TITUS
Mahabharata
Part No. 8
Previous part

Chapter: 8 
Adhyāya 8


Verse: 1  {Sūta uvāca}
Halfverse: a    sa cāpi cyavano brahman   bʰārgavo 'janayat sutam
   sa ca_api cyavano brahman   bʰārgavo_ajanayat sutam /
Halfverse: c    sukanyāyāṃ mahātmānaṃ   pramatiṃ dīptatejasam
   sukanyāyāṃ mahātmānaṃ   pramatiṃ dīpta-tejasam /1/

Verse: 2 
Halfverse: a    pramatis tu ruruṃ nāma   gʰr̥tācyāṃ samajījanat
   pramatis tu ruruṃ nāma   gʰr̥tācyāṃ samajījanat /
Halfverse: c    ruruḥ pramadvarāyāṃ tu   śunakaṃ samajījanat
   ruruḥ pramadvarāyāṃ tu   śunakaṃ samajījanat /2/

Verse: 3 
Halfverse: a    tasya brahman ruroḥ sarvaṃ   caritaṃ bʰūri tejasaḥ
   tasya brahman ruroḥ sarvaṃ   caritaṃ bʰūri tejasaḥ /
Halfverse: c    vistareṇa pravakṣyāmi   tac cʰr̥ṇu tvam aśeṣataḥ
   vistareṇa pravakṣyāmi   tat śr̥ṇu tvam aśeṣataḥ /3/

Verse: 4 
Halfverse: a    r̥ṣir āsīn mahān pūrvaṃ   tapo vidyā samanvitaḥ
   r̥ṣir āsīn mahān pūrvaṃ   tapo vidyā samanvitaḥ /
Halfverse: c    stʰūlakeśa iti kʰyātaḥ   sarvabʰūtahite rataḥ
   stʰūla-keśa\ iti kʰyātaḥ   sarva-bʰūta-hite rataḥ /4/

Verse: 5 
Halfverse: a    etasminn eva kāle tu   menakāyāṃ prajajñivān
   etasminn eva kāle tu   menakāyāṃ prajajñivān /
Halfverse: c    gandʰarvarājo viprarṣe   viśvāvasur iti śrutaḥ
   gandʰarva-rājo viprarṣe   viśvāvasur iti śrutaḥ /5/

Verse: 6 
Halfverse: a    atʰāpsarā menakā sā   taṃ garbʰaṃ bʰr̥gunandana
   atʰa_apsarā menakā sā   taṃ garbʰaṃ bʰr̥gu-nandana /
Halfverse: c    utsasarja yatʰākālaṃ   stʰūlakeśāśramaṃ prati
   utsasarja yatʰā-kālaṃ   stʰūla-keśa_āśramaṃ prati /6/

Verse: 7 
Halfverse: a    utsr̥jya caiva taṃ garbʰaṃ   nadyās tīre jagāma ha
   utsr̥jya ca_eva taṃ garbʰaṃ   nadyās tīre jagāma ha /
Halfverse: c    kanyām amara garbʰābʰāṃ   jvalantīm iva ca śriyā
   kanyām amara garbʰa_ābʰāṃ   jvalantīm iva ca śriyā /7/

Verse: 8 
Halfverse: a    tāṃ dadarśa samutsr̥ṣṭāṃ   nadītīre mahān r̥ṣiḥ
   tāṃ dadarśa samutsr̥ṣṭāṃ   nadī-tīre mahān r̥ṣiḥ /
Halfverse: c    stʰūlakeśaḥ sa tejasvī   vijane bandʰuvarjitām
   stʰūla-keśaḥ sa tejasvī   vijane bandʰu-varjitām /8/

Verse: 9 
Halfverse: a    sa tāṃ dr̥ṣṭvā tadā kanyāṃ   stʰūlakeśo dvijottamaḥ
   sa tāṃ dr̥ṣṭvā tadā kanyāṃ   stʰūla-keśo dvija_uttamaḥ /
Halfverse: c    jagrāhātʰa muniśreṣṭʰaḥ   kr̥pāviṣṭaḥ pupoṣa ca
   jagrāha_atʰa muni-śreṣṭʰaḥ   kr̥pā_āviṣṭaḥ pupoṣa ca /
Halfverse: e    vavr̥dʰe sā varārohā   tasyāśramapade śubʰā
   vavr̥dʰe sā vara_ārohā   tasya_āśrama-pade śubʰā /9/

Verse: 10 
Halfverse: a    pramadābʰyo varā sā tu   sarvarūpaguṇānvitā
   pramadābʰyo varā sā tu   sarva-rūpa-guṇa_anvitā /
Halfverse: c    tataḥ pramadvarety asyā   nāma cakre mahān r̥ṣiḥ
   tataḥ pramadvarā_ity asyā   nāma cakre mahān r̥ṣiḥ /10/

Verse: 11 
Halfverse: a    tām āśramapade tasya   rurur dr̥ṣṭvā pramadvarām
   tām āśrama-pade tasya   rurur dr̥ṣṭvā pramadvarām /
Halfverse: c    babʰūva kila dʰarmātmā   madanānugatātmavān
   babʰūva kila dʰarma_ātmā   madana_anugata_ātmavān /11/

Verse: 12 
Halfverse: a    pitaraṃ sakʰibʰiḥ so 'tʰa   vācayām āsa bʰārgavaḥ
   pitaraṃ sakʰibʰiḥ so_atʰa   vācayām āsa bʰārgavaḥ /
Halfverse: c    pramatiś cābʰyayāc cʰrutvā   stʰūlakeśaṃ yaśasvinam
   pramatiś ca_abʰyayāt śrutvā   stʰūla-keśaṃ yaśasvinam /12/

Verse: 13 
Halfverse: a    tataḥ prādāt pitā kanyāṃ   rurave tāṃ pramadvarām
   tataḥ prādāt pitā kanyāṃ   rurave tāṃ pramadvarām /
Halfverse: c    vivāhaṃ stʰāpayitvāgre   nakṣatre bʰagadaivate {!}
   vivāhaṃ stʰāpayitvā_agre   nakṣatre bʰaga-daivate /13/ {!}

Verse: 14 
Halfverse: a    tataḥ kati payāhasya   vivāhe samupastʰite
   tataḥ kati paya_ahasya   vivāhe samupastʰite /
Halfverse: c    sakʰībʰiḥ krīḍatī sārdʰaṃ   sā kanyā varavarṇinī
   sakʰībʰiḥ krīḍatī sārdʰaṃ   sā kanyā vara-varṇinī /14/

Verse: 15 
Halfverse: a    nāpaśyata prasuptaṃ vai   bʰujagaṃ tiryag āyatam
   na_apaśyata prasuptaṃ vai   bʰujagaṃ tiryag āyatam /
Halfverse: c    padā cainaṃ samākrāman   mumūrṣuḥ kālacoditā
   padā ca_enaṃ samākrāman   mumūrṣuḥ kāla-coditā /15/

Verse: 16 
Halfverse: a    sa tasyāḥ saṃpramattāyāś   coditaḥ kāladʰarmaṇā
   sa tasyāḥ saṃpramattāyāś   coditaḥ kāla-dʰarmaṇā /
Halfverse: c    viṣopaliptān daśanān   bʰr̥śam aṅge nyapātayat
   viṣa_upaliptān daśanān   bʰr̥śam aṅge nyapātayat /16/

Verse: 17 
Halfverse: a    sā daṣṭā sahasā bʰūmau   patitā gatacetanā
   sā daṣṭā sahasā bʰūmau   patitā gata-cetanā /
Halfverse: c    vyasur aprekṣaṇīyāpi   prekṣaṇīyatamākr̥tiḥ
   vyasur aprekṣaṇīyā_api   prekṣaṇīyatama_ākr̥tiḥ /17/

Verse: 18 
Halfverse: a    prasuptevābʰavac cāpi   bʰuvi sarpaviṣārditā
   prasuptā_iva_abʰavac ca_api   bʰuvi sarpa-viṣa_arditā /
Halfverse: c    bʰūyo manoharatarā   babʰūva tanumadʰyamā
   bʰūyo mano-haratarā   babʰūva tanu-madʰyamā /18/

Verse: 19 
Halfverse: a    dadarśa tāṃ pitā caiva   te caivānye tapasvinaḥ
   dadarśa tāṃ pitā caiva   te caiva_anye tapasvinaḥ /
Halfverse: c    viceṣṭamānāṃ patitāṃ   bʰūtale padmavarcasam
   viceṣṭamānāṃ patitāṃ   bʰū-tale padma-varcasam /19/

Verse: 20 
Halfverse: a    tataḥ sarve dvija varāḥ   samājagmuḥ kr̥pānvitāḥ
   tataḥ sarve dvija varāḥ   samājagmuḥ kr̥pā_anvitāḥ /
Halfverse: c    svasty ātreyo mahājānuḥ   kuśikaḥ śaṅkʰamekʰalaḥ
   svasty ātreyo mahā-jānuḥ   kuśikaḥ śaṅkʰa-mekʰalaḥ /20/

Verse: 21 
Halfverse: a    bʰāradvājaḥ kauṇakutsa   ārṣṭiṣeṇo 'tʰa gautamaḥ
   bʰāradvājaḥ kauṇakutsa ārṣṭiṣeṇo_atʰa gautamaḥ /
Halfverse: c    pramatiḥ saha putreṇa   tatʰānye vanavāsinaḥ
   pramatiḥ saha putreṇa   tatʰā_anye vana-vāsinaḥ /21/

Verse: 22 
Halfverse: a    tāṃ te kanyāṃ vyasuṃ dr̥ṣṭvā   bʰujagasya viṣārditām
   tāṃ te kanyāṃ vyasuṃ dr̥ṣṭvā   bʰujagasya viṣa_arditām /
Halfverse: c    ruruduḥ kr̥payāviṣṭā   rurus tv ārto bahir yayau
   ruruduḥ kr̥payā_āviṣṭā   rurus tv ārto bahir yayau /22/ (E)22



Next part


This text is part of the TITUS edition of Mahabharata.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.