TITUS
Pancatantra
Part No. 16
Previous part

Chapter: 16  Kathā 16


Sentence: 1    asti kasmiṃścid vanoddeśe vajradaṃṣṭro nāma siṃhaḥ \
   asti kasmiṃś-cid+ vana-uddeśe vajradaṃṣṭro+ nāma siṃhaḥ \

Sentence: 2    tasya caturakakravyamukʰanāmānau śr̥gālavr̥kau sadā anugatau tatraiva prativasataḥ \
   tasya caturaka-kravyamukʰa-nāmānau śr̥gāla-vr̥kau sadā_ anugatau tatra_eva prativasataḥ \

Sentence: 3    atʰānyadine siṃhena kadācid āsannaprasavā prasavavedanayā svayūtʰād bʰraṣṭoṣṭracy upaviṣṭā kasmiṃścid vanoddeśe samāsāditā \
   atʰa_anya-dine siṃhena kadā-cid+ āsanna-prasavā prasava-vedanayā sva-yūtʰād+ bʰraṣṭā_uṣṭracy=+ upaviṣṭā kasmiṃś-cid+ vana-uddeśe samāsāditā \

Sentence: 4    atʰa tāṃ vyāpādya yāvad udaraṃ spʰāṭayati tāvaj jīvaṃl lagʰudāserakaśiśur niṣkrāntaḥ \
   atʰa tāṃ+ vyāpādya yāvad+ udaraṃ+ spʰāṭayati tāvaj+ jīvaṃl+ lagʰu-dāseraka-śiśur+ niṣkrāntaḥ \

Sentence: 5    siṃho 'pi dāserakyāḥ piśitena saparivāraḥ parāṃ tr̥ptim upāgataḥ paraṃ snehāt sa dāserakaṃ gr̥ham ānīyedam uvāca \
   siṃho+ +api dāserakyāḥ piśitena sa-parivāraḥ parāṃ+ tr̥ptim upāgataḥ paraṃ+ snehāt sa dāserakaṃ+ gr̥ham ānīya_idam uvāca \

Sentence: 6    bʰadra na te 'sti mr̥tyor bʰayaṃ matto nānyasmād api \
   bʰadra na te +asti mr̥tyor+ bʰayaṃ+ matto+ na_anyasmād+ api \

Sentence: 7    tataḥ sveccʰayātra vane bʰramyatām iti \
   tataḥ sva-iccʰayā_atra vane bʰramyatām iti \

Sentence: 8    yatas te śaṅkusadr̥śau karṇāv ataḥ śaṅkukarṇo nāma bʰaviṣyasi \
   yatas+ te śaṅku-sadr̥śau karṇāv+ ataḥ śaṅkukarṇo+ nāma bʰaviṣyasi \

Sentence: 9    evam anuṣṭʰite catvāro 'pi ta ekastʰāne vihāriṇaḥ parasparam anekaprakāragoṣṭʰīsukʰam anubʰavantas tiṣṭʰanti \
   evam anuṣṭʰite catvāro+ +api tae+ eka-stʰāne vihāriṇaḥ paras-param an-eka-prakāra-go-ṣṭʰī-sukʰam anubʰavantas+ tiṣṭʰanti \

Sentence: 10    śaṅkukarṇo 'pi yauvanapadavīm ārūḍʰaḥ kṣaṇam api na taṃ siṃhaṃ muñcati \
   śaṅkukarṇo+ +api yauvana-padavīm ārūḍʰaḥ kṣaṇam api na taṃ+ siṃhaṃ+ muñcati \

Sentence: 11    atʰa kadācid vajradaṃṣṭrasya kenacid vanyena mattagajena saha yuddʰam abʰavat \
   atʰa kadā-cid+ vajradaṃṣṭrasya kena-cid+ vanyena matta-gajena saha yuddʰam abʰavat \

Sentence: 12    tena madavīryāt sa dantaprahārais tatʰā kṣataśarīro vihito yatʰā pracalituṃ na śaknoti \
   tena mada-vīryāt sa danta-prahārais+ tatʰā kṣata-śarīro+ vihito+ yatʰā pracalituṃ+ na śaknoti \

Sentence: 13    tatkṣutkṣāmas tān provāca \
   tat-kṣut-kṣāmas+ tān provāca \

Sentence: 14    bʰo bʰavantaḥ \
   bʰo+ bʰavantaḥ \

Sentence: 15    anviṣyatāṃ kiṃcit sattvaṃ yenāham evaṃstʰito 'pi tad vyāpādyātmano yuṣmākaṃ ca kṣutpraṇāśaṃ karomi \
   anviṣyatāṃ+ kiṃ-cit sattvaṃ+ yena_aham evaṃ-stʰito+ +api tad+ vyāpādya_ātmano+ yuṣmākaṃ+ ca kṣut-praṇāśaṃ+ karomi \

Sentence: 16    tac cʰrutvā te trayo 'pi vane saṃdʰyākālaṃ yāvad bʰrāntāḥ paraṃ na kiṃcit sattvam āsāditaṃ \
   tac+ +cʰrutvā te trayo+ +api vane saṃdʰyā-kālaṃ+ yāvad+ bʰrāntāḥ paraṃ+ na kiṃ-cit sattvam āsāditaṃ+ \

Sentence: 17    atʰa caturakaś cintayām āsa \
   atʰa caturakaś+ cintayām āsa \

Sentence: 18    yadi śaṅkukarṇo 'yaṃ vyāpādyate tataḥ sarveṣāṃ katicid dināni tr̥ptir bʰavati paraṃ nainaṃ svāmī mitratvād āśrayasamāśritatvāc ca vināśayiṣyati \
   yadi śaṅkukarṇo+ +ayaṃ+ vyāpādyate tataḥ sarveṣāṃ+ kati-cid+ dināni tr̥ptir+ bʰavati paraṃ+ na_enaṃ+ svāmī mitratvād+ āśraya-samāśritatvāc+ ca vināśayiṣyati \

Sentence: 19    atʰa vā buddʰiprabʰāveṇa svāminaṃ pratibodʰya tatʰā kariṣye yatʰā vyāpādayiṣyati \
   atʰa vā buddʰi-prabʰāveṇa svāminaṃ+ pratibodʰya tatʰā kariṣye yatʰā vyāpādayiṣyati \

Sentence: 20    uktaṃ ca \
   uktaṃ+ ca \


Strophe: 369 
Verse: a    avadʰyaṃ cātʰa vāgamyam akr̥tyaṃ nāsti kiṃcana \
   a-vadʰyaṃ+ ca_atʰa vā_a-gamyam a-kr̥tyaṃ+ na_asti kiṃ-cana \

Verse: b    loke buddʰimatāṃ buddʰes tasmāt tāṃ viniyojayet \\369\\
   loke buddʰimatāṃ+ buddʰes+ tasmāt tāṃ+ viniyojayet \\369\\
Strophe:   Verse:  


Sentence: 21    evaṃ vicintya śaṅkukarṇam idam āha \
   evaṃ+ vicintya śaṅkukarṇam idam āha \

Sentence: 22    bʰoḥ śaṅkukarṇa svāmī tāvat patʰyaṃ vinā kṣudʰayā pīḍyate \
   bʰoḥ śaṅkukarṇa svāmī tāvat patʰyaṃ+ vinā kṣudʰayā pīḍyate \

Sentence: 23    svāmyabʰāvād asmākam api dʰruvaṃ vināśa eva \
   svāmy-a-bʰāvād+ asmākam api dʰruvaṃ+ vināśa+ eva \

Sentence: 24    tato vākyaṃ kiṃcit svāmyartʰe vadiṣyāmi \
   tato+ vākyaṃ+ kiṃ-cit svāmy-artʰe vadiṣyāmi \

Sentence: 25    tac cʰrūyatāṃ \
   tac+ +cʰrūyatāṃ+ \

Sentence: 26    śaṅkukarṇa āha \
   śaṅkukarṇa+ āha \

Sentence: 27    bʰoḥ śīgʰraṃ nivedyatāṃ yena te vacanaṃ śīgʰraṃ nirvikalpaṃ karomi \
   bʰoḥ śīgʰraṃ+ nivedyatāṃ+ yena te vacanaṃ+ śīgʰraṃ+ nirvikalpaṃ+ karomi \

Sentence: 28    aparaṃ svāmino hite kr̥te mayā sukr̥taśataṃ kr̥taṃ bʰaviṣyati \
   a-paraṃ+ svāmino+ hite kr̥te mayā su-kr̥ta-śataṃ+ kr̥taṃ+ bʰaviṣyati \

Sentence: 29    atʰa caturaka āha \
   atʰa caturaka+ āha \

Sentence: 30    bʰo bʰadra ātmaśarīraṃ dviguṇalābʰena prayaccʰa yena te dviguṇaṃ śarīraṃ bʰavati svāminaḥ punaḥ prāṇayātrā bʰavati \
   bʰo+ bʰadra ātma-śarīraṃ+ dvi-guṇa-lābʰena prayaccʰa yena te dvi-guṇaṃ+ śarīraṃ+ bʰavati svāminaḥ punaḥ prāṇa-yātrā bʰavati \

Sentence: 31    tad ākarṇya śaṅkukarṇaḥ prāha \
   tad ākarṇya śaṅkukarṇaḥ prāha \

Sentence: 32    bʰadra yady evaṃ tan madīyaprayojanam etad ucyatāṃ \
   bʰadra yady+ evaṃ+ tan+ madīya-prayojanam etad+ ucyatāṃ+ \

Sentence: 33    svāmyartʰaḥ kriyatām iti \
   svāmy-artʰaḥ kriyatām iti \

Sentence: 34    param atra dʰarmaḥ pratibʰūr iti te vicintya sarve siṃhasakāśam ājagmuḥ \
   param atra dʰarmaḥ pratibʰūr+ iti te vicintya sarve siṃha-sakāśam ājagmuḥ \

Sentence: 35    tataś caturaka āha \
   tataś+ caturaka+ āha \

Sentence: 36    deva na kiṃcit sattvaṃ prāptaṃ \
   deva na kiṃ-cit sattvaṃ+ prāptaṃ+ \

Sentence: 37    bʰagavān ādityo 'py astaṃgataḥ \
   bʰagavān ādityo+ +apy+ astaṃ-gataḥ \

Sentence: 38    tad yadi svāmī dviguṇaṃ śarīraṃ prayaccʰati tataḥ śaṅkukarṇo 'yaṃ dviguṇavr̥ddʰyā svaśarīraṃ prayaccʰati dʰarmapratibʰuvā \
   tad+ yadi svāmī dvi-guṇaṃ+ śarīraṃ+ prayaccʰati tataḥ śaṅkukarṇo+ +ayaṃ+ dvi-guṇa-vr̥ddʰyā sva-śarīraṃ+ prayaccʰati dʰarma-pratibʰuvā \

Sentence: 39    siṃha āha \
   siṃha+ āha \

Sentence: 40    bʰo yady evaṃ tat sundarataraṃ \
   bʰo+ yady+ evaṃ+ tat sundarataraṃ+ \

Sentence: 41    vyavahārasyāsya dʰarmaḥ pratibʰūḥ kriyatām iti \
   vyavahārasya_asya dʰarmaḥ pratibʰūḥ kriyatām iti \

Sentence: 42    atʰa siṃhavacanānantaraṃ vr̥kaśr̥gālābʰyāṃ vidāritobʰayakukṣiḥ śaṅkukarṇaḥ pañcatvam upagataḥ \
   atʰa siṃha-vacana-an-antaraṃ+ vr̥ka-śr̥gālābʰyāṃ+ vidārita-ubʰaya-kukṣiḥ śaṅkukarṇaḥ pañcatvam upagataḥ \

Sentence: 43    atʰa vajradaṃṣṭraś caturakam āha \
   atʰa vajradaṃṣṭraś+ caturakam āha \

Sentence: 44    bʰoś caturaka yāvad ahaṃ nadīṃ gatvā snānadevatārcanavidʰiṃ kr̥tvāgaccʰāmi tāvat tvayātrāpramattena bʰāvyam ity uktvā nadyāṃ gataḥ \
   bʰoś+ caturaka yāvad+ ahaṃ+ nadīṃ+ gatvā snāna-devatā-arcana-vidʰiṃ+ kr̥tvā_āgaccʰāmi tāvat tvayā_atra_a-pramattena bʰāvyam ity+ uktvā nadyāṃ+ gataḥ \

Sentence: 45    atʰa tasmin gate caturakaś cintayām āsa \
   atʰa tasmin gate caturakaś+ cintayām āsa \

Sentence: 46    katʰaṃ mamaikākino bʰojyo 'yam uṣṭro bʰaviṣyati iti vicintya kravyamukʰam āha \
   katʰaṃ+ mama_ekākino+ bʰojyo+ +ayam uṣṭro+ bʰaviṣyati_ iti vicintya kravyamukʰam āha \

Sentence: 47    bʰoḥ kravyamukʰa kṣudʰālur bʰavān \
   bʰoḥ kravyamukʰa kṣudʰālur+ bʰavān \

Sentence: 48    tad yāvad asau svāmī nāgaccʰati tāvat tvam asya uṣṭrasya māṃsaṃ bʰakṣaya \
   tad+ yāvad+ asau svāmī na_āgaccʰati tāvat tvam asya_ uṣṭrasya māṃsaṃ+ bʰakṣaya \

Sentence: 49    ahaṃ tvāṃ svāmino nirdoṣaṃ pratipādayiṣyāmi \
   ahaṃ+ tvāṃ+ svāmino+ nirdoṣaṃ+ pratipādayiṣyāmi \

Sentence: 50    so 'pi tac cʰrutvā yāvat kiṃcin māṃsam āsvādayati tāvac caturakeṇoktaṃ \
   so+ +api tac+ +cʰrutvā yāvat kiṃ-cin+ māṃsam āsvādayati tāvac+ caturakeṇa_uktaṃ+ \

Sentence: 51    bʰoḥ kravyamukʰa samāgaccʰati svāmī \
   bʰoḥ kravyamukʰa samāgaccʰati svāmī \

Sentence: 52    tat tyaktvainaṃ dūre tiṣṭʰa yenāsya bʰakṣaṇaṃ na vikalpayati \
   tat tyaktvā_enaṃ+ dūre tiṣṭʰa yena_asya bʰakṣaṇaṃ+ na vikalpayati \

Sentence: 53    tatʰānuṣṭʰite siṃhaḥ samāyāto yāvad uṣṭraṃ paśyati tāvad riktīkr̥tahr̥dayo dāserakaḥ \
   tatʰā_anuṣṭʰite siṃhaḥ samāyāto+ yāvad+ uṣṭraṃ+ paśyati tāvad+ riktī-kr̥ta-hr̥dayo+ dāserakaḥ \

Sentence: 54    tato bʰrūkuṭiṃ kr̥tvā paruṣataram āha \
   tato+ bʰrū-kuṭiṃ+ kr̥tvā paruṣataram āha \

Sentence: 55    aho kenaiṣa uṣṭra uccʰiṣṭatāṃ nīto yena tam api vyāpādayāmi \
   aho kena_eṣa uṣṭra+ uccʰiṣṭatāṃ+ nīto+ yena tam api vyāpādayāmi \

Sentence: 56    evam abʰihite kravyamukʰaś caturakamukʰam avalokayati \
   evam abʰihite kravyamukʰaś+ caturaka-mukʰam avalokayati \

Sentence: 57    kila tad vada kiṃcid yena mama śāntir bʰavati \
   kila tad+ vada kiṃ-cid+ yena mama śāntir+ bʰavati \

Sentence: 58    atʰa caturako vihasyovāca \
   atʰa caturako+ vihasya_uvāca \

Sentence: 59    bʰo mām anādr̥tya piśitaṃ bʰakṣayitvādʰunā manmukʰam avalokayasi \
   bʰo+ mām an-ādr̥tya piśitaṃ+ bʰakṣayitvā_adʰunā man-mukʰam avalokayasi \

Sentence: 60    tad āsvādayāsya durnayataroḥ pʰalam iti \
   tad+ āsvādaya_asya dur-naya-taroḥ pʰalam iti \

Sentence: 61    tad ākarṇya kravyamukʰo jīvanāśabʰayād dūradeśaṃ gataḥ \
   tad+ ākarṇya kravyamukʰo+ jīva-nāśa-bʰayād+ dūra-deśaṃ+ gataḥ \

Sentence: 62    etasminnantare tena mārgeṇa dāserakasārtʰo bʰārākrantaḥ samāyātaḥ \
   etasminn-antare tena mārgeṇa dāseraka-sa-artʰo+ bʰāra-ākrantaḥ samāyātaḥ \

Sentence: 63    tasyāgrasaroṣṭrasya kaṇṭʰe mahatī gʰaṇṭā baddʰā \
   tasya_agra-sara-uṣṭrasya kaṇṭʰe mahatī gʰaṇṭā baddʰā \

Sentence: 64    tasyāḥ śabdaṃ dūrato 'py ākarṇya siṃho jambukam āha \
   tasyāḥ śabdaṃ+ dūrato+ +apy+ ākarṇya siṃho+ jambukam āha \

Sentence: 65    bʰadra jñāyatāṃ kim eṣa raudraḥ śabdaḥ śrūyate 'śrutapūrvaḥ \
   bʰadra jñāyatāṃ+ kim eṣa raudraḥ śabdaḥ śrūyate +a-śruta-pūrvaḥ \

Sentence: 66    tac cʰrutvā caturakaḥ kiṃcid vanāntaraṃ gatvā satvaram abʰyupetya provāca \
   tac+ +cʰrutvā caturakaḥ kiṃ-cid+ vana-antaraṃ+ gatvā sa-tvaram abʰyupetya provāca \

Sentence: 67    svāmin gamyatāṃ yadi śaknoṣi gantuṃ \
   svāmin gamyatāṃ+ yadi śaknoṣi gantuṃ+ \

Sentence: 68    so 'bravīt \
   so+ +abravīt \

Sentence: 69    bʰadra kim evaṃ vyākulo dr̥śyase \
   bʰadra kim evaṃ+ vyākulo+ dr̥śyase \

Sentence: 70    tat katʰaya kim etad iti \
   tat katʰaya kim etad+ iti \

Sentence: 71    caturaka āha \
   caturaka+ āha \

Sentence: 72    svāminn eṣa dʰarmarājas tavopari kupito yad anenākāle dāserako 'yaṃ madīyo vyāpāditas tat sahasraguṇam uṣṭram asya sakāśād grahīṣyāmīti niścitya br̥hanmānam ādāyāgresarasyoṣṭrasya grīvāyāṃ gʰaṇṭāṃ baddʰvā vadʰyadāserakasaktān api pitr̥pitāmahān ādāya vairaniryātanārtʰam āyāta eva \
   svāminn+ eṣa dʰarma-rājas+ tava_upari kupito+ yad+ anena_a-kāle dāserako+ +ayaṃ+ madīyo+ vyāpāditas+ tat sahasra-guṇam uṣṭram asya sakāśād+ grahīṣyāmi_iti niścitya br̥han-mānam ādāya_agre-sarasya_uṣṭrasya grīvāyāṃ+ gʰaṇṭāṃ+ baddʰvā vadʰya-dāseraka-saktān api pitr̥-pitāmahān ādāya vaira-niryātana-artʰam āyāta+ eva \

Sentence: 73    siṃho 'pi tac cʰrutvā sarvato dūrād evāvalokya mr̥tam uṣṭraṃ parityajya prāṇabʰayāt pranaṣṭaḥ \
   siṃho+ +api tac+ +cʰrutvā sarvato+ dūrād eva_avalokya mr̥tam uṣṭraṃ+ parityajya prāṇa-bʰayāt pranaṣṭaḥ \

Sentence: 74    caturako 'pi śanaiḥ śanais tasyoṣṭrasya māṃsaṃ bʰakṣayām āsa \\
   caturako+ +api śanaiḥ śanais+ tasya_uṣṭrasya māṃsaṃ+ bʰakṣayām āsa \\


Next part


This text is part of the TITUS edition of Pancatantra.

Copyright TITUS Project, Frankfurt a/M, 22.4.2012. No parts of this document may be republished in any form without prior permission by the copyright holder.