TITUS
Mahabharata
Part No. 88
Previous part

Chapter: 88 
Adhyāya 88


Verse: 1  {Vasumanā uvāca}
Halfverse: a    pr̥ccʰāmi tvāṃ vasu manā rauśadaśvir; yady asti loko divi mahyaṃ narendra
   pr̥ccʰāmi tvāṃ vasu manā rauśadaśvir   yady asti loko divi mahyaṃ nara_indra / qՙ
Halfverse: c    yady antarikṣe pratʰito mahātman; kṣetrajñaṃ tvāṃ tasya dʰarmasya manye
   yady antarikṣe pratʰito mahātman   kṣetrajñaṃ tvāṃ tasya dʰarmasya manye /1/

Verse: 2  {Yayātir uvāca}
Halfverse: a    yad antarikṣaṃ pr̥tʰivī diśaś ca; yat tejasā tapate bʰānumāṃś ca
   yad antarikṣaṃ pr̥tʰivī diśaś ca   yat tejasā tapate bʰānumāṃś ca /
Halfverse: c    lokās tāvanto divi saṃstʰitā vai; te nāntavantaḥ pratipālayanti
   lokās tāvanto divi saṃstʰitā vai   te na_antavantaḥ pratipālayanti /2/

Verse: 3  {Vasumanā uvāca}
Halfverse: a    tāṃs te dadāmi pata mā prapātaṃ; ye me lokās tava te vai bʰavantu
   tāṃs te dadāmi pata mā prapātaṃ   ye me lokās tava te vai bʰavantu /
Halfverse: c    krīṇīṣvaināṃs tr̥ṇakenāpi rājan; pratigrahas te yadi samyak praduṣṭaḥ
   krīṇīṣva_enāṃs tr̥ṇakena_api rājan   pratigrahas te yadi samyak praduṣṭaḥ /3/ q

Verse: 4  {Yayātir uvāca}
Halfverse: a    na mitʰyāhaṃ vikrayaṃ vai smarāmi; vr̥tʰā gr̥hītaṃ śiśukāc cʰaṅkamānaḥ
   na mitʰyā_ahaṃ vikrayaṃ vai smarāmi   vr̥tʰā gr̥hītaṃ śiśukāt śaṅkamānaḥ / q
Halfverse: c    kuryāṃ na caivākr̥ta pūrvam anyair; vivitsamānaḥ kim u tatra sādʰu
   kuryāṃ na caiva_akr̥ta pūrvam anyair   vivitsamānaḥ kim u tatra sādʰu /4/

Verse: 5  {Vasumanā uvāca}
Halfverse: a    tāṃs tvaṃ lokān pratipadyasva rājan; mayā dattān yadi neṣṭaḥ krayas te
   tāṃs tvaṃ lokān pratipadyasva rājan   mayā dattān yadi na_iṣṭaḥ krayas te /
Halfverse: c    ahaṃ na tān vai pratigantā narendra; sarve lokās tava te vai bʰavantu
   ahaṃ na tān vai pratigantā nara_indra   sarve lokās tava te vai bʰavantu /5/ q

Verse: 6  {Śibir uvāca}
Halfverse: a    pr̥ccʰāmi tvāṃ śibir auśīnaro 'haṃ; mamāpi lokā yadi santīha tāta
   pr̥ccʰāmi tvāṃ śibir auśīnaro_ahaṃ   mama_api lokā yadi santi_iha tāta / q
Halfverse: c    yady antarikṣe yadi vā divi śritāḥ; kṣetrajñaṃ tvāṃ tasya dʰarmasya manye
   yady antarikṣe yadi vā divi śritāḥ   kṣetrajñaṃ tvāṃ tasya dʰarmasya manye /6/ q

Verse: 7  {Yayātir uvāca}
Halfverse: a    na tvaṃ vācā hr̥dayenāpi vidvan; parīpsamānān nāvamaṃstʰā narendra
   na tvaṃ vācā hr̥dayena_api vidvan   parīpsamānān na_avamaṃstʰā nara_indra / q
Halfverse: c    tenānantā divi lokāḥ śritās te; vidyudrūpāḥ svanavanto mahāntaḥ
   tena_anantā divi lokāḥ śritās te   vidyud-rūpāḥ svanavanto mahāntaḥ /7/

Verse: 8  {Śaunaka uvāca}
Halfverse: a    tāṃs tvaṃ lokān pratipadyasva rājan; mayā dattān yadi neṣṭaḥ krayas te
   tāṃs tvaṃ lokān pratipadyasva rājan   mayā dattān yadi na_iṣṭaḥ krayas te /
Halfverse: c    na cāhaṃ tān pratipatsyeha dattvā; yatra gatvā tvam upāsse ha lokān
   na ca_ahaṃ tān pratipatsya_iha dattvā   yatra gatvā tvam upāsse ha lokān /8/ ՙ

Verse: 9  {Yayātir uvāca}
Halfverse: a    yatʰā tvam indra pratimaprabʰāvas; te cāpy anantā naradeva lokāḥ
   yatʰā tvam indra pratima-prabʰāvas   te ca_apy anantā nara-deva lokāḥ /
Halfverse: c    tatʰādya loke na rame 'nyadatte; tasmāc cʰibe nābʰinandāmi dāyam
   tatʰā_adya loke na rame_anya-datte   tasmāt śibe na_abʰinandāmi dāyam /9/


Verse: 10  {Āstīka uvāca}
Halfverse: a    na ced ekaikaśo rājam̐l   lokān naḥ pratinandasi
   na ced ekaikaśo rājam̐l   lokān naḥ pratinandasi /
Halfverse: c    sarve pradāya bʰavate   gantāro narakaṃ vayam
   sarve pradāya bʰavate   gantāro narakaṃ vayam /10/

Verse: 11  {Yayātir uvāca}
Halfverse: a    yad arhāya dadadʰvaṃ tat   santaḥ satyānr̥śaṃsyataḥ
   yad arhāya dadadʰvaṃ tat   santaḥ satya_ānr̥śaṃsyataḥ /
Halfverse: c    ahaṃ tu nābʰidʰr̥ṣṇomi   yatkr̥taṃ na mayā purā
   ahaṃ tu na_abʰidʰr̥ṣṇomi   yat-kr̥taṃ na mayā purā /11/

Verse: 12  {Āstīka uvāca}
Halfverse: a    kasyaite pratidr̥śyante   ratʰāḥ pañca hiraṇmayāḥ
   kasya_ete pratidr̥śyante   ratʰāḥ pañca hiraṇmayāḥ /
Halfverse: c    uccaiḥ santaḥ prakāśante   jvalanto 'gniśikʰā iva
   uccaiḥ santaḥ prakāśante   jvalanto_agni-śikʰā\ iva /12/

Verse: 13  {Yayātir uvāca}
Halfverse: a    yuṣmān ete hi vakṣyanti   ratʰāḥ pañca hiraṇmayāḥ
   yuṣmān ete hi vakṣyanti   ratʰāḥ pañca hiraṇmayāḥ /
Halfverse: c    uccaiḥ santaḥ prakāśante   jvalanto 'gniśikʰā iva
   uccaiḥ santaḥ prakāśante   jvalanto_agni-śikʰā\ iva /13/

Verse: 14  {Āstīka uvāca}
Halfverse: a    ātiṣṭʰasva ratʰaṃ rājan   vikramasva vihāyasā
   ātiṣṭʰasva ratʰaṃ rājan   vikramasva vihāyasā /
Halfverse: c    vayam apy anuyāsyāmo   yadā kālo bʰaviṣyati
   vayam apy anuyāsyāmo   yadā kālo bʰaviṣyati /14/

Verse: 15  {Yayātir uvāca}
Halfverse: a    sarvair idānīṃ gantavyaṃ   sahasvargajito vayam
   sarvair idānīṃ gantavyaṃ   sahasvargajito vayam /
Halfverse: c    eṣa no virajāḥ pantʰā   dr̥śyate deva sadmanaḥ
   eṣa no virajāḥ pantʰā   dr̥śyate deva sadmanaḥ /15/

Verse: 16  {Vaiśampāyana uvāca}
Halfverse: a    te 'dʰiruhya ratʰān sarve   prayātā nr̥pasattamāḥ
   te_adʰiruhya ratʰān sarve   prayātā nr̥pa-sattamāḥ /
Halfverse: c    ākramanto divaṃ bʰābʰir   dʰarmeṇāvr̥tya rodasī
   ākramanto divaṃ bʰābʰir   dʰarmeṇa_āvr̥tya rodasī /16/


Verse: 17  {Āstīka uvāca}
Halfverse: a    ahaṃ manye pūrvam eko 'smi gantā; sakʰā cendraḥ sarvatʰā me mahātmā
   ahaṃ manye pūrvam eko_asmi gantā   sakʰā ca_indraḥ sarvatʰā me mahātmā /
Halfverse: c    kasmād evaṃ śibir auśīnaro 'yam; eko 'tyagāt sarvavegena vāhān
   kasmād evaṃ śibir auśīnaro_ayam   eko_atyagāt sarva-vegena vāhān /17/


Verse: 18  {Yayātir uvāca}
Halfverse: a    adadād deva yānāya   yāvad vittam avindata
   adadād deva yānāya   yāvad vittam avindata /
Halfverse: c    uśīnarasya putro 'yaṃ   tasmāc cʰreṣṭʰo hi naḥ śibiḥ
   uśīnarasya putro_ayaṃ   tasmāt śreṣṭʰo hi naḥ śibiḥ /18/


Verse: 19 
Halfverse: a    dānaṃ tapaḥ satyam atʰāpi dʰarmo hrīḥ; śrīḥ kṣamā saumya tatʰā titikṣā
   dānaṃ tapaḥ satyam atʰa_api dʰarmo hrīḥ   śrīḥ kṣamā saumya tatʰā titikṣā /
Halfverse: c    rājann etāny apratimasya rājñaḥ; śibeḥ stʰitāny anr̥śaṃsasya buddʰyā
   rājann etāny apratimasya rājñaḥ   śibeḥ stʰitāny anr̥śaṃsasya buddʰyā /
Halfverse: e    evaṃvr̥tto hrīniṣedʰaś ca yasmāt; tasmāc cʰibir atyagād vai ratʰena
   evaṃ-vr̥tto hrī-niṣedʰaś ca yasmāt   tasmāt śibir atyagād vai ratʰena /19/

Verse: 20  {Vaiśampāyana uvāca}
Halfverse: a    atʰāṣṭakaḥ punar evānvapr̥ccʰan; mātāmahaṃ kautukād indrakalpam
   atʰa_aṣṭakaḥ punar eva_anvapr̥ccʰan   mātāmahaṃ kautukād indra-kalpam /
Halfverse: c    pr̥ccʰāmi tvāṃ nr̥pate brūhi satyaṃ; kutaś ca kasyāsi sutaś ca kasya
   pr̥ccʰāmi tvāṃ nr̥pate brūhi satyaṃ   kutaś ca kasya_asi sutaś ca kasya /
Halfverse: e    kr̥taṃ tvayā yad dʰi na tasya kartā; loke tvadanyaḥ kṣatriyo brāhmaṇo vā
   kr̥taṃ tvayā yadd^hi na tasya kartā   loke tvad-anyaḥ kṣatriyo brāhmaṇo vā /20/ q

Verse: 21  {Yayātir uvāca}
Halfverse: a    yayātir asmi nahuṣasya putraḥ; pūroḥ pitā sārvabʰaumas tv ihāsam
   yayātir asmi nahuṣasya putraḥ   pūroḥ pitā sārvabʰaumas tv iha_āsam /
Halfverse: c    guhyam artʰaṃ māmakebʰyo bravīmi; mātāmaho 'haṃ bʰavatāṃ prakāśaḥ
   guhyam artʰaṃ māmakebʰyo bravīmi   mātāmaho_ahaṃ bʰavatāṃ prakāśaḥ /21/

Verse: 22 
Halfverse: a    sarvām imāṃ pr̥tʰivīṃ nirjigāya; prastʰe baddʰvā hy adadaṃ brāhmaṇebʰyaḥ
   sarvām imāṃ pr̥tʰivīṃ nirjigāya   prastʰe baddʰvā hy adadaṃ brāhmaṇebʰyaḥ /
Halfverse: c    medʰyān aśvān ekaśapʰān surūpāṃs; tadā devāḥ puṇyabʰājo bʰavanti
   medʰyān aśvān eka-śapʰān surūpāṃs   tadā devāḥ puṇyabʰājo bʰavanti /22/

Verse: 23 
Halfverse: a    adām ahaṃ pr̥tʰivīṃ brāhmaṇebʰyaḥ; pūrṇām imām akʰilāṃ vāhanasya
   adām ahaṃ pr̥tʰivīṃ brāhmaṇebʰyaḥ   pūrṇām imām akʰilāṃ vāhanasya /
Halfverse: c    gobʰiḥ suvarṇena dʰanaiś ca mukʰyais; tatrāsan gāḥ śatam arbudāni
   gobʰiḥ suvarṇena dʰanaiś ca mukʰyais   tatra_āsan gāḥ śatam arbudāni /23/ q

Verse: 24 
Halfverse: a    satyena me dyauś ca vasuṃdʰarā ca; tatʰaivāgnir jvalate mānuṣeṣu
   satyena me dyauś ca vasuṃ-dʰarā ca   tatʰaiva_agnir jvalate mānuṣeṣu /
Halfverse: c    na me pr̥tʰā vyāhr̥tam eva vākyaṃ; satyaṃ hi santaḥ pratipūjayanti
   na me pr̥tʰā vyāhr̥tam eva vākyaṃ   satyaṃ hi santaḥ pratipūjayanti /24/
Halfverse: e    sarve ca devā munayaś ca lokāḥ; satyena pūjyā iti me manogatam
   sarve ca devā munayaś ca lokāḥ   satyena pūjyā\ iti me mano-gatam / q


Verse: 25 
Halfverse: a    yo naḥ svargajitaḥ sarvān   yatʰāvr̥ttaṃ nivedayet
   yo naḥ svarga-jitaḥ sarvān   yatʰā-vr̥ttaṃ nivedayet /
Halfverse: c    anasūyur dvijāgrebʰyaḥ   sa labʰen naḥ salokatām
   anasūyur dvija_agrebʰyaḥ   sa labʰen naḥ salokatām /25/


Verse: 26  {Vaiśampāyana uvāca}
Halfverse: a    evaṃ rājā sa mahātmā hy atīva; svair dauhitrais tārito 'mitrasāhaḥ
   evaṃ rājā sa mahātmā hy atīva   svair dauhitrais tārito_amitra-sāhaḥ /
Halfverse: c    tyaktvā mahīṃ paramodārakarmā; svargaṃ gataḥ karmabʰir vyāpya pr̥tʰvīm
   tyaktvā mahīṃ parama_udāra-karmā   svargaṃ gataḥ karmabʰir vyāpya pr̥tʰvīm /26/ (E)26



Next part


This text is part of the TITUS edition of Mahabharata.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.