    ābalīyasikāḥ kāryās trividʰā hīnasaṃdʰayaḥ //E
   ābalīyasikāḥ kāryās trividʰā hīna-saṃdʰayaḥ //E




(vigr̥hya-āsanaṃ - saṃdʰāya-āsanaṃ - vigr̥hya-yānaṃ - saṃdʰāya-yānaṃ - sambʰūya-prayāṇam)


Copyright TITUS Project Frankfurt a/M 1999-2000. No parts of this document may be republished in any form without prior permission by the copyright holder.