TITUS
Mahabharata
Part No. 102
Previous part

Chapter: 102 
Adhyāya 102


Verse: 1  {Vaiśampāyana uvāca}
Halfverse: a    teṣu triṣu kumāreṣu   jāteṣu kurujāṅgalam
   teṣu triṣu kumāreṣu   jāteṣu kuru-jāṅgalam /
Halfverse: c    kuravo 'tʰa kurukṣetraṃ   trayam etad avardʰata
   kuravo_atʰa kuru-kṣetraṃ   trayam etad avardʰata /1/

Verse: 2 
Halfverse: a    ūrdʰvasasyābʰavad bʰūmiḥ   sasyāni pʰalavanti ca
   ūrdʰva-sasyā_abʰavad bʰūmiḥ   sasyāni pʰalavanti ca /
Halfverse: c    yatʰartu varṣī parjanyo   bahupuṣpapʰalā drumāḥ
   yatʰā-r̥tu varṣī parjanyo   bahu-puṣpa-pʰalā drumāḥ /2/

Verse: 3 
Halfverse: a    vāhanāni prahr̥ṣṭāni   muditā mr̥gapakṣiṇaḥ
   vāhanāni prahr̥ṣṭāni   muditā mr̥ga-pakṣiṇaḥ /
Halfverse: c    gandʰavanti ca mālyāni   rasavanti pʰalāni ca
   gandʰavanti ca mālyāni   rasavanti pʰalāni ca /3/

Verse: 4 
Halfverse: a    vaṇigbʰiś cāvakīryanta   nagarāṇy atʰa śilpibʰiḥ
   vaṇigbʰiś ca_avakīryanta   nagarāṇy atʰa śilpibʰiḥ /
Halfverse: c    śūrāś ca kr̥tavidyāś ca   santaś ca sukʰino 'bʰavan
   śūrāś ca kr̥ta-vidyāś ca   santaś ca sukʰino_abʰavan /4/

Verse: 5 
Halfverse: a    nābʰavan dasyavaḥ ke cin   nādʰarmarucayo janāḥ
   na_abʰavan dasyavaḥ kecin   na_adʰarma-rucayo janāḥ /
Halfverse: c    pradeśeṣv api rāṣṭrāṇāṃ   kr̥taṃ yugam avartata
   pradeśeṣv api rāṣṭrāṇāṃ   kr̥taṃ yugam avartata /5/

Verse: 6 
Halfverse: a    dānakriyā dʰarmaśīlā   yajñavrataparāyaṇāḥ
   dāna-kriyā dʰarma-śīlā   yajña-vrata-parāyaṇāḥ /
Halfverse: c    anyonyaprītisaṃyuktā   vyavardʰanta prajās tadā
   anyonya-prīti-saṃyuktā   vyavardʰanta prajās tadā /6/

Verse: 7 
Halfverse: a    mānakrodʰavihīnāś ca   janā lobʰavivarjitāḥ
   māna-krodʰa-vihīnāś ca   janā lobʰa-vivarjitāḥ /
Halfverse: c    anyonyam abʰyavardʰanta   dʰarmottaram avartata
   anyonyam abʰyavardʰanta   dʰarma_uttaram avartata /7/

Verse: 8 
Halfverse: a    tan mahodadʰivat pūrṇaṃ   nagaraṃ vai vyarocata
   tan mahā_udadʰivat pūrṇaṃ   nagaraṃ vai vyarocata /
Halfverse: c    dvāratoraṇa niryūhair   yuktam abʰracayopamaiḥ
   dvāra-toraṇa niryūhair   yuktam abʰra-caya_upamaiḥ /
Halfverse: e    prāsādaśatasaṃbādʰaṃ   mahendra purasaṃnibʰam
   prāsāda-śata-saṃbādʰaṃ   mahā_indra pura-saṃnibʰam /8/

Verse: 9 
Halfverse: a    nadīṣu vanakʰaṇḍeṣu   vāpī palvala sānuṣu
   nadīṣu vana-kʰaṇḍeṣu   vāpī palvala sānuṣu /
Halfverse: c    kānaneṣu ca ramyeṣu   vijahrur muditā janāḥ
   kānaneṣu ca ramyeṣu   vijahrur muditā janāḥ /9/

Verse: 10 
Halfverse: a    uttaraiḥ kurubʰir sārdʰaṃ   dakṣiṇāḥ kuravas tadā
   uttaraiḥ kurubʰir sārdʰaṃ   dakṣiṇāḥ kuravas tadā /
Halfverse: c    vispardʰamānā vyacaraṃs   tatʰā siddʰarṣicāraṇaiḥ
   vispardʰamānā vyacaraṃs   tatʰā siddʰa-r̥ṣi-cāraṇaiḥ /
Halfverse: e    nābʰavat kr̥paṇaḥ kaś cin   nābʰavan vidʰavāḥ striyaḥ
   na_abʰavat kr̥paṇaḥ kaścin   na_abʰavan vidʰavāḥ striyaḥ /10/

Verse: 11 
Halfverse: a    tasmiñ janapade ramye   bahavaḥ kurubʰiḥ kr̥tāḥ
   tasmin jana-pade ramye   bahavaḥ kurubʰiḥ kr̥tāḥ /
Halfverse: c    kūpārāma sabʰā vāpyo   brāhmaṇāvasatʰās tatʰā
   kūpa_ārāma sabʰā vāpyo   brāhmaṇa_āvasatʰās tatʰā /
Halfverse: e    bʰīṣmeṇa śāstrato rājan   sarvataḥ parirakṣite
   bʰīṣmeṇa śāstrato rājan   sarvataḥ parirakṣite /11/

Verse: 12 
Halfverse: a    babʰūva ramaṇīyaś ca   caityayūpa śatāṅkitaḥ
   babʰūva ramaṇīyaś ca   caitya-yūpa śata_aṅkitaḥ /
Halfverse: c    sa deśaḥ pararāṣṭrāṇi   pratigr̥hyābʰivardʰitaḥ
   sa deśaḥ para-rāṣṭrāṇi   pratigr̥hya_abʰivardʰitaḥ /
Halfverse: e    bʰīṣmeṇa vihitaṃ rāṣṭre   dʰarmacakram avartata
   bʰīṣmeṇa vihitaṃ rāṣṭre   dʰarma-cakram avartata /12/

Verse: 13 
Halfverse: a    kriyamāṇeṣu kr̥tyeṣu   kumārāṇāṃ mahātmanām
   kriyamāṇeṣu kr̥tyeṣu   kumārāṇāṃ mahātmanām /
Halfverse: c    paurajānapadāḥ sarve   babʰūvuḥ satatotsavāḥ
   paura-jānapadāḥ sarve   babʰūvuḥ satata_utsavāḥ /13/

Verse: 14 
Halfverse: a    gr̥heṣu kurumukʰyānāṃ   paurāṇāṃ ca narādʰipa
   gr̥heṣu kuru-mukʰyānāṃ   paurāṇāṃ ca nara_adʰipa /
Halfverse: c    dīyatāṃ bʰujyatāṃ ceti   vāco 'śrūyanta sarvaśaḥ
   dīyatāṃ bʰujyatāṃ ca_iti   vāco_aśrūyanta sarvaśaḥ /14/

Verse: 15 
Halfverse: a    dʰr̥tarāṣṭraś ca pāṇḍuś ca   viduraś ca mahāmatiḥ
   dʰr̥tarāṣṭraś ca pāṇḍuś ca   viduraś ca mahā-matiḥ /
Halfverse: c    janmaprabʰr̥ti bʰīṣmeṇa   putravat paripālitāḥ
   janma-prabʰr̥ti bʰīṣmeṇa   putravat paripālitāḥ /15/

Verse: 16 
Halfverse: a    saṃskāraiḥ saṃskr̥tās te tu   vratādʰyayana saṃyutāḥ
   saṃskāraiḥ saṃskr̥tās te tu   vrata_adʰyayana saṃyutāḥ /
Halfverse: c    śramavyāyāma kuśalāḥ   samapadyanta yauvanam
   śrama-vyāyāma kuśalāḥ   samapadyanta yauvanam /16/

Verse: 17 
Halfverse: a    dʰanurvede 'śvapr̥ṣṭʰe ca   gadā yuddʰe 'si carmaṇi
   dʰanur-vede_aśva-pr̥ṣṭʰe ca   gadā yuddʰe_asi carmaṇi /
Halfverse: c    tatʰaiva gajaśikṣāyāṃ   nītiśāstre ca pāragāḥ
   tatʰaiva gaja-śikṣāyāṃ   nīti-śāstre ca pāragāḥ /17/

Verse: 18 
Halfverse: a    itihāsa purāṇeṣu   nānā śikṣāsu cābʰibʰo
   itihāsa purāṇeṣu   nānā śikṣāsu ca_abʰibʰo /
Halfverse: c    vedavedāṅgatattvajñāḥ   sarvatra kr̥taniśramāḥ
   veda-veda_aṅga-tattvajñāḥ   sarvatra kr̥ta-niśramāḥ /18/

Verse: 19 
Halfverse: a    pāṇḍur dʰanuṣi vikrānto   narebʰyo 'bʰyadʰiko 'bʰavat
   pāṇḍur dʰanuṣi vikrānto   narebʰyo_abʰyadʰiko_abʰavat /
Halfverse: c    aty anyān balavān āsīd   dʰr̥tarāṣṭro mahīpatiḥ
   aty anyān balavān āsīd   dʰr̥tarāṣṭro mahī-patiḥ /19/

Verse: 20 
Halfverse: a    triṣu lokeṣu na tv āsīt   kaś cid vidura saṃmitaḥ
   triṣu lokeṣu na tv āsīt   kaścid vidura saṃmitaḥ /
Halfverse: c    dʰarmanityas tato rājan   dʰarme ca paramaṃ gataḥ
   dʰarma-nityas tato rājan   dʰarme ca paramaṃ gataḥ /20/

Verse: 21 
Halfverse: a    pranaṣṭaṃ śaṃtanor vaṃśaṃ   samīkṣya punar uddʰr̥tam
   pranaṣṭaṃ śaṃtanor vaṃśaṃ   samīkṣya punar uddʰr̥tam /
Halfverse: c    tato nirvacanaṃ loke   sarvarāṣṭreṣv avartata
   tato nirvacanaṃ loke   sarva-rāṣṭreṣv avartata /21/

Verse: 22 
Halfverse: a    vīrasūnāṃ kāśisute   deśānāṃ kurujāṅgalam
   vīrasūnāṃ kāśi-sute   deśānāṃ kuru-jāṅgalam /
Halfverse: c    sarvadʰarmavidāṃ bʰīṣmaḥ   purāṇāṃ gajasāhvayam
   sarva-dʰarmavidāṃ bʰīṣmaḥ   purāṇāṃ gaja-sāhvayam /22/

Verse: 23 
Halfverse: a    dʰr̥tarāṣṭras tv acakṣuṣṭvād   rājyaṃ na pratyapadyata
   dʰr̥tarāṣṭras tv acakṣuṣṭvād   rājyaṃ na pratyapadyata /
Halfverse: c    karaṇatvāc ca viduraḥ   pāṇḍur āsīn mahīpatiḥ
   karaṇatvāc ca viduraḥ   pāṇḍur āsīn mahī-patiḥ /23/ (E)23



Next part


This text is part of the TITUS edition of Mahabharata.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.